विवाह के लिए विशेष महत्वपूर्ण हैं गुरु, शुक्र एवं मंगल

vivah ke lie vishesh mahatvapurn hain guru, shukra evan mangl  

Ank ke aur Lekh | Sambandhit Lekh | Views : 6751 |  
hamare shastron men 16 sanskar bataye gaye hain jinmen vivah sabse mahatvapurn sanskar hai. hamare samaj men jivan ko sucharu rup se chalane evan vansh ko age badhane ke lie vivah karna avashyak mana gaya hai. jab ham kundli men vivah ka vichar karte hain to uske lie nau grahon men sabse mahatvapurn grah guru, shukra aur mangal ka vishleshan karte hain. in tinon grahon ka vivah men vishesh bhumika hoti hai. yadi kisi ka vivah nahin ho raha hai ya danpatya jivan thik nahin chal raha hai to nishchit rup se kaha ja sakta hai ki uski kundli men guru, shukra aur mangal ki sthiti thik nahin hain. guru var-vadhu ki kundli men guru grah bali hona chahie. guru ki shubh drishti yadi saptam bhav par hoti hai to vaivahik jivan men pareshaniyon ke bad bhi algav ki sthiti nahin banti hai arthat guru ki shubhta var-vadhu ki shadi ko bandhe rakhti hai. guru grah shadi ke sath-sath santan ka karak bhi hai. atah yadi guru balhin hoga to shadi ke bad santan prapti men bhi kathinai hogi. atah hamen kundli men mukhya rup se guru ko sabse pahle dekhna chahie. guru yadi svayan bali hai sva athva uchch rashi men hai, kendra ya trikon men hai tatha shubh grah se prabhavit hai to jatak ke shadi men pareshani nahin ati hai aur jatak ki shadi samay se ho jati hai. shukra guru grah jahan shadi karvate hain vahin shukra grah shadi ka sukh pradan karte hain. kai bar dekha gaya hai ki shadi to samay par ho jati hai lekin pati ko patni sukh aur patni ko pati sukh ka abhav rahta hai. kisi n kisi karan vash pati-patni ek sath nahin rah pate aur agar rahte hain to bhi unhen shayya sukh prapt nahin ho pata. yadi apke jivan men aisi sthiti ban rahi hai to apko samajh lena chahie ki apka shukra grah pidit hai arthat shukra papi grahon se pidit hai, kamjor hai. atah hamen vivah ka purn sukh lene ke lie shukra ki sthiti ka akalan jarur karna chahie. shukra ki shubh sthiti danpatya jivan ke sukh ko prabhavit karti hai arthat yadi shukra svayan bali ho, sva athva uchch rashi men sthit ho, kendra ya trikon men ho tab achcha danpatya sukh prapt hota hai. iske viprit jab trik bhav, nich ka athva shatru kshetri, ast, papi grah se drisht athva papi grah ke sath baitha ho tab danpatya jivan ke lie ashubh yog banta hai. atah kundli men shukra ki sthiti ka avlokan jarur karna chahie. mangal mangal ka adhyayan kiye bina vivah ke paksh se kundliyon ka adhyayan adhura hi rahta hai. var-vadhu ki kundliyon ka vishleshan karte samay pahle kundli men mangal ki bhumika ka vichar avashya karna chahie ki mangal kin bhavon men sthit hai kaun se grahon se drishti sanbandh bana rahe hain tatha kin bhavon evan grahon par inki drishti hai. mangal se manglik yog ka nirman hota hai. yadi kundli men pratham, chaturth, saptam, ashtam aur dvadash bhav men mangal hota hai to kundli manglik kahlati hai kyonki in gharon men baithakar mangal saptam bhav ko prabhavit karta hai. atah kundli men mangal ki sthiti thik honi jaruri hai kyonki mangal grah ki ashubh sthiti vaivahik jivan ke sukh men kami lata hai. vishesh: yadi apki shadi nahin ho rahi hai ya apke danpatya jivan men sukh ki kami hai to ap kisi vidvan jyotishi se kundli dikhakar guru, shukra aur mangal ka upay karen. aisa karne se grah ki shubhta badhegi jisse apki vivah sanbandhi samasyaen dur hongi evan shadi jald hogi .
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.