शिक्षा के क्षेत्र में सफलता व असफलता के योग

shiksha ke kshetra men saflta v asflta ke yog  

Ank ke aur Lekh | Sambandhit Lekh | Views : 4154 |  
pratyek vyakti ka bhavi jivan star uske dvara adhyaynkal men kiya gaya parishram hi tay karta hai. adhyaynkal men yadi uska pariksha parinam nirantar achcha rahta hai, to prayah yah nishchit hota hai ki vah vyakti age jakar sukhi jivan vyatit karega aur uska jivan star achcha hoga. yahi karan hai, shiksha ke prati vartaman samay men jagrukta badhti ja rahi hai. pratyek abhibhavak ki yah ichcha hoti hai ki uski santan jivan men achche mukam par pahunche aur uska nam roshan kare, lekin is uddeshya ki prapti pratyek vidyarthi ke lie asan nahin hoti hai. shiksha ke itna mahatvapurn hone par bhi dekha jata hai ki sabhi vidyarthi shiksha ke kshetra men safal nahin ho pate hain. ek vidyarthi ki kai samasyaen ho sakti hain. jaise adhyayan men man nahin lagna, dhyan ekagra nahin hona, smaran shakti kam hona, adhyaynetar gatividhiyon men adhik lipt rahna atmavishvas ki kami hona, mehanat karne par bhi anukul parinam prapt nahin hona ityadi. yadi aisi kisi samasya se ap athva apki santan rubru ho rahi hai to aisi sthiti men jyotish apke lie ek achche sahayak ka karya kar sakti hai. kisi vyakti ke svabhav, uski shiksha, uske bhavi jivan ityadi ka nirnay uski janmapatrika dekhakar kiya ja sakta hai. yahan jyotish ke anusar ukt sthitiyon se sanbandhit katipay yogon ka ullekh kiya ja raha hai. shiksha ke lie janmakundli men pancham bhav, panchmesh, dvitiya bhav, dvitiyesh, chaturthesh, guru v budh inka mukhya rup se vichar karna chahie. yadi inmen se adhikatar ki sthiti shubh nahin hai, arthat nich, astagat, shatrugat ya papakartarigat hai to prayah aise vidyarthiyon ka adhyayan men man nahin lagta hai. bahut prayas karne par bhi ve ek sima tak hi adhyayan kar pate hain. lagn se jatak ki prakriti, uske svabhav evan achar vichar ka pata lagaya jata hai. yadi shani ka lagnesh par ya lagn par prabhav ho v rahu ki bhi lagn ya lagnesh par drishti ho to prayah aise vidyarthi adhik alsi hote hain. subah uthakar padhna unhen bilkul achcha nahin lagta. padhte samay bhi unhen adhyayan ke dauran hi nind a jati hai. yadi lagn evan lagnesh donon hi char rashiyon men evan chandrama pap pidit ya nirbal ho to adhyayan men dhyan ekagra nahin ho pata hai, kitab to samne hoti hai, lekin dhyan kahin aur hi rahta hai. ghanton padhne ke bad bhi pata chalta hai ki yad to kuch hua hi nahin. janm kundli men lagnesh yadi ashtam bhav men ho, nirbal ho, pap pidit ho ya astagat ho athva surya nich rashigat ho ya shani ke sath ho, to atmavishvas bahut kam hota hai. aise vidyarthi prayah kaksha men sabse piche baithte hain. janmakundli men budh evan guru ye donon adhyayan ki drishti se atyant mahatvapurn hote hain. yadi ye papakartari yog men hon, nirbal hon athva ashubh sthiti men hon ya pancham bhav men pap grah sthit ho, to smaran shakti kamjor hoti hai aur vishay vastu yad karne ke bad bhi pariksha ane tak mastishk se gayab si ho jati hai. adhyaynkal ke dauran shani ya rahu ki antardasha chal rahi ho evan janmapatrika men bhi inki sthitiyan anukul nahin ho, shukra, mangal ki yuti janmakundli men ho, rahu mangal ka sanbandh lagn athva pancham bhav men ban raha ho, to aise jatak adhyayan kal men adhyayan ki apeksha anya asamyik evan anaitik gatividhiyon men adhik sanlagn rahte hain. padhai inke lie dusre nanbar ka karya hota hai. adhyayan ke dauran yadi sadhesati athva dhaiya chal rahi ho, rahu-mangal ya shukra mangal ki yuti lagn, pancham ya gyarhven bhav men ho, to aise jatak prayah kusangti men padakar adhyayan par dhyan nahin dete hain. yah bhi dekha gaya hai ki kushagra buddhi se yukt hone par bhi aise jatak kusangti men padakar padhai se bhagne lagte hain. dvitiya bhav men ya lagn men rahu ya shani sthit ho aur chandrama bhi rahu, shani ya ketu ke sath sthit ho, sath hi panchmesh evan lagnesh bhi pap prabhav men ho to vidyarthiyon ko adhyaynkal men sigret, gutka ya anya duvryasan shighra apni or khinch lete hain. iske atirikt shukra yadi adhik bali ho, chandrama ya mangal se sanbandh banae, mangal pancham ya tritiya bhav men sthit ho evan budh-guru nirbal ho, to aise vidyarthi adhyaynkal men film dekhne men athva ghumne-firne men apna samay barbad karte hain aur inka padhai men man nahin lagta hai. lagn v lagnesh char ya dvisvabhav rashi men ho aur shani ya rahu lagn men sthit ho, to aise vidyarthi prayah adhyayan ke prati laprvah hote hain, adhyayan karya ko ganbhirta se nahin lete hain. alasya se yukt hote hain aur pariksha ke dinon men hi padhakar pariksha pas karna inki fitarat hoti hai. janmakundli men guru yadi nich rashigat ho, nirbal ho ya pap prabhav men ho evan lagnesh ki bhi aisi hi sthiti ho, to vidyarthi niahsandeh adhyayan karta hai arthat usmen duradarshita ki kami hoti hai. vah adhyayan to karta hai lekin adhyayan se sanbandhit uddeshyon ya lakshyon ka nirdharan vah nahin karta hai. bhagya use jahan le jata hai, vahin vah chala jata hai. shukra aur chandrama yadi trik bhavagat hon, nich rashigat hon ya pap prabhav mane ho evan mangal ki apeksha shani adhik bali ho, to aise vidyarthi vyavasthit dhang se n to rahte hain aur n hi adhyayan karte hain. unka adhyayan kaksh prayah ast vyast hi rahta hai. adhyayan ka koi nishchit samay bhi nahin hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.