सूर्य उपासना का महापर्व छठ

surya upasna ka mahaparva chath  

Ank ke aur Lekh | Sambandhit Lekh | Views : 1722 |  
yah parva sanpurn bihar aur uÿar pradesh ke purvi kshetron men bari shraddha se manaya jata hai jismen santan evan sukh-samriddhi ki prapti ke lie bhagvan surya dev ki aradhna ki jati hai. yah parva bahut hi saf-safai aur nishtha ke sath manaya jata hai. chath vrat dipavli ke chah din bad ‘kharna’ se aranbh hota hai. kharna ke din vrati snan-dhyan kar sham ko chandrama ko gur ki khir evan roti ka bhog lagate hain. kharna ke bad dusre din 24 ghante ka upvas aranbh hota hai. agle din sham ko nadi athva talab men khare hokar vratigan dubte surya ko aghrya dete hain. fir agli subah ko isi prakar ugte surya ko aghrya adi dekar mantra jap athva unki stuti, arti adi karte hain. tatpashchat prasad bantakar svayan bhi grahan karte hain. katha hai ki svayan manu ke putra raja priyavrat ko adhik samay bit jane ke bad bhi jab koi santan nahin hui to maharshi kashyap ne putreshti yagya karakr unki patni ko prasad diya. prasad khane se garbh to thahar gaya, kintu bad men rani ne mrit putra ko janm diya jise dekhakar ve tatkshan muchrchit ho gain. priyavrat mrit shishu ko lekar shmashan gae aur putra viyog men unhonne bhi pran tyagne ka nishchay kiya. usi samay shashthi devi vahan prakat huin. mrit balak ko bhumi par rakhakar raja ne devi ko pranam kiya. devi ne raja ko shashthi vrat karne ki salah di aur balak ko jivit kar diya. raja ne usi din ghar jakr niyamanusar shashthi devi ki puja ki. tabhi se yah vrat prasiddh ho gaya.
Kya aapko lekh pasand aaya? Subscribe
Kya aapko lekh pasand aaya? Subscribe


lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe

Apne vichar vyakt karein

blog comments powered by Disqus
.