(8 julai) somvti amavasya somvar ke din amavasya tithi ka sanyog hone se us amavasya ko somvti amavasya kahte hain. dharm granthon ke anusar is din snan, dan, pitri yagya tatha tarpan adi karne se vishesh punya fal ki prapti hoti hai. is din ganga adi punya tirthon par snan dan karna chahie.
(10 julai) rathyatra mahotsav yah mahotsav ashadh shukla dvitiya ko manaya jata hai. puri men shri jagannath ji ko saprivar vishal rath par arudh karke bhraman karaya jata hai. is rath yatra mahotsav men sammilit hone ke lie desh-videsh se shraddhalu bhaktagan bhari sankhya men ekatrit hokar punya ke bhagi bante hain.
(19 julai) devshyni ekadshi ashadh shukla ekadshi ka nam devshyni ekadshi hai. is din bhagvan vishnu kshirsagar men shesh-shayya par shayan karte hain. is din bhaktajanon ko vidhipurvak vrat rakhakar bhagvan ki apne ghar men puja archana karke ratri ke samay sundar, manohar shayya banakar bhagvan ko shayan karana chahie. isse bhagvan shri hari apne bhakton par bahut prasann hokar apni anukampa pradan karte hain.
(22 julai) gurupurnima ashadh shukla purnima ko gurupurnima kahte hain. is din vishesh rup se atharah puranon ke rachyita maharshi vedavyas ki puja archana ki jati hai aur fir apne diksha guru ka devtulya puja archana ki jati hai. is din guru ki puja karne se manushya ih lok tatha parlok men atyant sukh prapt karta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!