स्त्री रोगों का ज्योतिष एवं वास्तु द्वारा आकलन

stri rogon ka jyotish evan vastu dvara akln  

Ank ke aur Lekh | Sambandhit Lekh | Views : 2593 |  
striyon ke rog, surya adi grahon ke sath, chandrama se adhik prabhavit hote hain. masik dharm, lyukoriya, mansik chintaen, bechaini, raktachap adi rog striyon ki kundli men chandrama ki pap grahon ke sath upasthiti, athva drishti sanbandh ki hi upaj hain. atah grahon ki sthiti ka adhyayan kar rogon ka upchar kiya jae, to achchi saflta mil sakti hai aur nirogi samaj ki sthapna ho sakti hai. striyan svabhav se hi bhavuk hoti hain tatha un par parivar ki jimmedariyon ka bojh adhik hota hai. purushapradhan samaj men purushon ki apeksha striyon ko aram aur manoranjan ka samay kam hi milta hai, jiska prabhav unki manah sthiti par pratikul hota hai. chandrama hi man aur vicharon ka pratinidhitva karta hai. kuch grahon ki samanya sthiti ka ullekh nimnanusar hai, jo rog utpann karte hain: 1- janmakundli men pap grah shani, rahu, mangal, ketu chandrama ke sath sthit hon, to striyon ko masik dharm men kasht pahunchate hain tatha unhen krodhit, jhanujhlahtpurn, chintagrast banate hain. 2- chandrama par pap grah ki drishti, ya mangal par shani ki drishti rakt vikar, raktachap paida karti hain. 3- stri ki kundli men pancham bhav par surya, ketu, rahu, shani, mangal adi grahon ki drishti ho aur koi shubh grah pancham bhav ko nahi dekhta ho, to garbhapat ki shikayat hoti hai. jitne pap grah pancham bhav par drishti rakhte hain, utne hi garbhapat honge. 4- ashtam bhav men mesh, kark, vrishchik men sthit shani, mangal, rahu, ketu chot, durghatana ke yog paida karte hain aur striyon ki kundli men atyadhik raktasrav sanbandhi rog dete hain. 5- striyon ki kundli men dvadash bhav sthit kisi bhi rashi ka chandrama anavashyak shankaen paida karta hai aur, chintit rakhta hai. 5- striyon ki janmakundli men chathe bhav men sthit chandrama unhen parivar ki sevika banata hai. aisi striyan parivar ke vriddhajanon ki achchi seva karti hain, kintu svayan chintit rahti hain. 6- striyon ki janmakundli men saptam bhav men jitne pap grah sthit honge, athva saptam bhav par jitne pap grah drishti dalenge, danpatya jivan utna hi kashtakar tatha udasin hoga aur ve nishchit hi vibhinn rogkarak honge. jyotish shastra men anisht grahon ki shanti ke lie mantra, yantra, ratn, aushdhi upchar ki vyavastha prastut ki gayi hai. ayurved ke anusar vibhinn jadi-butiyon ko jangal se, vishesh nakshatra men, vishesh muhurt aur din ko, mantra padh kar laya jata hai tatha uski aushdhi ka prayog rogi par kiya jata hai, to uske chamatkarik prabhav najar ate hain. vibhinn prakar ke ratnon ki bhasm ka upyog bhi ayurved men kiya jata hai aur balya arishth men grah yogon ki vivechna ki jati hai. anek bar yah dekha gaya hai ki chikitsakon dvara bimari ka sarvottam upchar karne ke pashchat bhi bimari se mukti nahin milti. iske lie chikitsak doshi nahin ho sakte. vyakti ke apne pap grahon ka purva sanchit karm hai, jo bandhan se mukt nahin hone deta. iske lie shreshth hoga ki vyakti ki janmakundli se grah sthiti ka sukshm adhyayan kar mantra aur ratn ka upchar kiya jave tatha achche vaidya se aushdhi li jave, to chamatkari parinam mil sakte hain. aj ke bhautik yug men arth sangrah ki daud ke karan achche jyotishiyon aur vastuvidon ka abhav hai. falasvarup makanon/avason ka nirman vastu shastra ke anurup n hone se anek vyadhiyan utpann hoti hain, jinki jankari jan samanya ko nahin hoti. kyonki striyan adhik samay ghar men hi vyatit karti hain, is karan ve hi sabse adhik prabhavit hoti hain. upchar a- kudli men chandrama ki sthiti kamjor hone se panch se sat ratti ka moti daye hath ki anamika, athva kanishtha anguli men somvar ko shubh chaighdiye men dharan karen. b- kundli men chandrama kamjor ho, to shayan kaksh men shaiya ke niche chandi ke patra men ghuti hui keshar sahit jal bhar kar rakhna chahie. isse parivar ke asadhya rogi thik hote hain. c- yadi danpatya jivan men kuntha aur tanav ho, to grihasth ko apne kaksh men shuddh gay ke ghi ka dipak prajjvalit karna chahie. d- yadi koi stri surya grah se pidit hai, to lal chandan ka tukda takiye ke niche hamesha rakhna chahie. e- apne shayan kaksh men angithi, chimta, kadahi, tava, chalni, chanjla, musal, imam dasta adi nahin rakhne chahien. f- ghar ke andar kantile aur dudh jharne vale ped, jaise kaiktas ke paudhe, kanton ka guladasta, baragad, rabar ka ped adi nahin rakhne chahien. kantile paudhe grihasth jivan men kante hi paida karte hain. g- ghar men rasoi agney kon (purva-dakshin kona) men honi chahie aur khana banane vali stri ka mukh purva disha men hona chahie. h- puja grih ishan kon (uttara-purva ka kona) men hona chahie. isse parivar men shanti rahti hai aur svami ki khyati badhti hai. i- shauchalay ishan men kadapi n ho, varna parivar men rogiyon ki sankhya adhik hogi tatha hamesha ashanti bani rahegi. j- yadi parivar men striyon ke ghutnon men dard ho, to nishchit hi pani ki tanki ki disha galat hogi. pani ki tanki bhutal men uttar men aur bhavan ke upri bhag men dakshin-pashchim ki or honi chahie. k- shayan kaksh men madak dravya n rakhe javen aur n sevan kiye javen. l- sote samay vyakti ka sir dakshin disha, athva purva disha men hi hona chahie, anyatha kai rog ho sakte hain. m- sote samay panv ki taraf darvaja nahin hona chahie. n- makan ka mukhya dvar bhukhand ke kisi bhi kone ko kat kar tircha nahin banana chahie. isse parivar ke sadasyon ke lie durghatana hone ke yog rahte hain. uparyukt samanya savdhaniyane se nirogi raha ja sakta hai. anya ganbhir rogon ko dur karne ke lie shreshth chikitsak evan jyotishi se paramarsh kar ke hi aushdhi tatha ratn dharan karen.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.