क्यों?
Ank ke aur Lekh | Sambandhit Lekh | Views : 2374 |  

hindu manyataon ka vaigyanik adhar

anadi kal se hi hindu dharm men anek prakar ki manyataon ka samavesh raha hai. vicharon ki prakhrta evan vidvanon ke nirantar chintan se manyataon v asthaon men bhi parivartan hua. kya in manyataon v asthaon ka kuch vaigyanik adhar bhi hai? yah prashn baranbar buddhijivi pathkon ke man ko kachotta hai. dharmagranthon ko uddhrit karke‘ ‘babavakya pramanam’ kahne ka yug ab samapt ho gaya hai. dharmik manyataon par samyak chintan karna aj ke yug ki atyant avashyak pukar ho chuki hai.

prashna: dharmik krityon men asan kyon bichaya jata hai?

uttara: dharmashastra ke anusar bina asan ke vyakti ko apne dharmik krityon-anushthanon men siddhi nahin milti. brahmand puran tantrasar ke anusar khali bhumi par baithne se duahkh, lakri par durbhagya, bans par daridrata, patthar par baithne se rog, ghas-fus par apamarsh, patton par baithne se chittabhram aur kapre par baithne se tapasya men hani hoti hai.

puja-path v dharmik anushthan karne se vyakti ke bhitar ek vishesh prakar ke adhyatmik shakti-punj ka sanchay hota hai. yah shakti-sanchay ‘lik’ hokar vyarth n ho jay isliye asan iske bich vidyut kuchalak ka kam karta hai. isi shakti sanchay ke karan ishtabali vyakti ke chehre par tej evan vishesh prakar ki chamak pratyaksh dekhi jati hai. yahi karan hai ki bhartiya rishi mrig-charm, kusha asan, gobar ka chaika, evan lakri ki kharaun ka prayog kiya karte the.

prashna: surya ko aghrya kyon?

uttara: sadharan manyata hai ki surya ko aghrya dene se pap nasht ho jate hain. skandapuran men likha hai- surya ko aghrya diye bina bhojan karna pap khane ke saman hai.

ved ghoshna karte hain-

ath sandhyaya yadpah prayukte ta viprasho vajriyutva asuran paghnanti..-

arthat sandhya men jo jal ka prayog kiya jata hai, ve jalakan vajra banakar asuron ka nash karte hain. surya kirnon dvara asuron ka nash ek alankarik bhasha hai. manav jati ke liye ye asur hain-taifaid, rajayakshma, firang, nimoniya jinka vinash surya kirnon ke divya samathrya se hota hai. enthreks ke spar jo kai varshon ke shushkikaran se nahin marte, surya prakash se derh ghante men mar jate hain. isi prakar haija, nimoniya, chechak, tapedik, firang rog adi ke ghatak kitanu, garam jal men khub ubalne par bhi nasht nahin hote. par pratahkalin surya ki jal men pratiflit hui altravaylet kirnon se shighra nasht ho jate hain. -

prashna: sankalp men jal-grahan kyon? -

uttara: vedadi shastron men jal upasparsh purvak sankalp karne ka vidhan hai. jal men varundev ka nivas mana gaya hai. vedon men kaha gaya hai ki yah varun pratigya palan n karne vale ko kathor dand deta hai. pran shakti bhi piye gaye jal ka antim parinam hai. logon men yah ukti prasiddh hai ki - ‘yadi main amuk karya n karun to mujhe jal pine ko n mile.’

hindu dharm men apne jivit avastha men kiye gaye dharmanushthanon evan marnoprant bhi pitri tarpan men jal ki mahti avashyakta rahti hai.

prashna: achmni kyon karen?

uttara: sankalp ke liye jis tanbe ya chandi ke chammach men jal grahan kiya jata hai, use achmni kahte hain.

kanthshodhan karne ke liye achaman kiya jata hai. achmni karne se kaf ke niahsrit ho jane ke karan shvas-prashvas kriya men aur mantradi ke shuddh uchcharan men bhi apekshit sahkarya prapt hota hai.

prashna: achaman tin bar kyon kiya jata hai?

uttara: tin bar achaman karne ki kriya dharmagranthon dvara nirdisht hai. tin bar achaman karne se kayik, mansik aur vachik trividh papon ki nivritti hokar vyakti ko adrisht fal ki prapti hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.