प्रेम का प्रतीक फिरोजा

prem ka pratik firoja  

Ank ke aur Lekh | Sambandhit Lekh | Views : 10842 |  
kisi ke prati apna prem prakat karna ho, to use firoja ki bani mudrika bhent karni chahie. yah premi-premika, pati-patni, athva mitra kisi ko bhi bhent ki ja sakti hai. ismen anurag ka rang chadha hota hai. agar pahle se prem ankurit hai, to vah pallavit hoga, pushpit hoga aur ant men falit bhi hoga. yadi pahle se kuch n ho, to tab bhi prem ankurit hone lagega. vivahit yugal ek jaisi do anguthiyan firoja ki banvaen aur prempurvak ek duje ko pahnaen, to prem sanbandhon men pragadhta aegi. yadi kisi prakar ka matbhed hai, to vah samapt ho kar niktta badhegi. do mitra, athva do saheliyan bhi apne priya ko firoja ki anguthi, athva laeket bhent karen, to mitrata ka rang chokha chadhega. firoja men satvik kism ki vashikaran shakti hoti hai. ek vishesh prayog ke bare men likha ja raha hai. tin mitra the. tinane men se do men kisi bat ko le kar matbhed ho gaya. ek hi shahar men rah kar donon ne panch sal tak bolchal band rakhi. tisre mitra ne, jo donon ka param mitra aur shubh chintak tha, ek hi tarah ki tatha ek hi vajan ki tin firoja ki anguthiyan banvayin. abhimantrit hone ke bad tinon mitron ne anguthiyan pahnin. donon firoja pahne ruthe mitron ko apas men hath milate der nahin lagi. yah siddh hua ki firoja nafarat ko shant kar nishchal prem badhata hai. is paropkari ratn ke anek nam hainah sanskrit men perojak, pairoj, vyomabh, nilkanthak, farsi men firoja tatha angreji men tarkoij kahte hain. shastron men iski utpatti daityaraj bali ke sharir ki nason se batlayi gayi hai. firoja faras (naushpur namak sthan) tibbat, afganistan, misra, amerika evan turki adi deshon men paya jata hai. iska rang gahra nila, asmani nila aur harapan lie hota hai. shuddh nile rang ki mang adhik hoti hai. tibbat men hara rang pasand kiya jata hai. garmi, tej prakash aur pasine se iska rang kharab ho sakta hai. firoja aparadarshak hote hue bhi apne rang ki chamak ke karan sundar ratnon ki shreni men ata hai. firoja ka kathinya 5.6 se 6 tatha apekshit gurutva 2.6 se 2.8 tak hota hai. rasayan shastra ke anusar yah elyuminiyam, loha, tanba aur faesfet ka yaugik hai. aushdhiya gun firoja ka shodhan karne ke pashchat bhasm, ya pak ka aushdhiya prayog kiya jata hai. yah prayog anubhvi chikitsak ke margadarshan men hi karna uchit hai. yah netra evan vani dosh, munh aur gale ke rog, udar shul aur purane vish ka prabhav nasht karta hai. anidra rog men bhi yah labhdayak hai. aisa vishvas kiya jata hai ki firoja ke dharak ke nikat bichchu nahin ata. use bijli aur pani ka bhay nahin rahta hai. jyotishiya gun lagn ke aspas ke bhavon men, ya lagn men papi, ya anishtakarak grah ho, to firoja un grahon ke dosh se lagn ko surakshit karta hai. firoja ke dharan hetu alg-alag jyotishiya mat is prakar hain: 1- bhartiya janm mas ke adhar par paush mahine men agar jatak ka janm hua ho, to firoja avashya pahnen. 2-jatak ki rashi kunbh ho, to firoja dharan karen. 3-angreji mas ke adhar par disanbar men janma vyakti firoja dharan kare. 4- surya rashi ke anusar 21 disanbar se 19 janvri ke madhya janma vyakti firoja pahan sakta hai. 5- firoja ka rang hara ho, to budh ke lie, gahra nila ho, to shani ke lie aur asmani halka nila ho, to shukra ke lie pahna jata hai. 6- ketu dosh hone par firoja pahnen. ise kisi ratn vishesh ka uparatn batlana nyaysangat nahin hai. ise to ek svatantra ratn ki sangya di jani chahie. iske upyog hetu kisi rashi-lagn ka vichar hi nahin karna chahie, kyonki yah sabka mitra hai; shatru kisi ka bhi nahin. ise to prem aur balidan ka sandeshvahak aur jan-jan ka dulara hona chahie. karan, yah ratn ane vale kasht ko apne upar le leta hai aur dharak ko bacha leta hai. dharak ke viruddh kisi prakar ka shadyantra ho raha ho, to yah svayan ka rang badal kar dharak ko savdhan karta hai. ane vali vipatti ka bhi vah isi prakar sanket deta hai. kahne ka matalab yah hai ki firoja sachche svami bhakt ki tarah chaikas rah kar dharak ko purn suraksha pradan karta hai aur badle men kuch bhi nahin chahta. kintu firoja kharid kar pahnne par labh utna nahin hota, jitna ki kisi ke dvara bhent karne par hota hai. yah ek mulayam, khubsurat aur chikna ratn hai. vishvabhar men, khas kar misra desh men prachin kal se hi firoja ke sone-chandi ke gahne bante rahe hain. iran men to firoja ko rashtriya samman ka ratn mana jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.