लाजवर्त मणि एक नाम अनेक काम

lajavart mani ek nam anek kam  

Ank ke aur Lekh | Sambandhit Lekh | Views : 8168 |  
prachin granthon men jis nilm ka varnan milta hai, vah vastav men nilam n ho kar aj ki lajavart mani hi hai. bhale hi aj ki nilam ne lajavart se vah uchch asn chin kar use uparatn ki shreni men la rakha ho, par ab bhi iski upyogita kam nahin hui hai. pauranik katha ke anusar asur raj bali ki kesh rashi se lajavart ki utpatti hui. kesh rashi ke sath dharn kie mukut ka svarn bhi ismen samahit ho gaya. chairasi ratnon men lajavart bhi ek hai. pauranik katha jo bhi ho, vaigyanik drishti se iski sanrchna salfar yukt sodiyam aur alyuminiyam siliket se hui hai. yah prakritik rup se anya kai maniyon ka sanyukt rup hai. lajavart aparadarshak mani hai. ismen gahre nile rang ke alava kuch kalapn bhi hota hai. iski kathorta 5 se 5. 30 aur apekshit ghanatva 2.50 se 2.90 ke madhya hai. yah vajan men bhari hota hai. chili, saiberiya, afganistan, arjentina aur tibbat men lajavart ka utpadn hota hai. yah rus ki vaikal jhil ke aspas bhi milta hai. afganistan aur arjentina ka lajavart mahanga hota hai. frans men rasaynon ke sanyog se lajavarta vaigyanik tarike se banaya jata hai. aushdhiya prayog: lajavart men anek aushdhiya gun hote hain. iske upyog se pathri rog, gurde ka rog, masse ki taklif, bavasir tatha pitt ka prakop adi shant ho jate hain. yah sukhe rog men labhdayak hota hai aur nav rakta ka sanchar kar kanti barhata hai. iske upyog se piliya, prameh tatha kshaya rog ka nash hota hai aur hriday pushta hota hai. yah mirgi, muchrcha evan nana prakar ke charm rogon men labhaprad hai. ankhon men surma lagane se pani girne ka rog mitta hai. jyotishiya prayog: lajavart men anek jyotishiya gun bhi hain. uparatn ke rup men dharan karne se shani shant hokar bure falon ke prabhav ko kshin kar deta hai. gale men dharan karne se bachchon ka darna aur chainkna dur ho jata hai. dharak ko fora-funsi aur muhanson se rahat milti hai. ek kanya ke munh par muhanson ka atyadhik prakop tha. koi dava karagar nahin ho rahi thi. shadi men badha a rahi thi. use lajavart aur mun ston sanyukt rup se dharan karae gae. kanya men bhagvan ke prati astha jagi. tin mahine men 75 prashit muhanse thik ho gae aur panchven mahine mane shadi tay ho gai. kisi vyakti ko kisi chij se elarji ho to use achcha lajavart pahnna chahie. elarji ka rog dhire-dhire chala jaega. dhyan rahe, uparatn ka chunav karte samay savdhani barten. lajavart ka anguthi ke nagon ke alava laeket aur mala ke rup men bhi prayog kiya ja sakta hai. chamatkari ratn sang-sitara ga-sitara gerue rang ka aparadarshak ratn hota hai. iski satah par sunhre rang ke chinte pare hote hain, jinke karan yah charon or se chamkta rahta hai. iski sunhri abha logon ka man moh leti hai. agni jaisi abha ke karan yah dahkte angare ki tarah dikhai parta hai. is karan ise angar-mani kaha jata hai. yah surya ratn chandramni ki tarah felspar varg ka hai. iske andar se lohe ke aksaid ke kan prakash ke paravartana se lal-pili jhanin marte hain. yah ratn komal, chikna aur manmohk hota hai. yah kam kimat ka hone se har kisi ki pahunch men ata hai. ratna ko lens se das guna bara karke dekhne par tanbe jaise kan dikhai parte hain. iske nag anguthi, laeket aur karnaful banane aur mala pirone men kam ate hain. sang-sitara surya aur mangal ka uparatn hai. iska rang surya aur mangl ke anurup hai. yadi shraddhapurvak is ratn ko dharan kiya jae to yah donon hi grahon ke shubhatva ko barhata hai. anya grahon ke lie bhi kisi prakar ka anishtakari prabhav utpanna nahin karta.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  February 2006

hamare rishi maharshiyon ne mukhyatya tin prakar ke upayon ki anushansa ki hai yatha tantra, mantra evan yantra. in tinon men se tisra upay sarvadhik ullekhniya evan karne men sahaj hai. isi men se ek upay hai ratn dharan karna. aisa mana jata hai ki koi n koi ratn har grah se sambandhit hai tatha yadi koi vyakti vah ratn dharan karta hai to us grah ke dvara srijit ashubhatva men kafi kami ati hai. fyuchar samachar ke is visheshank men anek mahatvapurn alekhon ko samavisht kiya gaya hai jismen se pramukh hain- chairasi ratn evan unka prabhav, vibhinn lagnon men ratn chayan, jyotish ke chah mahadosh evan ratn chayan, rog bhagaen ratn, ratnon ka shuddhikaran evan pran-pratishtha, kitne din men asar dikhate hain ratn, lajavart mani-ek nam anek kam ityadi. iske atirikt sthayi stambhon ke bhi mahatvapurn alekh vidyaman hain.

Subscribe

Apne vichar vyakt karein

blog comments powered by Disqus
.