क्या है- पूजा में आरती का महत्व

kya hai- puja men arti ka mahatva  

Ank ke aur Lekh | Sambandhit Lekh | Views : 5557 |  
puja-path ka ek mahatvapurn ang hai, ‘artin shastron men arti ko ‘araktika’ ‘arartika’ aur ‘nirajn’ bhi kahte hain. kisi bhi prakar ki puja-path, yagya-havan, panchopchar-shodshopchar puja adi ke bad arti ant men ki jati hai. puja-path men jo truti rah jati hai, arti se uski purti hoti hai. arti ko lekar hamare ‘skandpuran’ men bhi kaha gaya hai- mantrahinan kriyahinan yat pujnan hareah . sarve sanpurnatameti krite nirajne shive.. arthat - pujan mantrahin aur kriyahin hone par bhi nirajan arti kar lene se usmen sari purnata a jati hai. arti men pahle mulmantra (bhagvan ya jis devta ka jis mantra se pujan kiya gaya ho, us mantra) ke dvara tin bar pushpanjli deni chahiye aur dhol, nagade shankh, ghadiyal adi mahavadyon ki dhvani tatha jay-jaykar ke shabd ke sath shuddh patra men ghrit se ya kapur se visham sankhya ki anek battiyan jalakar arti karni chahie. tatashch mulmantren datva pushpanjlitrayam. mahanirajnan kuryanmahavadyajayasvanaiah.. prajvalyet tadarth ch karpuren ghriten va. arartik shubhe patra vishmanekavartikam.. sadharntah panch battiyon se arti ki jati hai, ise ‘panchapradip’ bhi kahte hain. ek, sat ya usse bhi adhik (visham sankhya men) battiyon se arti ki jati hai. kunkum, agar, kapur, chandan, rui aur ghi, dhup ki ek panch ya sat battiyan banakar shankh, ghanta adi baje bajate hue bhagvan ki arti karni chahie. arti ke panch ang hote hain. pratham dipmala ke dvara, dusre jalyukt shankh se, tisre dhule hue vastra se, chaithe am aur pipal adi ke patton se aur panchven sashtang dandavat se arti karen. arti utarte samay sarva-pratham bhagvan ki pratima ke charnon men use char bar ghumayen, do bar nabhidesh men, ek bar mukhmandal par aur sat bar samast angon par ghumayen. mandiron men anekon bhagvanon ki arti ki jati hai, usi prakar yadi koi vyakti apne ghar men bhi arti karta hai, to vah ek se adhik bhagvanon v devi-devta ki arti kar sakta hai, parantu sarvapratham bhagvan shri ganesh ji ki arti karen tatha ant men bhagvan shri hari vishnu ji ki arti karen (arthat - om jay jagdish hare) arti rojana pratah kal tatha sayankal sanpurn parivar ke sath karni chahie. arti se ghar v as-pas ka vatavaran bhi shuddh hota hai tatha nakaratmak urja bhi samapt hoti hai. yatharth men arti pujan ke ant men ishtadevta ki prasannata hetu ki jati hai. ismen ishtadev ko dipak dikhane ke sath hi unka stavan tatha gungan kiya jata hai. kadligarbhasambhutan karpur ch pradipitam. arartikyamhan kurve pashya me vardo bhav..
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.