वास्तु शास्त्र एक वैज्ञानिक पद्धति

vastu shastra ek vaigyanik paddhati  

Ank ke aur Lekh | Sambandhit Lekh | Views : 2485 |  
vastu shastra ka adhar: vastu shastra prakriti ke sath santulan banaye rakhne ki vidha hai atah yah purnatah prakriti par hi adharit hai. prakriti ke mulbhut panch tatva jal, prithvi, agni, akash aur vayu se to ham sabhi parichit hain. in panchon ko apne bhavn men kaise santulit rakhna hai yah hamen vastu shastra batata hai parantu vastu shastra ke gurh niyam jin panch chijon par adharit hain vo nimnalikhit hai: 1. surya ka prakash 2. uttari dhruv se ane vali vidyut chunbkiya tarangane 3. dishaon ke tatva 4. vastu purush ki akriti 5. prithvi ka jhukav surya ka prakash: vastu shastra men surya ke prakash ko bahut mahatvapurn mana gaya hai. ismen surya ki pratahkalin surya rashmiyon ka bhavan men pravesh avashyak mana gaya hai. pratah kalin surya ki kirnane sakaratmak urja dene vali aur aur har prakar se labhkari hoti hain jinse ghar ki sari nakaratmaka urjayen bahar hokar ghar men achche svasthya ki vriddhi karti hai isiliye vastu men bhavan ko purva aur uttara disha ko nicha rakha jata hai. aj adhunik chikitsa vigyan ne bhi is bat ko man liya hai ki subah ka surya prakash achche svasthya ke liye avashyak hai. dopahar ke samay ka surya prakash hamare liye hanikark hota hai atah vastu men dakshin aur pashchim disha ko uncha rakhte hain taki madhyahn kal ki hanikark surya rashmiyon se bacha ja sake. vidyut chunbkiya tarangen hamari prithvi ek vishal chunbak ki bhanti hi hai jismen uttari dhurav se dakshini dhruv arthat uttar disha se dakshin ki or sakaratmak vidyut chunbkiya tarangane chalti hanai. in shubh chunbkiya tarangon ka pravah hamare ghar men nirbadh rup se ho sake isliye vastu men ghar ki uttar disha ko nicha, khali aur halka rakha jata hai. dishaon ke tatva samanya rup se ham char dishaon purva, pashchim, uttar, dakshin se parichit hain parantu vastu men bhavan ya bhukhand ko ath dishaon men banta jata hai jinmen uttar, purva ke bich ka kona ishan kon dakshin, purva ke bich ka kona agney kon, uttara-pashchim ko vayavya kon aur dakshin-pashchim ko nairritya kon kahte hain. inmen se pratyek disha ya kon ka vistar 450 hota jisse kul milakar 3600 pure hote hain. inmen pratyek disha ka apna alag tatva hota hai jismen purva disha agni tatva karak hai, pashchim vayu tatva karak, uttara jal tatva aur dakshin disha bhumi tatva karak hai. isi prakar ishan kon jal tatva karak, agney kon agni tatva, vayavya kon vayu tatva aur nairritya kon bhumi tatva kark hai. isi ke adhar par bhavan men vibhinn kakshon ya sthanon ki dishaen nishchit ki jati hain. jaise agni ki pradhanta ke karan rasoi agney kon men banayi jati hai. vidyut yantra yahin rakhe jate hain. ghar men jal srot, boring adi uttara ya ishan men banaye jate hain aur bhumi tatva ki pradhanta hone ke karn dakshin aur nairritya men sarvadhik nirman kiya jata hai aur adhik bhar yahin rakha jata hai. kisi bhi bhukhand ya bhavan ke madhyabhag arthat kendra ko brahmasthala ya brahmasthan kahte hain. yah bhi ishan kon ki hi bhanti ghar ka sarvadhik mahatvapurn sthan hota hai. vastu purush ki akriti vastu purush vastu shastra ki sarvadhik mahatvapurn kari hai. pauranik kathaon men vastu purush ko bhagvan ‘shiv’ ke pasina se utpann hua mana gaya hai par ham yahan iske takniki pahluon par hi charcha karenge. vastu purush ki akriti prithvi ya kisi bhukhand par is prakar hai ki vah munh niche kiye hue donon hath aur pairon ko ek vishesh avastha men more hue leta hai, uska sir ishan kon men hai. donane bhujaen agney aur vayavya kon men hain tatha donon panje nairritya kon men hain. vastu purush ki is akriti ka bhi vastu niyamon ki utpatti men bahut bara mahatva hai. vastu men ishan kon ko khali, svachch aur halka rakhne ka ek karan yah bhi hai ki vahan vastu purush ka sir parta hai aur mastishk par adhik bhar nahin hona chahiye. sath hi nairritya kon ko sabse adhik bhari kiya jata hai. jaise hamare sharir ka pura bhar hamare panjane par hota hai vaise hi vastupurush ke panje nairritya kon men parte hain. atah vah vastu shastra men bhari vajan ke liye rakha gaya hai. vastu purush ki sthiti se jo akriti banti hai vah vargakar hai. atah ‘‘vargakar’’ akriti ko hi vastu niyamon men shreshth mana gaya hai. prithvi ka jhukav hamari prithvi apni dhuri par ek vishesh akriti men jhuki hui hai jismen yah 23)0 nairritya kon (dakshin-pashchim) se ishan kon (uttara-purva) ki or jhuki hai. atah is santulan ko banaye rakhne ke liye tatha prakritik urjaon ka jo prabhav prithvi par hai use apne bhavan men bhi banaye rakhne ke liye ghar ka ishan kon nicha aur nairritya uncha rakha jata hai. in uprokt panch tatvon ke adhar par hi vastu shastra ke niyam bane huye hain jo purnatah vaigyanik aur hamen labhanvit karne vale hain.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.