वास्तु शास्त्र एवं धर्म

vastu shastra evan dharm  

Ank ke aur Lekh | Sambandhit Lekh | Views : 1702 |  
ek arkitekt ek uttam bhavan to bana sakta hai parantu usmen rahne vale prani ke sukhi jivan ki garanti nahin de sakta. vastu vidha is bat ki garanti deti hai. sansar men jitni bhi manav sabhyataen hai unmen bhavan nirman ko ek sansarik kritya mana gaya hai jabki bharat mane bhavn-nirman ek dharmik kritya hai. bharat men bhavn nirman ka hetu purusharth chatushtay ki siddhi hai. jab tak ham is dharmik rahasya ko samajh nahin payenge tab tak vastu ke rahasya ko kabhi nahin jan payenge. yadi bhavan nirman kala men se vastu vigyan ko nikal diya jay to uski kimat shunya hai. yah keval int, patthar, lohe, siment ka dher hai aur kuch bhi nahin. bhavn nirman ek dharmik kritya hai jismen purusharth chatushtay ki siddhi dharm, arth, kam aur moksh ke rahasya ko samjhna bhi avashyak hai. 1. dharma: vyakti ko dharm labh hona chahiye. bhavan men nivas karne vale prani ko adhyatmik v atmik sukh milna chahiye. usmen nivas karne vale vyakti ko adhibhautik, adhidaivik aur adhyatmik trividh doshon se mukti milni chahiye. bhavn men nivas karne vale prani ko dekhte hi am admi ka sir shraddha evan vishvas se svatah hi unke charnane men jhuk jana chahiye. ghar men kabhi kisi se jhagra n ho, kalah na ho. naisargik vair bhav n ho. prachin kal men rishi-muniyon ke ashram kshetra men ate hi hinsak prani apna naisargik vair bhav bhul jate the. sher v bakri ek sath, sanp v nevla ek sath baithe hote the. yah vastu ke dharmik labh ka pratyaksh udaharan hai. 2. artha: grih pravesh ke sath hi dhan barhna chahiye. vyakti ka stara uncha uthna chahiye. aisa nahin ho ki vyakti ne makan banaya aur karj men dabta chala gaya. vyakti arthik rup se divaliya ho jaye to samjhen bhavan ka vastu kharab hai. iske viprit uske ay ke srot barhne chahie, uski market vailyu, uski sakh, uski pratishtha men bhari vriddhi honi chahiye tabhi bhavan nirman ki sarthakata hai. 3. kam: vyakti ko patni ka purn sukh milna chahiye. putra-pautra ki vriddhi honi chahiye, uske sukh, aishvarya evan sansarik sukhon men vriddhi honi chahiye. aisa n ho ki bhavn banate hi ghar men kutunb men kalah shuru ho jay, kort kes ho jay. vyakti mansik tanav men jakar jay to samjhen ki bhavan ka vastu kharab hai. iske viprit patni, uski santti, uske kutunbi uski agya men rahane, uska adar karen tabhi bhavan ki sarthakata hai. 4. moksha: use moksh ki prapti honi chahiye. sadgrihasth ki sadvyavhar ke karan sadgati honi chahiye. vastu shastra in charon siddhiyon ko prapt karne men manushya ki sahayta karta hai. isliye iski upyogita anirvachniya hai. dharmanusar yagyaopvit ka drishtant jyada upyukt hai. dvij matra men yagyaopvit sanskar hota hai. lakhane-hajaron rupye kharch hote hain. kintu yagyaopvit jivan men ek bar hi hota hai kaha bhi hai- janmana jayte shudra, sanskarat dvij uchyate. vedpathi bhaved viprah brahma janati brahmaman.. yagyaopvit sanskar se vyakti ka is lok men dusra janm hota hai, usko devatva ki prapti hoti hai. yagyaopvit men se yadi vah dharmikta nikal di jay to vah matra sut ka dhaga hai. atah spasht hai ki vastu bhavan kala men se dharmik paksh ko nikal diya jay to vah lohe, siment ke dher ke atirikt kuch nahin, vah shunya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.