जन्मपत्रिका के अनिष्टकारी योग एवं अनिष्ट निवारक टोटके

janmapatrika ke anishtakari yog evan anisht nivarak totke  

Ank ke aur Lekh | Sambandhit Lekh | Views : 3017 |  

1. kemadrum yog

jyotish shastra ke durlabh granth mansagri ke anusar jab chandra kisi grah se yut n ho, chandra se dvitiya tatha dvadash sthan men jab koi grah n ho tatha shubh grah chandra ko n dekhte hon to ‘‘kemadrum yog’’ ki rachna hoti hai. rajyog aur manglkari yog janmapatrika men chahe jitne nirmit hote hon parantu yadi ek ‘kemadrum yog’ banta hai to sare rajyog aur manglkari yog usi prakar nasht ho jate hain jaise ek sinh sare gajsmuh ko bhaga deta hai. yah yog duahkh ka mul hai.

is yog ke prabhav ke karan jatk ke ekatrit dhan ka nash hota hai, putra v patni sanbandhi pira deta hai. jatak nirdhan, idhr-udhar bhatkta hai tatha dhan prapti hetu dar-dar bhatkta hai parantu dhan ekatrit nahin hone deta.

kemadrum yog nivaran hetu totke

  • somvar ke din (shukla paksh ke prathm) safed dhage men pran pratishthit siddh chandra yantra dharan karen.
  • kisi bhi shanivar ke din ‘‘sirni vriksh ki jar’’ ko amantrit kar ravivar ko pratahkal lakar chandi ke tabij men bharakar safed dhage men tabij ko gale men dharan karen.
  • kisi bhi mah ke shukla paksh ke somvar se praranbh kar 4 somvar lagatar sava char kilo chaval, nae safed vastra men bandhakar bahti hui nadi men pravahit karen.

2. shakat yog

guru se chandra shashth, ashtam ya dvadsh sthan par ho aur chandra kendra sthanon men n ho to ‘‘shakat yog’’ banta hai. is yog men janme jatak durbhagyashali hote hain. inke pas hamesha dhan ka abhav rahta hai. jivan men bahut sare utar-charhav ate hain. sage-sanbandhi bhi sankat ke samay sahayta nahin karte hain.

shakat yog nivaran hetu totke

  • ‘‘sinvar vriksh ke patte’’ shukla paksha ke somvar ko chandi ke tabij men bharakar, safed dhage men tabij ko dalakar gale men dharan karen.
  • palang ya charpai ke charon payon men somvar ko chandra uday hone ke bad ratri ko ‘‘chandi ki kali’’ lagaven.
  • olon (asmani barfa) ko kanch ki safed shishi men bharakar ghar men rakhen.

3. durbhagyashali yog

surya nich rashi ka pirit hokr yadi kendra sthanon (1, 4, 7, 10) men ho tatha lagnesh balhin ho. mithun lagn men surya vrish, vrishchik ya makar rashi men ho.

kark lagn men surya mithun ya kunbh rashi men ho.

sinh lagn men surya kark, makar ya min rashi men ho to yah yog ghatit hota hai.

vishesh: is yog ki sarthakata keval vrish lagn, vrishchik lagn tatha min lagn men purnarup se ghatit hoti hai. kendra vali bat keval mesh, kark, tula evan makar lagn par lagu hoti hai.

is yog ke prabhav se arbpti parivar men janma jatak khakpti ban jata hai. use rupyon ke lie dusron ke samaksh hath pasarna parta hai. pita ke chamkte vyavsay ko janm lete hi tabah kar deta hai. har vakt apne apko tabahi ke alm men pata hai. log uska majak urate hain aur vah jivit shav ke saman jivan yapan karne par majbur ho jata hai.

durbhagya nivaran hetu totke

  • har somvar ko kachcha dudh shivling par charhaven.
  • dudh se bhara gilas rat ko sirhane ki taraf rakhen tatha pratah babul ke vriksh ki jar men dalen.
  • pratyek mah ki purnima ko ganga snan karen.
  • chandi ka chandrama somvar ke din safed dhage men dalakar gale men dharn karen.

4. rajdand se sanpatti nashak yog

yadi dhanesh aur labhesh donon shashth, ashtam ya dvadash sthan men hon tatha mangal ekadash v rahu dvitiya bhav men hon.

lagnesh alpabali ho, dhanesh surya se yut hokar dvadash bhav men ho, dvadsh nich rashigat ya pap drisht ho to yah yog nirmit hota hai. aise jatak ka rajdand se dhan ka nash hota hai.

uprokt yogon men janme jatk mukdme men atyadhik dhan vyay karne ke bavjud bhi mukdma har jata hai, jel jana parta hai. yadi jatak shaskiya seva men hai to uchcha adhikariyon dvara pratarit hota hai aur use naukri se hatne ka khatra bhi bana rahta hai. adhikari naraj hokar uska anisht karte hain. ayakar se jurmana lagne ka bhay aur chapa parne ka bhay bana rahta hai. kul milakar is yog men janme jatak ko rajya ke dvara dandit hona parta hai jiska sidha prabhav jatak ki arthik sthiti par parta hai.

rajdand nivaran hetu totke

  • 11 ravivar ka vrat rakhen va ravivar ko namak ka sevn n karen.
  • charitra (chal-chalan va vyavhar) thik rakhen.
  • 5 ravivar ko sava kilo gur bahti nadi men bahaven.
  • pran-pratishthit siddh surya yantra gale men ravivar ke din dharan karen.

5. mahadridri yog

  • yadi labhesh shashth, ashtam ya dvadash sthan men ho sath hi labhesh nich ka ho, ast ho ya pap pirit ho to jatak mahadridra hota hai.
  • tritiyesh, navmesh v dashmesh yadi nirbal, nichrashigat ya ast ho to jatak ko bhikshuk yog banta hai. dasham bhav ka svami yadi shashth, ashtam ya dvadash men ho.
  • is yog ke karan jatak ko apne parishram ka purn fal nahin milta. dhan abhav ki pira hamesha bani rahti hai. aisa jatak dhan ke lie dusron se yachna karta rahta hai. uprokta charon yog ati nishkrit yog hain.

daridrata nivaran hetu totke

  • ghar ke puja-sthal par pran pratishthit siddh shriyantra sthapit karen aur pratidin subh-sham dhup va gaughrit ka dipak jalaven.
  • chandi ke gilas men hi jal ya koi pey padarth piyen.
  • suryast ke pashchat dudh n piyen.
  • har somvar ko babul ke per ki jar men dudh charhayen.
  • har purnima ko tin safed ful bahti nadi men bahayen.
  • 6. rinagrast yog

    dhan sthan men pap grah ho, lagnesh dvadash bhav men ho, lagnesh navmesh ya labhesh se yut ya drisht ho to rinagrast yog ki rachna hoti hai. dhanesh astagat aur nichrashi ka ho, dhan sthan aur ashtam sthan pap grah yut ya papagrast ho to yah yog nirmit hota hai.

    is yog se grast jatak hamesha rinagrast rahta hai. ek karj utrega to dusra karj tatkal charh jayega. har samay badhaon se ghira rahta hai tatha shatrugan tabahi machate rahte hain.

    rin mukti hetu totke

    • shanivar ke din ashlesha nakshatra men baragad ke patte ko amantrit kar ravivar ko lakar lal vastra men lapetakar puja sthal par rakhen.
    • mata lakshmi ke chitra ya pratima ke samaksh dhup-dip jalakar donon hath jor kar panch minat tak ‘‘un shrin namah’’ ka jap karen.
    • devdar ka churn, ilaychi, khas, amltas, kumkum, mensil tatha kamal pushp ki pankhuriyan tatha shahd jal men dalakar sat ravivar snan karen.
    • pran pratishthit siddh shrignesh va baglamukhi yantra sanyukt rup se lal dhage men dalakar gale men dharan karen.

    7. paitrik sanpatti n milne ka yog

    mesh rashi men chandra, dhanu rashi men surya, makar rashi men shukra tatha kunbh rashi men shani ho to yah yog banta hai. aise jatak ko dada ya pita ki arjit sanpatti nahin milti hai. aisa jatak svayan ke parakram se sanpatti arjit karta hai.

    paitrik sanpatti milne hetu totke

    • keshar ka tilak lagayen.
    • pila dhaga hamesha gale men dharn karen.
    • mandir nirman ke karya hetu reta (balu ya bajri) dan karen.
    • mitti ka khali ghara chah budhvar lagatar bahti nadi men bahayen.

    8. naukri, krishi, vyapar ya vyavsay tatha durghatana adi men akasmat dhan hani yog

    • yadi dhanesh ashtam, dvadash bhav men hokar papagrast ho.
    • ashtam bhav men koi grah vakri hokr sthit ho.
    • ashtamesh shatru kshetri ho.
    • ashtamesh vakri hokar kahin bhi sthit ho.
    • guru dvadash bhav men ho evan dhanesh balhin ho tatha lagn par shubh grah ki drishti n ho.
    • ashtam bhav men koi grah nich ka ho evan astagat ho.
    • gochar men rahu ka ashtam bhav men bhraman ho ya rahu ya anya pap grah sthit ho to jatak ko achank dhan ki hani hoti hai. kam-dhandhe, vyapar-vyavsay men, naukri men ya krishi men koi karya aisa ho jata hai ki akasmat dhan ki hani uthani parti hai. manushya ke jivn men akasmat durghatanayen hoti hain aur in yogon ke karan dhan ka kafi nuksan hota hai.

    dhan hani, durghatana se raksha hetu totke

    • kele ke vriksh ki jar guruvar ke din sone ke tabij men bharakar pile dhage ke sath gale men dharan karen.
    • pile kaner ke ful rojana guru pratima ya chitra par charhayen.
    • guruvar ke din pile vastra mandir men dan karen.
    • chameli ke 9 ful 9 guruvar lagatar bahti nadi men bahayen.
    • pranapratishthit siddh shri ganesh tara sanyukt yantra gale men dharan karen.
Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.