फेंग शुई और वास्तु में अंतर और समानताएं

feng shui aur vastu men antar aur samantaen  

Ank ke aur Lekh | Sambandhit Lekh | Views : 1767 |  
feng shui: feng shui ka shabdik arth hai, feng hava aur shui pani, arthat hava aur pani. prithvi ko uchit matra men hava aur pani prapt hon to fasal bharpur hoti hai. falasvarup kisan samriddh hote hanai. islie is shabd ka upyog aranbh men kisanon dvara is artha men kiya gaya ki, hava aur pani, arthat feng shui ki achchi aur anukul dasha hone par, fasal bharpur hoti hai aur kisanon ko samriddhi prapt hoti hai. kalantar men feng shui shabda sukh-samriddhi tatha achche rahn-sahn ke lie bhavan nirman sanbandhi gyan ke lie kiya jane laga. vastu: vas dhatu, tun pratyay se, napunsak ling men vastu shabd ki nishpatti hoti hai. halayuddh kosh ke anusar vastu sankshepto vakshye grihdo vighnashanam. isankonadarabhya hayokarshitpde pyajyet.. arthat, vastu sankshep men ishanyadi kon se praranbh ho kar grih nirman ki vah kala hai, jo ghar ko vighn, prakritik utpaton aur upadravon se bachati hai amar kosh ke anusar ’grihrchna vachchinn bhume’ grih rachna ke yogya avichinn bhumi ko vastu kahte hain. vastu vah sthan kahlata hai, jis par koi imarat khari ho, athva ghar banane layak jagah ko vastu kahte hain ya vastu vastu se sanbandhit vah vigyan hai, jo bhavan nirman se le kar bhavan men upyog ki jane vali vastu ke bare men manushya ko batlata hai. sankshep men vastu ko suniyojit tarike se rakhna hi vastu hai. samrangan sutra dhanani buddhishcha santati sarvadanrinam. priyanyeshan ch sansiddhi sarvasyat shubh lakshanam.. yatra nindit lakshmatra tahite van vidhat krit. ath sarva mupadeyan yabhdavet shubh lakshanam.. desh pur nivashrach sabha vism sanachi. yadya didrisamanyashrach tath bheyaskaran matam.. vastu shastradritetasya na syallakshananirnayah. tasmat lokasya kripya sabhametatrduriyate.. arthat, vastu shastra ke anusar bhali bhanti yojnanusar banaya gaya ghar sab prakar ke sukh, dhan-sanpda buddhi, sukh-shanti aur prasannata pradan karne vala hota hai aur rinon se mukti dilata hai. vastu ki avhelna ke parinamasvarup avanchit yatraen karni parti hain, apayash, dukh tatha nirasha prapt hote hain. sabhi ghar, gram, bastiyan aur nagar vastu shastra ke anusar hi banaye jane chahie. islie is sansar ke logon ke kalyan aur unnati ke lie vastu shastra prastut kiya gaya hai. feng shui evan vastu men antr: chin sudur purva men sthit desh hai. iske uttar men mangoliya ka thanda registan hai. purva ki or khula prashant mahasagar hai. yahan uttar ki or se bahut thandi havaen ati hain, jo apne sath dher sari pili dhul ura kar lati hain. islie uttara disha ko yahan shubh nahin mana jata aur apne bhavnon men uttar ki or khulte darvaje, khirkiyan, baramde adi rakhna achcha nahin samjha jata hai. purva aur dakshin-purva ki or se garmiyon men shital suhavni samudri havaen ati hain. islie purva aur purva-dakshin dishaon ko yahan shubh mana jata hai. iske viprit bhart men uttar ko shubh mana jata hai. feng shui evan vastu men samantaen donon hi shastron ne purva disha ko achcha mana hai. donon hi shastron ne panch tatva evan apni-apni jyotish vidha ko mahatva diya hai. donane hi paddhatiyane ne manushya jivn ka prakriti se santulan kiya hai. donon hi shastron ne uttara-purva ko gyan evan shiksha ki disha mana hai. donon hi shastron ne dakshin disha ka lal rang se sanket kiya hai. donon hi shastron men janakalyan ki bhavna nihit hai. donon hi shastron men sudhar ke upay apni-apni jagah shubh parinam dete hain. feng shui: chin prakriti vaigyanikon ke anusar samast brahmand yin aur yang nam ki rinatmak aur dhanatmak dvait shaktiyon se achchadit hai. ’yin’ stri shakti hai aur ’yang’ purush shakti hai. ye alg-alg dishaon ke svami hain aur inke apne-apne prabhav hain. inka vivrn talika men pradarshit hai. feng shui ka siddhant panch tatvon ke santulan ke sath ’yin’ aur ’yang’ ka apas men santulan karta hai. feng shui ke panch tatva: kashth - rang hara, disha purva kashth poshak, parivarik mansikta tatha lachile svabhav ka dyotak hai. yah prayah vikas se jura rahta hai. kashth ka srijan karne vale purush urjavan aur sarvajnonmukh hote hain. aise purush nit nayi yojnaon ko janm dete hanai; sath hi prabhavshali vyaktitva ke karan saflta bhi prapt karte hain. kalatmakata ki or inka jhukav hota hai. iske viprit yadi kashth ki pratikulta dekhi jae to iska srijan karne vale dhairyahin aur krodhi hote hain. ve aksar jis kam ko aranbh karte hain, use pura nahin kar pate. agni - rang lal, disha dakshin agni urja se paripurn prernadayk tatha samjhdar hoti hai. sath hi yah prerit karne vale utsah se paripurna buddhiman bhi hoti hai. yah prakash, garmahat aur khushiyan la sakti hai to dah, dhamaka aur vinash bhi kar sakti hai. agni tatva samman aur nyay ka sath deta hai. kintu iske viprit yah yuddh aur akraman ka sath bhi deta hai. agni ka srijn karne vale purush neta kriyashil hote hain. aise purush niyamon ko napsand karte hain aur is sthiti men kafi kathinaiyon ka samna karte hain. is tatva ki anukulta yah hai ki iska srijan karne vale kriyashil, hansmukh aur dhairyavan hote hain, jabki pratikulta yah hai ki iska srijn karne vale asanymi, shoshak aur svarthi kism ke hote hain. prithvi - rang pila, disha madhya prithvi, yani bhumi bharosemand, nishthavan tatha dayalu hoti hai. iska vinamra svabhav to hota hi hai, sath hi jimmedariyan vahan karne men ise anand milta hai. yah tatva paryavaran ke svasthya ka pratinidhi hai. is tatva ka srijan karne vale sahyogi, vyavharik, kriyashil aur nishthavan hote hain. is tatva ka anukul prabhav dekhen, to iska srijn karne vale imandar, vishvaspatra aur dhairyavan hote hain, jabki pratikul prabhav men shoshak evan parpirak hote hain. jis samasya ka astitva hi nahin, usse kisi ko uljha dena iski pratikulta hai. dhatu - rang safed tatha sunhri, disha pashchim dhatu ka sanbandh prachurta tatha bhautik saflta se hota hai. sath hi yah spasht vichar, vistrit jankari ke prati chaiksi se bhi jura hota hai. dhatu pradhan vyakti bhavi yojnaen banane men sadaiv age rahte hain. is tatva ka srijan karne vale purush dharmik siddhanton aur usulon par chalne vale hote hain. ye achche prabandhk hote hain. aise vyakti dhir-ganbhir hote hain tatha bahut hi kathinai se kisi ki madad karne ko raji hote hain. is tatva ki prakriti vastu ki thosta tatha yogyata ka pratinidhitva karti hai. yah margadarshak bhi hai. sanvad ka pratinidhitva, chamatkari sankalpana aur nyay iski anukulta men ate hain, jabki khatra aur avsad iski pratikulta darshate hai. jal - rang kala tatha nila, disha uttara jal tatva samajik kriyaklapon, dur sanchar tatha bauddhikta ko darshata hai. yah antahprerna se yukt tatha sanvednshil hota hai. iska srijn karne vale vyakti adhyatmikta tatha adhyayan men ruchi rakhte hain. jal tatva antrikta, kala aur khubsurti ka bhi pratik hai. jal purush kutnitik aur apne prabhav se kam nikalne vale, dusron ki manodsha ke prati sanvednshil hote hain. ve jokhim uthate hain aur labhkari samjhaute karte hain. jal ka srijan karne vale purush lachile aur vishvasyogya hote hain. apne vicharon ko ve ugrata se pesh karte hain tatha kalatmak, samajik aur sahanubhutishil, sanvednshil or asthir hote hain. jis prakar feng shui panch tatvon par adharit hai, ya feng shui men ye panch tatva ati mahatvapurn sthan rakhte hain, thik isi prakar vastu shastra men bhi panch tatvon ka samavesh hai. vastu shastra bhi in panch tatvon ke santulit sankalan ke adhar par pratipadit hai. vastu shastra ke panch tatva: bhautik sharir panch tatvon se milkr bana hai. ye panchatatva hain agni, vayu, akash, prithvi aur jal. sharir ke samast kathor hisse, jaise haddi prithvi ka bhag hain. sharir ke samasta taral padarth, jaise rakt tatha anya drav ’jal’ ke hisse hain. sharir ke samast garm bhag, jaise pet adi agni ke hisse hain. sharir ka failna, sikurna, sans lena vayu ke hisse hain. krodh, bhavnaen, sparsh adi sanvednaen akash ke bhag hain. vastu men akash tatva sfurti hai, vayu tatva sanveg hai, agni tatva path pradarshak hai, jal tatva shram hai aur prithvi tatva prasannata grahan karne vala tatva hai. atah achche svasthya, man ki shanti evan drirh ichcha shakti ke lie bhavan nirman men panch tatvon ka samavesh uchit anupat men, vastu niyamanusar kiya jana chahie. ghar ke andar upyog men lane ke lie ’pani’ ki tanki, tyubvel, kuen ityadi nirmit karte hain. bhojn pakane ke lie ’agni’ ka upyog karte hain. ghar ki chardivari khari kar ke ek kshetra, (spes) ka nirman karte hain, jise ’akash’ kahte hain. ’akash’ kshetra ko purn bharne ke lie ’vayu hoti hai. ghar ke andr khirki-darvaje lagaye jate hain, taki vayu ko sanchalit kar upyog men laya ja sake. kahne ka tatparya yah hai ki charon taraf ke vatavrn men in panch tatvon ka samavesh uchit anupat men hoga, to bhautik sharir par iska anukul prabhav parega. sahi anupat men sharir urjaen grahn karega.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.