वास्तु शास्त्र में पंच तत्व

vastu shastra men panch tatva  

Ank ke aur Lekh | Sambandhit Lekh | Views : 3088 |  
akash, prithvi, jal, vayu evan agni in panch tatvon ka uchit santulan, prithvi ke atirikt, kisi anya grah par nahin paya jata hai, kyonki anya grahon par jivan ka astitva nahin hai. agni tatva ka karya prakash aur ushma dena hai. netra dvara dekha ja sakta hai. tvacha ke dvara hava (vayu) ke sparsh ki anubhuti kar sakte hain. akash tatva dvara, dhvani ke andolan se, karn se sun sakte hain. prithvi tatva ki sahayta se apni nasika dvara gandh sungh sakte hain. jal tatva ki sahayta se apni jihva dvara svad ka anubhav kar sakte hain. manav mastishk men akash tatva hai. kandhon men agni tatva, nabhi men vayu tatva, ghutnon men prithvi nivas karte hain aur pairon men jal tatva ka prabhutva hai. surya urja agni tatva hai, hava vayu tatva hai, varsha ka jal jal tatva ki urja shakti hai aur prithvi tatva ka gurutvakarshan chunbkiya pravah (bayo ilektrik-maignetik enarji) urja shaktiyan hain. muladhar chakra men prithvi tatva, manipur chakra men agni tatva, anahat chakra men vayu tatva, svadhishthan chakra men jal tatva aur vishuddh chakra men akash tatva ka varchasva rahta hai. do naynon ke bich men agya chakra tisra netra hai. unse man prabhavit hota hai. mastaka men sahasra chakra, jo mukutmni hai, vahan jiv ka sthan mana jata hai. vastu shastra se kisi ke bhagya men parivartan to nahin kiya ja sakta, magar unki jivan shaili men badlav avashya la sakte hain. vyakti ka bhagya uske pichle janmon ke karmon par adharit hai. apne karya, vichar, rachnatmak abhigam aur farnichr adi ki sajavat se panch tatvon men santulan la kar uttam svasthya, dhan-aishvarya, sukh-shanti prapt kar sakte hain. agni tattva: dainik jivan men agni ka vishesh mahatva hai. surya ke prakash aur ushma se agni urja prapt hoti hai. surya ka prakash ghar men khirkiyon aur darvajon se ata hai. subah mulyavan, arogyaprad surya ke kirnon men prajivak ‘di’ rahta hai. magar jab surya dakshin disha men ho kar pashchim disha men dhalta hai, tab nakaratmak urja ka prabhav barhta hai. surya ka hanikarak prabhav kam karne ke lie dakshin-pashchim disha ki divar ko bara-chaira banana chahie aur darvaje-khirkiyan kam rakhni chahie. prakash evan ushma se prithvi par sthit sabhi vanaspatiyon men jivan ka sanchar hota hai. prakash se manushya dekh sakta hai. shubh karyon men dip pragat kar ke, hom-havan kar ke, apne isht devta ka smaran kar ke, prarthana-archana kar, shanti prapt karte hain. surya ki achchi urja prapt karne ke lie bhavan ki uttar aur purva dishaen nichi honi chahie aur vahan jyada khirkiyan-darvaje hone chahie. surya ki kirnane, jo dopahar ke bad hanikarak hoti hain, unse bachna chahie. akash tattva: akash (asman) ek mul tatva hai. manav mastishka men akash ka niyaman hai. makan ki chardivari ki unchai men akash tatva prapt kar sakte hain. mandir, masjid, gurudvara, jain mandir, girje ke gunbjon men akash tatva rahta hai. akash shakti ka pratik mana jata hai. makan ki divaren choti hone se vyakti ke sharir men akash tatva ka vikas ruk jata hai. jagah ka jyada se jyada istemal karne ke lie 7 se 8 fut unchai par chat rakhte hain. akash tatva prapt karne ke lie kam se kam 9 se 10 fut ki unchai rakhni chahie. jis ghar-makan men pravesh karte samay man ko anand-shanti milti hai, baithne men ji lagta hai, us jagah ka vastu achcha lagta hai. aisa sthan kendra ki jagah akash tatva ka nirdesh karta hai. brahmand men akash tatva ki pradhanta hai. usi prakar bhavan men bhi iski mahatta ko bhulna nahin chahie. akash se naisargik urjaon ka prabhav nirbadh rup se prapt hota rahta hai. kisi bhavan men nairritya kon ka vastu bigrne tatha andhkar aur nakaratmak urja hone se pret badha rahti hai. akash evan vayu tatva ka sahi nirdharan n karne se bahut si mushkilen ati hain. prithvi tatva: bhavan nirman ke samy bhumi pujan aur vastu shanti karte hain. prithvi tatva men sparsh, dhvani, rup, ras aur gandh ke gun hain. prithvi men uttara-dakshin disha men chunbkiya dhruv hain aur gurutvakarshan ki shakti prapta ki jati hai. vayu tatva: pran vayu (aeksijn) ka jivan men vishesh mahatva hai. samast prani sajiv padarth vayu se jivan aur chetna prapt karte hain. 21 pratishat ki matra men pran vayu hoti hai, jo sajiv praniyon ke shvas lene ke lie avashyak hai. paryavaran dushit hone par karbana dai-aeksaid (angar vayu), karbana monoksaid, salfar dai-aeksaid ki matra men vriddhi hone se svasthya ko hani pahunchti hai. pran vayu ya svachch vayu ka sevn svasthya evan dirghayu ke liye avashyak hai. pran vayu ka sancharan nirbadh hona chahie. purva disha, ishan kon, uttar disha, sarvadhik khula aur nicha rahe, jisse pratah kal se surya ki kirnen, prakash evan shuddh vayu nirantar prapt hote rahen. vayu tatva ki prapti ke lie vayavya kon men vayu ka sthan rakhna svasthya, prani aur bhavan ki dirghayu ke lie avashyak mana jata hai. vayu sancharan ke liye bhavan men darvajon, khidkiyon, roshndanon, baramda, kular, eyr kandishanar ko uttar, purva, ishan, vayavya men rakhna chahie. ishan kone men infrared kirnen ati rahti hain, jo manav jivan ke lie labhkari, shubh aur kalyankari hoti hain. ishan kon men gandgi, hanikarak, dushit, vayu bura prabhav dalti hain. islie ishan kon saf-suthra rakhna chahie. hava ke mukt avagaman ke lie ‘kraes ventileshn’ pratyek ghar men hona avashyak hai. jal tatva: prithvi par jal amrit hai. sarjan, poshan aur vriddhi ke lie jal ki avashyakta rahti hai. bavri, nadi, talab, kup, jamin ke andar pani ki tanki ityadi jal vastu ka sthan ishan kon men hona chahie. jal sthan purva, uttar, ishan men hona chahie. chat par jal ki tanki dakshin, pashchim, nairritya men rakh sakte hain aur vahan vajan men vriddhi kar sakte hain. jal garm ho kar vashp ka rup dharn kar leta hai, jo gais ke rup men niche a kar badal bante hain, jisse varsha se fir jal prapt hota hai. kuan, jalashay evan pyau nirman se punya prapt kar, jivan sarthak kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.