दिशा दोष दूर करने के वास्तु उपाय

disha dosh dur karne ke vastu upay  

Ank ke aur Lekh | Sambandhit Lekh | Views : 7129 |  
kaha gaya hai ki disha vyakti ki dasha badal deti hai. yah bat vastunurup bane bhavan par purnataya lagu hoti hai. purvah is disha ka svami indra hai aur yah surya ka nivas sthan mana gaya hai. yah sthan mukhyatah pramukh vyakti, ya pitri ka sthan mana gaya hai. atah bhavan nirman karte samy purva men uchit khali jagah chorni chahie. is disha men koi rukavt nahin honi chahie. yah disha vanshvriddhi men bhi sahayak hoti hai. agar yah disha dushit hogi, to vyakti ke man-samman ko hani pahunchati hai, pitri dosh hota hai. purva disha-dosh - yadi purvi disha ka sthan uncha ho, to makan malik daridra ban jaega. santan asvasth tatha mandbuddhi hogi. - yadi purvi disha men nirmit mukhya dvar ya anya dvar agney mukhi ho to daridrata, adalti chakkar, chori evan agni ka bhay bana rahega. - yadi purvi disha men sarak se sata kar ghar ka nirman kiya gaya ho aur us ghar men pashchim men khuli jagah nichi ho, to us ghar ke purush lanbi bimari ke shikar honge. - yadi purvi disha men mukhya nirman ki apeksha chabutre unche hon, to ashanti rahegi, arthik vyay barhega or grih svami karjadar ho jaega. - yadi purvi bhag men kura-karakat, patthar evan mitti ke tile hon, to dhan aur santan ki hani hoti hai. vastu dosh nivarn - disha dosh nivarnarth surya yantra ki sthapna karni chahie. - purvi darvaje par vastu manglkari toran lagana chahie. - surya ko aghrya dena chahie aur surya ki upasna karni chahie. pashchim: jab surya astanchal ki or hota hai, to vah disha pashchim disha kahlati hai. is disha ka svami varun dev hai aur yah disha vayu tatva ko prabhavit karti hai. vayu chanchal hoti hai, atah yah disha chanchlta pradan karti hai. yadi bhavn ka darvaja pashchimmukhi hai, to vahan rahne vale manushyon ka man chanchl hoga. pashchim disha saflta, yash, bhavyata aur kirti pradan karti hain. pashchim disha dosh - yadi grih sthal, grih ke ahate, kamre tatha baramdon ka pashchimi bhag nicha ho, to apayash aur dhan hani hogi. pashchim ki apeksha purva men khali sthan kam hone par putra santan ki hani hogi. - pashchim men rasoi ghar ho, to grih svami kafi dhan kamaega. lekin us dhan men barakat nahin hogi. - yadi thik pashchim men agni sthala ho, to ghar men nivas karne valon ko, shani-mangal ke prabhav ke karan garmi, pitt evan masse ki shikayat hogi. ghar ka darvaja chota hone par ketu ke kuprabhav se grih svami ke ujjval bhavishya men badha aegi. - agar pashchimi bhag men sthit dvar nairritya dishamukhi ho, to lanbi bimari, asamyik mrityu aur arthik hani ki sanbhavna rahti hai. pashchim bhag ka dvar vayavyamukhi ho to, adalti jhagron men vriddhi ho kar, dhan hani hoti hai. yadi pashchim ki or ke chabutre, mukhya vastu ke star nimn hon, to dhan hani aur asvasthata hogi. - agar pashchim bhag ka pani, ya barsat ka pani pashchim se ho kar bahar nikle, to purush lanbi bimariyon ke shikar bante hain. vastu dosh ka nivarn - pashchim dishajnit dosh ke nivarnarth ghar men varun yantra ki sthapna karni chahie. - shanivar ka vrat rakhna chahie. - shanivar ko khejri ke vriksh ko pani se sinchna chahie. uttara: is disha ka svami kuber ko mana gaya hai, yah disha jal tatva ko prabhavit karti hai. bhavan nirman karte samay is disha ko khula rakha jana chahie. yadi is disha mane nirman karna param avashyak ho, to is disha ke nirman ko, anya dishaon ke nirman ke anupat men, thora nicha rakhna chahie. yah disha sukh sanpatti, dhan-dhanya evan jivan men sabhi prakar ke sukh pradan karti hai. vastu shastra men uttaramukhi makan aur dukan ko sarvashreshth bataya gaya hai. uttar disha dosh - agar uttar men rasoi ghar ho, to ghar men nitya kalah hota rahega. - uttari disha unnat hone par us parivar ki sanpda nasht hogi tatha ghar ki striyan bimar rahengi. - uttari bhag ke dvar vayavyamukhi hon, to chori evan agni ka bhay rahega. - uttari hisse men khali jagah n ho, ahate ki sima se sat kar makan ho aur dakshin men khali jagah ho, to vah makan dusron ki sanpatti ban jata hai. - uttari disha men nishprayojan samagri, gobar ke dher ya tile adi hon, to arthik hani hogi. vastu dosh nivarn - bhairav ya hanuman ji ki upasna karni chahie. - darvaje par vastu toran lagaye jane chahie. - uttar disha dosh dur karne ke lie, kuber yantra ke sath, budh grah ke yantra ko sthapit karen. - dakshinavarti sunr vale ganpti dvar ke andr-bahar lagaen. - asht koniya darpan mukhya dvar ke upar sthapit karen. dakshin: am taur par dakshin disha ko achcha nahin mante hain, kyonki dakshin men yam ka nivas mana gaya hai aur yam mrityu ke devta hain. bhavn nirman karte samay is disha ko purnataya band rakhna chahie aur sarvapratham dakshin bhag ko dhankna chahie. yahan par bhari nirman karna chahie. yadi disha dushit hogi, ya khuli hogi, to yah shatru bhay ya rog pradan karne vali hoti hai. vastu dosh nivarn - is disha dosh ke nivarnartha dakshin dvar par mangal yantra lagae jane chahie. - dakshinavarti sunr vale ganpti dvar ke andr-bahar lagaye jane chahie. ishan: purva disha aur uttara disha ke madhya bhag ko ishan kon kahte hain. ishan kon men devtaon ka nivas mana gaya hai. suryody ki kirnen sabse pahle ghar ke jis bhag men parti hain, vah ishan disha kahlati hai. bhavan men is disha ko puri tarah shuddh aur pavitra rakha jana chahie. yadi yah disha dushit hogi to bhavan men prayah kalah v vibhinna kashtane ke sath vyakti ki buddhi bhi bhrasht hoti hai aur prayah kanya santan utpann hoti hai. ishan disha dosh - yadi uttari disha ki lanbai ghat kar uttari imarat ho, to us makan ki grihini rogagrast hogi, ya uski asamayik mrityu hogi, athva vah arthik kathinaiyon ka samna karte hue dukhamay jivan vyatit karegi. - yadi ishan uncha ho, to dhan hani, santan hani aur anek pareshaniyan hongi. - yadi ghar ya chardivari ka ishan ghat jae, to putra santan ki prapti nahin hogi; yadi ho bhi jae, to vah viklang, matibhramit tatha alpayu hogi. - ishan men kura-karakat, athva pattharon ka dher hone se shatruvriddhi hogi, ayu kam hogi, dushcharitrata barhegi. vastu dosh nivarn - dvar par rudra toran lagana chahie. - ishan disha men niyaen lainp lagana chahie. - somvar ka vrat rakhna chahie. - ishan kon hamesha pavitra aur saf suthra rakhen. yadi ishan men shauchalay ho to use puri tarah se saf rakhen. - parad ya sfatik shiv ling sthapit karen. agney: purva disha aur dakshin disha ko milane vale kon ko agney kon, ya vidisha kaha gaya hai. yadi bhavn men yah disha dushit hogi, to vahan rahne vale sadasyon men se koi na koi hamesha bimar rahega. yadi bhavn men yah kon barha hua ho, to yah putra santan ke lie kashtaprad ho kar rajabhay adi deta hai. agney disha dosh - agar rasoi ghar ki divar tuti-futi ho, to makan malik ki patni bimar rahegi. uska jivn sangharshapurn hoga. - dakshin men mukhya dvar ho aur purva-uttar ko sima manakar purva agney men nikas ho, to dvitiya santan par bura prabhav parta hai. - purva ki or mukhya dvar ho tatha uttara-purva ko sima bana kar pashchim-dakshin men khali sthan ho, to pati-patni men tivra vair bhav barhega. unki santan nikammi hogi. - yadi dakshin-agney nichi ho, nairritya, vayavya tatha ishan unchi ho, to ghar ke nivasi daridra aur asvasth honge. - agar agney uncha ho, nairritya, vayavya evan ishan niche hon, to badnami aur vansh kshati hogi. vastu dosh nivarn - ghar ke dvar par, age-piche, vastu dosh nashak hare rang ke ganpti ko sthan dena chahie. - ghar ki mukhya puja men ganpti ko sthan dena chahie. - pravesh dvar par vastu manglkari yantra lagaye jane chahie. nairritya kon: dakshin aur pashchim ke madhya kon ko nairritya kon kahte hain. yah kon vyakti ke charitra ka parichay deta hai. yadi bhavan men n yah kon dushit hoga, to us bhavan ke sadasyon ka charitra prayah kalushit hoga aur shatru bhay bana rahega. vidvanon ke anusar is kon ke dushit hone se akasmik durghatana hone ke sath hi alp ayu men mrityu hone ka bhi yog hota hai. nairritya disha dosh - yadi nairritya men rasoi ghar hai, to pati-patni men nitya kalah hoga. stri ko vayu vikar rahega. - yadi vahan shayan kaksh hai, to grih svami ko aisho-aram ki chaht rahegi. - yadi nairritya men snan grih hai, to grihasvami ki kundli men mangal tatha rahu ka dushprabhav hoga. grih svami ko pratikul paristhitiyon evan duahkhane ka samna karna parega. - dakshin-nairritya marg se ghar ki nariyan bhayankar vyadhiyon se pirit rahengi. iske sath hi nairritya men kuan ho, to atmahatya, dirgh rog, athva mrityu ki bhi sanbhavna hoti hai. vastu dosh nivarn - ghar ke puja grih men rahu yantra sthapit karna chahie tatha nityaprati uska pujan karna chahie. - ghar ke mukhya dvar par bhure, ya mishrit rang ke ganpti ko pratishthit karna chahie. vayavya kon: pashchim disha aur uttar disha ko milane vali vidisha ko vayavya disha kahte hain. yadi bhavan men yah disha dushit ho, to shatruta, ayu adi ka hrias hota hai. vayavya disha dosh - yadi vayavya men shayan kaksh hai, to jatak sardi, jukam tatha arthik tangi se pirit evan karjadar banta hai. - yadi vayavya men adhyayan kaksh, ya pustakalay hai, to parivar ke sadasyon ka man asthir hoga tatha adhyayn men anek rukavten aengi. - yadi vayavya men rasoi ghar hai, to ghar ki striyan asthir dimag vali hongi. - yadi vayakya men shauchalay hai, to parivar ke sadasyon men bechaini rahegi. vastu dosh nivarn - apne ghar men chandra yantra lagaye jane chahie. - dvar par shvet ganpti tatha unke age-piche rajat yukt shri yantra lagana chahie. - divaron par krim rang karvana chahie. vastu ke vedh dosh evan upay marg vedh: vastu shastra ke niyamon ke viruddh kiya gaya koi bhi nirman vedh kahlata hai. yadi pravesh dvar ke samne koi marg a kar bhavan ke samne sthit marg se milta hai, to vah marg vedh kahlata hai. upay: is dosh ke nivaran ke lie dvar ko kisi shubh disha men sthanantrit kar den. yadi pravesh dvar ke atirikt bhukhand ke charon or koi marg vedh hai, to chardivari ki divar ko bhavan ki khirkiyon tak upar kar ke dosh dur kiya ja sakta hai. dvar vedh: mukhya dvar ke samne sthit bijli, ya telifon ka khanba, per, nala, ya koi patthar ki chattan adi ka hona dvar vedh hai. upay: kisi vastuvid se salah le kar, yantra-mantradi dvara, vastu dosh ka nivaran karen. bhavan vedh: bhavan par kisi per, khanbhe ya kisi mandir, ya puja sthala ki chaya ka parna bhavan vedh kahlata hai. upay: iske liye chaya vale sthan par kritrim roshni ka prayog kar sakte hain. hriday vedh: vastu shastra ke anusar vastu purush ke hriday aur nabhi vale sthan men kisi bhi prakar ka nirman varjit mana gaya hai. yahan kisi bhari vastu ko bhi nahin rakhna chahie. uparyukt sthan men kiya gaya nirman hriday vedh kahlata hai. upay: is vastu dosh ke nivarn ke lie ukt sthan men vastu shanti tatha vastu dosh nivarak yantra ki vidhivat sthapna karni chahie. kaksh vedh: yadi kisi bhavan ke kaksha vastu shastriya niyamon (11fut) se chote hain, to in kakshon ke karan bhavn men kaksh vedh hota hai. upay: is dosh ke nivaran ke lie kaksh ki ek sanpurn divar par pentig lagaen, jismen prakritik drishya hon, athva feng shui ki vastuon ka prayog kar sakte hain. dravya vedh: prachin vastu shastriya niyamon ke anusar bhavan nirman men lohe ke upyog ko ashubh mana hai. parantu adhunik yug ke bhavnon ko bina lohe ke banana sanbhav nahin hai. atah bhavan men lohe ka upyog is prakar se karna chahie taki vah bahar se dikhai n de. divar, bim, khanbhon ki motai itni rakhen ki loha kam se 6 inch andar rahe. upay: chaton men iske dosh nivarn ke lie chat ko 11 fut se kam unchi n banaen. nagn lohe men manpsand rang laga kar iske ashubh prabhav se bacha ja sakta hai. kon vedh: yah vedh bhumi men akriti sanbandhi dosh ke karan hota hai. upay: is dosh nivaran ke lie bhumi ke ashubh prabhav paida karne vale bhag ko alag kar ke nirman karya karna chahie. is alag kiye bhag men chote per-paudhon se yukt bag adi banaya ja sakta hai. kisi bhi ashubh akar vale bhukhand ko shubh akar vala banane ke lie, uske ashubh prabhav vale bhag ko hata kar bhukhand ko aytakar athva vargakar karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.