ब्रह्मर्षि वंश विस्तार

brahmarshi vansh vistar  

Ank ke aur Lekh | Sambandhit Lekh | Views : 2944 |  
‘sannyasi ka putra, brahmani stri se shudra ka putra aur saman gotra vali kanya se vivah kar ke janmaya putra, ye tinon chandal kahe jate hain’ par dekhte hain ki sabhi deshon ke brahmana adi samajon men aisa bahudha hota hai. yahan tak ki bahuton ko to gotra ka gyan bhi nahin hota. pravar, shakha adi ki bat hi dur hai aur vivah gotra bhinn rahne par bhi yadi pravron ki ekta ho jay to bhi nahin hona chahie. gotra nam hai kul, santti, vansh, varga ka. yadyapi paniniya sutron ke anusar ‘apatyan pautraprabhritigotram’ 4-1-162, pautra adi vanshjon ko gotra kahte hain. tathapi vah sirf vyakaran ke lie sanket hai. isi prakar yadyapi vansh ya santti ko hi gotra kahte hain tathapi vivah adi men jis gotra ka vichar hai vah bhi sanketik hi hai aur sirf vish‍vamitra, jamadagni, bharadvaj, gautam, atri, vashishth, kashyap aur agastya, in ath rishiyon ya inke vanshaj rishiyon ki hi gotra sangya hai. jaisa ki bodhayan ke mahapravradhyay men likha hai: .. vish‍vamitro jamadagnirbharadvajo'th gautmah. atrivarsashthiah kashyapaityetesaptarshayah .. saptanamrishi-namagastyashtamanan yadapatyan tadotramityuchyate.. is tarah ath rishiyon ki vansh-parampara men jitne rishi (vedamantra drashta) a gae ve sabhi gotra kahlate hain aur ajakal brahmanon men jitne gotra milte hain vah unhin ke antargata hain. sirf bhrigu, angira ke vanshvale hi unke sivay aur hain jin rishiyon ke nam se bhi gotra vyavhar hota hai. is prakar kul das rishi mul men hain. is prakar dekha jata hai ki in dason ke vanshaj rishi lakhon ho gae honge aur utne hi gotra bhi hone chahie. tathapi is samay bharat men to utne gotron ka pata hai hi nahin. prayah 80 ya 100 gotra milte hain. jis gotra ke nam se rishi ae hain vahi pravar bhi kahlate hain. rishi ka arth hai vedon ke mantron ko samadhi dvara janne vala. is prakar pravar ka arth hua ki un mantradrashta rishiyon men jo shreshth ho. pravar ka ek aur bhi arth hai yagya ke samay adhavaryu ya hota ke dvara rishiyon ka nam lekar agni ki prarthana ki jati hai. us prarthana ka abhipray yah hai ki jaise amuk-amuk rishi log bare hi pratapi aur yogya the. ataev unke havan ko devtaon ne svikar kiya. usi prakar, he agnidev, yah yajman bhi unhin ka vanshaj hone ke nate havan karne yogya hai. is prakar jin rishiyon ka nam liya jata hai vahi pravar kahlate hain. yah pravar kisi gotra ke ek, kisi ke do, kisi ke tin aur kisi ke panch tak hote hain. n to char pravr kisi gotra ke hote hain aur n panch se adhik. yahi parampara chali a rahi hai. par malum nahin ki aisa niyam kyon hai? aisa hi apastanb adi ka vachan likha hai. han, yah avashya hai ki kisi rishi ke mat se sabhi gotron ke tin pravar hote hain. jaisa ki kaha gaya hai: .. trinvrinite mantrakritovrin aite.. 7.. athaikeshamekan vrinite dvauvrinite trinvrinite n chaturovrinite n panchativrinite.. 8 .. jo das gotra karta rishi mul men batae gae hain, unke vansh ka vistar bahut hua aur age chal kar jahan-jahan se ek-ek vansh ki shakha alag hoti gai vahan se usi shakha ka nam gan kahlata hai aur us shakha ke adi rishi ke nam se hi vah gan bola jata hai. is prakar un das rishiyon ke saikron gan ho gae hain aur sadharntya yah niyam hai ki ganon ke bhitar jitne gotra hain n to unka apne-apne gan-bhar men kisi dusre ke sath vivah hota hai aur n ek mul rishi ke bhitar jitne gan hain unka bhi paraspar vivah ho sakta hai kyonki sabka mul rishi ek hi hai. han, bhrigu aur angira ke jitne gan hain unmen harek ka apne gan ke bhitr to vivah nahin ho sakta par, gan se bahar dusre gan men tabhi vivah hoga jabki donon ke pravar ek n hon . pravar ek hone ka bhi yah arth nahin ki donon ke 3 ya 5 jitne pravar hain sab ek hi rahen. balki yadi donon ke tin hi pravar hon aur unke do rishi donon men hon to yah pravar ek hi kahlaega. isi prakar yadi panch pravar hon to tin ke ek hone se hi ek hoga. saransh, adhe se adhik rishi yadi ek hon to saman pravr ho jane se vivah nahin hona chahie. jaisa ki bodhayan ne likha hai: .. dvayarsheyasannipate'vivahastraya rsheyanantrayarsheyasannipate'vivahah pa×charsheyanamsmanapravrairvivahah .. isilie bodhayan adi ne gotra ka jo sanketik arth kiya hai usmen bhrigu aur angira ko n kah kar ath hi ko ginaya hai, nahin to jaise atri adi ke ganon men jahan tak ek gotra karta rishi unke kisi bhi gotra ke pravron men vidyaman rahe vah vastav men ek hi gotra kahlate hain, chahe vyavhar ke lie bhinn hi kyon n hon aur chahe unke pravar tin hon ya panch. usi prakar bhrigu aur angira ke bhi ganon ke pravron men sirfa ek hi rishi ke saman hone se hi unke tin aur panch pravrvale gotron ka vivah nahin ho pata. magar ab ho sakta hai kyonki ek rishi ki samanta ka niyam sirf ath hi rishiyon ke lie hai, n ki bhrigu aur angira ke lie bhi. .. ek ev rishiryavatpravreshvanuvarttate. tavatsamangotratvamanyatrangirsobhriga.. bhrigu aur angira ke vanshjon ke jo gan hain usmen kuch to gotra ke un ath rishiyon ke hi gan men a gae hain aur kuch alag hain. is prakar bhrigu aur keval bhrigu evan angira aur keval angira is tarah ke unke do-do vibhag ho gae hain. bhrigu ke 7 ganon men vats, vid aur arshitsen ye tin to jamadagni ke bhitar a gae. shesh yask, mivyuv, vainya aur shunak ye keval bhargav kahlate hain. isi prakar angira ke gautam, bharadvaj aur keval angiras ye tin gan hain. unmen do to ath ke bhitar hi hain. gautam ke 10 gan hain, ayasya, sharadvant, kaumand, dirghatamas, aushanas, karenupal, rahugan, somrajak, vamdev, brihdukth. isi prakar bharadvaj ke char hain, bharadvaj, garg, raukshayan, kapi. kevlangirs ke panch hain, harit, kanva, rathitar, mudgal, vishnubriddh. is tarah sirfa bhrigu aur angira ke hi 23 gan ho gae. isse spasht hai ki bharadvaj ya bharadvaj gotra ka garg ya gagrya ke sath vivah nahin ho sakta kyonki unka gan ek hi hai.
Kya aapko lekh pasand aaya? Subscribe
Kya aapko lekh pasand aaya? Subscribe

vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.