brihat_report No Thanks Get this offer
fututrepoint
futurepoint_offer Get Offer
वास्तु एवं फेंग शुई के उपाय

vastu evan feng shui ke upay  

Ank ke aur Lekh | Sambandhit Lekh | Views : 2365 |  
- dvar par nau piramid yantra lagaen, to dvar dosh dur ho jata hai. - yadi tin darvaje ghar, ya kisi vastu men ek katar men hon, to bich ke darvaje par sfatik gola tang den. dosh dur ho jaega. - sunhri machliyon vala laghu machli ghar apne ghar men rakhna saubhagya men vriddhi karne ka ek karagar upay hai. feng shui men machli ghar rakhne ki sahi dishaen purva, dakshin-purva tatha uttar hain. yadi machli ghar dakshin-purva men rakhte hain, to vastu ke anusar galat ho jata hai. islie iska upyog purva ya uttar men kar sakte hain. ise baithak ya khane ke kamre, ghar ke mukhya dvar ke andar se, bayin or rakhen. - madhur sanbandhon ke lie prasannachitta mudra men sanyukt parivar ka foto lagaen. - ghar men namak mile pani se poncha lagaen. yah jal ghar men sthit nakaratmaka urja ko dur karne men bahut sahayk siddh hota hai. - shauch ghar men samudri namak ka katora rakhie. yah galat sthan par bane shauchaly ka dosh bhi dur karega. - shiksha aur gyan ke lie uttara-purva men glob rakhie aur bachchon ke kamre men mahapurusho ke chitra lagaen. - uttam bhagya ke lie darvaje, khirkiyon par vastu ke feng shui ke anusar rangin parde lagaie. - vyavsayik karyalyon men dakshin disha men malik ki foto lagaen. - dakshin-pashchim men parvato ke chitra lagaie. - bare-bare mulyavan upakaran aur bhari saman dakshin-pashchim men rakhen. - dakshin-pashchim men premi parinde lagaie. - pavan ghantiyan ghar men saubhagya barhane ka adbhut srot hain. pavan ghantiya ghar ke harek kshetra men latkani chahien. 6 charon vali pavan ghanti baithak men uttara-pashchim mane latkani chahie. 7 charon vali ghanti ghar ke pashchimi kshetra men latkani chahie. - dhan-samriddhi ke lie chini sikke jeb men rakhen. dhan ki peti (kaish baeksa) ke upar tin bhagyashali sikke lagaen. - ghore ki nal pashchimi deshon, bhart men bhi bahut bhagyashali aur shubh mani jati hai. apni suraksha aur saubhagya ke lie ise apne ghar ke mukhya dvar ke upar, darvaje ki chaikhat, bich men laga sakte hain. - bim ke donon or do bansuri, lal riban men bandh kar, 45 digri ke kon men laga kar, bim ke dosh dur kar sakte hain. - mukhya dvar ke bahar donon tarf arogya ka pratik pavitra tulsi ka paudha rakhna chahie, kyonki pravesh dvar hi ghar ka vah bhag hai, jahan se achchi-buri urja ghar men pravesh karti hai. pravesh dvar ke donon or paudhe rakhne se agantuk akarshit hote hi hain; sath hi vahan rahne valon ke dhan-vaibhav men vriddhi hoti hai. - sanpatti tatha saflta ke lie ratnon ka paudha apni baithak kaksh ke uttara-purva men rakhen. - prasiddhi ke lie ghar ke dakshin kshetra men lal rang ka upyog karen evan use lal rang ki vastuon se sajaen. - bhagvan shri krishn ka chitra uttama feng shui evan vastu ka pratik hota hai. shri krishn bhagvan ki radha ji ke sath bagiche men bansuri bajate hue chitra jinmen piche mor bhi dikhai de rahe hon, shri krishn radha ke sang prem prasang men lin chitra pati-patni ke achche sanbandhon ko darshate hain shri krishn ke mukut par laga mor pankh khushhali ka pratik hai. - mukhya dvar men koi avrodh (khanbha, per, kona) adi ho, to dosh nivaran hetu bagua mirar lagaen. - vivadon se sanbandhit kagjat kabhi bhi agney men n rakhen. ye kagjat ishan, ya uttara-vayavya men rakhen. - divar ghari uttar ya purva men lagaen. - achche vyapar ke lie bisa yantra ki sthapna karni chahie aur shanivar ke din hari mirchon aur ninbu ke bandhn ka upyog karna chahie. - makan men yadi rajkiya badhaen a rahi hon, to surya yantra ki sthapna karni chahie. - yadi chori hone ki samasya ho, to bhaum yantra ki sthapna karni chahie. - ghar men dange-fasad aur upadrav ho rahe hon, to bhay kilak yantra ki sthapna karni chahie. - shri yantra ki sthapna puja sthal par karna sabhi kshetron men shubh rahta hai. - ganpti ki sthapna ki jagh kuber yantra ki sthapna karna bhi shreshth hota hai. - jin gharon ka ishan kon kat gaya ho ya pirit ho, ve tanbe ke lote men pani bhar kar upar se chandi ki katori se dhank den aur katori men char moti rakhen. roh subah katori evan lote ko manjen aur taja pani bhar kar vapas rakhen. - jin logon ka chulha ishan men ho aur paristhitivash hataya n ja sakta ho tatha ve bure parinam bhugt rahe hon, to unhen nimn upchar karna chahie: tanbe ki tashtari men pani bhar kar hamesha chulhe ke niche rakhen aur agney men lal balb jalayen shubh parinam milne lagenge. - maruti yantra maruti nandan shri hanuman ji ka yantra hai. is yantra ke kai upyog hain, jinmen ek upyog vastu ke lie bahut prachlit hai. jiski jamin nahin bik rahi ho, ya jiski jamin vivad men pari ho, vah manglvar ke din dopahar 12 baje is yantra ko le ja kar sanbandhit bhumi men purvamukhi ho kar gar de. bhu svami svayan purva ya ishan men sava hath ka gaddha khod kar yantra gare. upar se dudh aur ganga jal charhae. sanbandhit bhumi ka vivad tin mah ke andar sulajh jaega athva bhumi achche damon men bik jaegi. - mahakali yantra ko karkhana, udyog ki bhatthi, transfaermar aur jenretar par sthapit kiya jata hai. - dik dosh nashak yantra vastu dosh shaman ka sabse pramukh yantra hai, jismen sabhi dishaon, digpalo ka pujn kiya jata hai. vastu purush ka pujn kar ke yah prarthana ki jati hai ki he vastu purush! ap sakal vishva ko dharan karte hain. hamari vastu sanbandhi trutiyon ka shaman karo.
Kya aapko lekh pasand aaya? Subscribe
Kya aapko lekh pasand aaya? Subscribe

vastu visheshank  December 2015

vastu sanrchna ka vigyan hai jiska uddeshya manuushya ki sukh samriddhi hai. har sanrchna chahe vah ghar ho athva dukan athva faiktri athva karyalay, pratyek sanrchna ke nirman men vastu niyamon ka anupalan kiya jana avashyak hai. yadi koi bhi sanrchna vastu sammat nahin hain to yah anek prakar ki arthik, svasthya sambandhi samasyaen, duahkh, vaivahik jivan men kathinai, parivarik vivad adi ko janm deta hai. fyuchar samachar ke vastu sambandhit is visheshank men anek ullekhniya alekhon ko samavisht kiya gaya hai jismen vastu ke mahatvapurn siddhanton ka vishleshan sukshmata se kiya gaya hai. inmen se ati mahatvapurn alkhon men shamil hain: narad puran men vastushastra ka sukshm varnan, vastu shastra men panch tatva, bhavan nirman men vastushastra ka mahatva, vastu shastra ek vaigyanik paddhati, vastu shastra evan dharm, disha dosh dur karne ke vastu upay, feng shui aur vastu men antar aur samantaen, vastu evan feng shui ke upay, maltistori flait ki vastuu ki upyogita evan vyavastha, flait kharidne men kin baton ka khayal rakhen adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

.