पं. लेखराज शर्मा जी की विलक्षण प्रतिभा

pan. lekhraj sharma ji ki vilakshan pratibha  

Ank ke aur Lekh | Sambandhit Lekh | Views : 15185 |  
hamachal ke mandi, sundar nagar nivasi pan. lekhraj sharma ko jyotish ke kshetra men unki anokhi v utkrishtatam sevaon ke lie president avard tatha himachal ratn se sammanit kiya ja chuka hai. ye hastarekha ke adhar par jatak ki janmakundli ka nirman kar lete hain. bharat men is prakar ki yogyata rakhne vale ye ek matra jyotishi hain. inhonne logon ki hastarekhaon se unki janm tithi aur janm samay ka nirdharan v kundli nirman karke n keval jyotish shastra ki satyata sthapit ki hai apitu yah bhi siddh kar diya hai ki jatak ki hast rekhaon ka use prabhavit karne vale grah nakshatron se sidha sanbandh hota hai. pan. lekhraj sharma ji ki is vilakshan yogyata ka raj jab logon ne unse janna chaha to unhonne badi vinamrata se jyotish ke ‘nasht jatkm’ adhyay ka havala diya. aisa nahin ki jyotishshastriyon ko nasht jatakam ka ilm nahin hai lekin is adhyay men koi bhi parangat nahin hai atah ham to sirf itna kah sakte hain - shayri ilm se nahin ati, galib dil men ishk paida kar . shayri apne ap a jaegi.. jivan men anek vyaktiyon se milakar ham unke chamatkari vyaktitva se atyant prabhavit hote hain. unki visheshta, gun v karya pranali is had tak chamatkarik hoti hai ki unke age natamastak hone ko man chahta hai. aisi hi shakhsiyat han kaiptan da lekhraj sharma ji. sharma ji ka nam kafi varshon se jyotish jagat men vikhyat hai par meri unse mulakat abhi hal hi men nakshatra pradarshani ke udghatan samaroh men hui jahan apko fyuchar paint ne vishesh atithi ke rup men amantrit kiya tha. sharma ji ne samaroh ke mukhya atithi shri dinesh sinh, ai. ti. pio. ki cheyrmain shrimti rita menan, niraj gupta ji v anya sabhi vishisht atithiyon ko apni anuthi kala se chamatkrit kar diya. unhonne pratyaksh rup se minton men hatheli ki rekhaen dekhakar pratyek vyakti ki janm tithi v samay bilkul sahi-sahi bata diya. yah vastav men jyotish vidya ka nayab v pratyaksh namuna tha isilie is mahine ki satya katha pan. lekh raj ji ko hi samarpit hai. pan. lekhraj ji ka janm jogindar nagar jila mandi men hua. jila mandi choti kashi ke rup men himachal men kafi prasiddh hai aur yahan se bade-bade vidvan ae hain. lekhraj ji ke parivar men khandani jyotish ka karya hota tha. unhonne jyotish bachapan men apne parivar men hi sikha aur apni shiksha ke pashchat vahin adhyapak ke rup men himachal ke sarkari skul men karya kiya. kuch samay bad apni uchch shiksha ke lie banaras chale gaye aur pan. ram nath tripathi ke netritva men banaras hindu vishva vidyalay se jyotish ki uchch shiksha prapt ki. tripathi ji samudrik shastra ke visheshagya v uchch koti ke ramlacharya the. 1978 men apne indiyan armi jvayan kar li v vahan ke dharm guru ke rup men sainikon ka utsah varddhan kiya. apne kargil, blu star aepreshan adi sabhi ladaiyon men dharm guru ka pad achchi tarah nibhaya aur vahan par apko senadhyaksh prashansa patra v rashtrapti puraskar se navaja gaya. 1980 men ap bainglor chale gaye tatha bi. vi. raman ke sannidhya men inke jyotish gyan men bahut nikhar aya. apne varah mihir ki nasht jatakam, mukund mishra likhit jyotishiya pustak v kalidas virchit uttarakalamrit ka gahan v vishad adhyayan kiya aur jyotish ki disha men age badhte rahe. 2008 men armi se nivritt hokar vapis jyotish ke kshetra men purn rup se jud gaye aur ajakal, jogindar nagar mandi men jyotish ka karya kar rahe hain. apko antarrashtriya jyotish puraskar, antarrashtriya rotri avard, bharat gaurav, akhil bhartiya jyotish samman patra, himachal ratn, jyotish varah mihir rashtriya puraskar, merath ratn adi anek puraskaron se sammanit kiya gaya hai. aiye karen sharma ji ki janmakundli ka akalan pan. lekhraj sharma ji ki janmakundli men kanya lagn hai. kanya lagn ke jatak ganit vidya men parangat hote hain. inki kundli men uchchastariya v shreshth ganitagya banne ke sarvashreshth yog vidyaman hain. budh grah ganit v prakhar buddhi ka karak mana gaya hai. inka budh lagnesh aur dashmesh arthat do kendron ka svami hokar buddhi ke karak trikon bhav men buddhi aur shreshthatam gyan ke mukhya karkon guru aur shukra ke sath vidya ke hi pancham bhav men virajman hai. chandrama se ye tinon grah kendra men vidyaman hain. jo grah kisi bhav se dashamasth hon vah us bhav par pura prabhutva rakhta hai. islie pancham bhav men baithe grah ashtam bhav par purn prabhav rakhte hain. ashtam bhav paravidyaon aur gudhatam vidyaon ka karak bhav hai isilie inki kundli men chandrama adhishthit ashtam bhav guru, shukra aur budh ke purn prabhav men hai. ashtamesh aur ashtam se ashtam bhav ka svami mangal bhi lagnasth hai. isi karan ham kah sakte hain ki kanya lagn ki is kundli men budh, pancham bhav aur ashtam bhav ke bali hone tatha chandrama se dasham bhav men shubh grahon ki sthiti ke karan inhen paravidya, jyotish ki gudh gannaon men chamatkrit karne vali yogyata aur samman donon hi prapt hue. jaimini jyotish ke anusar bhi pancham bhav ko sarvadhik mahatvapurn mana jata hai, isilie sharma ji antarrashtriya star par khyati prapt karke bharat gaurav kahlae. parashri jyotishanusar lagn, dvitiya, chatuthar, pancham v navam bhavon ko vidya ke kshetra men shreshthatam saflta ka karak mana jata hai. vidya aur buddhi ke karak grahon guru, shukra aur budh ka in bhavon se shreshth sambandh jatak ko nishchit rup se vidvan banata hai. aisa durlabhatam janmapatriyon men hi hota hai ki in tinon grahon ka in bhavon se sanbandh bhi ho jae aur in tinon ki yuti bhi kisi shubh bhav men ho jae. pan. lekhraj ji ki janmapatri men ye tinon grah lagnesh, dvitiyesh, chaturthesh v navmesh hokar vidya aur buddhi ke karak pancham bhav men ek sath virajman hain. yahi inki advitiya pratibha ka mul karan bana. dasham bhav se vidya janit yash ka vichar kiya jata hai. inki janmapatri men budh dashmesh hokar islie vidya janit yash ka karak bana kyonki yah budh do kendron ka svami hokar shubh grahon se sanyukt hokar trikonasth aur vah bhi pancham bhav men hai. is prakar vidya aur buddhi ka sthir karak budh kundli men vidya aur buddhi ka char karak ban kar aur adhik chamatkari ho gaya. apki kundli men parakram ka svami mangal tritiyesh hokar lagn men ketu ke sath sthit hai jiski vajah se apne sena ke sainikon ka utsah vardhan kiya v dharm guru ke rup men unka netritva kiya aur desh videsh ki yatra ki. dvadshesh surya chaturth bhav men baithe hain isliye mata ka svargavas bachapan men hi ho gaya tha. chaithe ghar par ashtamesh mangal ki bhi purn drishti hone se matri sukh men hani rahi. parantu pancham men lagnesh v karmesh budh, chaturthesh v saptamesh guru v bhagyesh v dhanesh shukra ki yuti atyant vilakshan yog bana rahe hain. charon kendron ke svami v trikon bhav ka svami bhi ek trikon bhav men baithakar trikalagya yog bana rahe hain jo santon ki kundli men bhi durlabh hota hai. apki kundli men vak siddhi yog, bhagyavan yog, purn bhagyashali, rajsukh v sarparaj tulya pratapi jaise anek shubh yog ban rahe hain. guru chandra se kendra men hone ke karan gajkesri yog bhi ban raha hai.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.