manav jivan par grahon ka nishchit rup se prabhav parta hai. hamara vyaktitva, svasthya, shaurya, vidya, dhan aur karya kshetra sabhi kuch grahon se prabhavit hota hai. bachapan men vidyarjan se lekar vyavsay ke nirdharan tak kundli men sthit sabhi grah vidya tatha karya kshetra ko prabhavit karte hain aur har vyakti ka bhagya v karm kshetra kisi n kisi tarah se inhin grahon ke anurup hi nirdharit hota hai.
vyavsay ke lie vyakti ke dasham bhav ka vichar kiya jata hai. lekin vyakti vishesh ko kis karm se ya kis vyapar ya udyog men saflta prapt hogi. is sabka vichar dasham bhav ke sath-sath kundli men sthit anya uÿam grahon ki sthiti dvara bhi kriya jaega jaise kundli ke dvitiya v ekadash bhav se ham dhan yog ka bhi vichar karenge. yadi dhan yog uÿam hoga to vyakti uchch vyavsay karne vala hoga aur yadi daridra yog hoga to nimn star ka vyavsay karega.
vyavsay nirdharan ke lie jahan ek or hamen dasham sthan, dashmadhipti tatha dashmesh ke navansh pati ko bhi dekhna chahie, vahin grahon ki shubh sthiti par bhi vichar karna avashyak hai jaise prashasan ke lie surya, kaemars ke lie budh v guru, kala ke lie shukra, chandra tatha budh, khelon ke lie mangal, lekhan karya lie budh, guru v chandra tatha rajniti ke lie surya, shani v guru, vakalat ke lie budh, guru, shani, jyotish ke lie guru, budh, ketu, chandra tatha injiniyar, daektar, sains, kanpyutar v teknolaeji ke lie shani, mangal, rahu, ketu v surya ka mahatva sarvadhik hai. ham vibhinn vyavsay se jure kuch vyaktiyon ki kundliyon ka vishleshan kar in niyamon ki pushti svayan kar sakte hain. prashaskiya adhikari ki kundli men surya ka balvan hona atyant avashyak hai.
kundli nan. 1 men dasham bhav ka svami surya dvitiya bhav men budh aditya yog men hai aur guru ki purn drishti men hai. dasham bhav par guru, mangal aur shukra ki purn drishti hai. shukra aur shani ka parivartan yog bhi hai. guru shani ka paraspar drishti sanbandh bhi hai. arthat surya, budh, guru, shani, mangal sabhi ka paraspar sanbandh ban raha hai isilie yah mahila ek safal ai.e.es. aefisar hai.
kundli nan. 2 ka jatak ek safal daektar hai. daektari ke lie surya, budh, guru, shani tatha mangal ka bali hona avashyak hai. is kundli men guru, mangal, shani tatha chandra ka apas men drishti sanbandh ban raha hai. dashmesh budh mangal ke navansh men hai aur navansh men mangal dasham bhav men bahut achchi sthiti men hai aur dasham se dasham men sthit mangal guru aur shani ko purn drishti se dekh rahe hain. isi karan yah ek safal sarjan bane.
kundli nan. 3 men dashmesh chandra lagn men purn paksh bali hai surya apni uchch rashi men kendra men budh aditya yog men sthit hai. dashmesh chandra ki surya, budh rahu, shani aur mangal ki purn drishti hai tatha dasham sthan par guru ki drishti hai. arthat surya, chandra, mangal, budh, guru aur rahu, shani sabhi men paraspar sanbandh ban raha hai. navansh kundli men dashmesh chandra mangal ke navansh men hai tatha dvitiya bhav men sthit hokar unki vani ko bhi prabhavshali bana rahe hain. yah kundli desh ke bahut nami krimanal vakil ki hai chathe bhav ka mangal bhi is karya ke lie uchch rashi ke lagnesh ke sath purn sahyog pradan kar raha hai.
kundli nan. 4 ek prasiddh jyotishacharya ki hai. jyotish men saflta ke lie guru, budh v dvitiyesh ka mahatva adhik hai. inke dasham sthan men chaturthesh surya, dvitiyesh v panchmesh budh tatha ayesh guru sthit hain. dashmesh shani aur dvitiyesh budh ka paraspar parivartan yog hai. arthat dasham bhav v dvitiya bhav atyant balvan hai. islie inhonne jyotish ke kshetra bahut bara yogdan diya v estrolaejikal megjin ka prakashan aranbh kiya. jyotish ka karak guru v budh kendra men surya ke sath hone se bahut nam kamaya.
kundli nan. 5 bala sahab thakre ki hai. rajniti men saflta ke lie surya, guru v shani tatha lagn v dasham bhav ke sashakt hone ke atirikt uÿam dhan yog hona avashyak hai. is kundli men surya dashmesh shukra tath bhagyesh budh ke sath lagn men sthit hai tatha shani ki purn drishti men bhi hai. dasham bhav ko rahu, guru aur mangal ki bhi purn drishti hai. dashmesh surya ke navansh men hai. arthat surya, guru, shani, mangal, budh sabhi ka apas men sanbandh ban raha hai aur bala sahab thakre ke rajntaik prabhav ko sabhi jante hain. kundli men shani v guru ki sthiti shreshth dhan yog bana rahi hai.
kundli nan. 6 lata mangeshakar ki hai kala ke lie shukra, budh, chandra v guru ka balvan hona avashyak hai. lataji ki kundli men lagnesh shukra kendra men, ayesh guru lagn men, tritiyesh chandra svarashi men v dvitiyesh aur panchmesh budh vani ka karak hokar apni uchcharashi men surya ke sath sthit hai tatha bhagyesh v karyesh shani se drisht hai. dhan karak guru bhi apni purn drishti se budh aur surya ko dekh rahe hain. dvitiyesh ka uchch hokar buddhi ke bhav men shukra adhishthit rashi ke svami ke sath vargoÿami hokar baithna v guru se drisht hona inki vilakshan pratibha ka karan bana. yahi karan hai ki pichle 60-70 varshon se lataji sangit ki duniyan ka sabse bara sitara hai.
kundli nan. 7 dhiru bhai anbani ki hai is kundli men janm lagn, surya, lagn v chandra lagn ke ek hone ke karan yah kundli tin guna bali ho gai. lagn men surya v chandra ki yuti akhand lakshmi yog banata hai. shain, guru v bhagyesh ki uÿam sthiti ka fal janm lagn, chandra lagn v surya lagn ke ek hone ke karan tin guna shubh faldai siddh hua. safal vyapari banne ke lie shani, surya, dasham bhav tatha uÿam dhan yog hona avashyak hai. lagn, chandra v surya kundliyon ke dashmesh ka navanshesh shani hone se vyaparik kshetra men saflta mili.
kundli nan. 8 sachin ki kundli men kanya lagn hai tatha mangal purn balvan hai. khel jagat men saflta ke lie inke uchcharashisth mangal ne inhen lauh purush banaya. navansh men bhi mangal agnirashi men sthit hai. khel jagat men saflta ke lie mangal, budh aur balvan pancham bhav shubh faldai siddh hue. mangal parakramesh hokar uchcharashisth hai. isse spasht hota hai ki khelon men shreshth pradarshan ke lie parakram bhav, mangal, budh tatha pancham bhav (manoranjn) ka shubh hona avashyak hai.
kundli nan. 9 ainstain ki kundli men surya, budh, shani, uchch rashi ke shukra ke sath dasham bhav men hi baithe hain aur mangal chandrarashish hokar uchch ke hain aur risarch ke ashtam bhav men rahu se sanyukt hain. vigyan ke kshetra men saflta ke lie shani, mangal, surya, rahu v budh ka bali hona apekshit hai. inki kundli men yah grah pratyaksh v apratyaksh rup se dasham bhav ko prabhavit kar rahe hain. uchcharashi ke panchmesh, uchcharashi ke chandrarashish tatha guru ki pancham bhav par drishti ne inhen maha buddhiman banaya.
kundli nan. 10 leftinent janaral ki hai militri vyavsay ke lie mangal surya aur shani ka balvan hona avashyak hai. is kundli men lagnesh mangal dashmesh surya ke sath pancham trikon men mitra guru ki rashi men baithe hain. kisi bhi pap grah se drisht nahin hai aur navansh men surya ke sath surya ki rashi men mangal dasham bhav men atyant bali hokar baithe hain. mangal aur surya ke sath shani bhi dasham bhav men vakri hokar bali hai aur shukra, budh v shani apas men ek dusre ko dekh rahe hain arthat mangal, surya, shani, shukra v budh sabhi ka paraspar sanbandh rajyog ke sath-sath inhen sena men uchch pad prapt karvaya.
kundli nan. 11, chatard ekauntent ke vyavsay ke lie guru, shukra aur budh ka balvan hona avashyak hai. prastut kundli men panchmesh guru lagn men, karmesh shukra chaturth men tatha dhanesh v labhesh budh lagnesh surya v uchch shani ke sath tritiya bhav men bhinn rashi men baithe hain. chaturthesh v bhagyesh mangal bhi dvitiya dhan bhav men baithe hain. dashmesh shukra navansh men surya ki rashi men dvadash bhav men hone se inke prashasan men bhi bahut achche sanbandh hain. yahan par pancham bhav tatha dasham bhav atyant balvan hai. kyonki panchmesh guru pancham bhav ko tatha yog karak grah mangal bhi pancham tatha navam ko dekh rahe hain. in sab rajyogon ke karan ye sajjan ek bahut jane mane chatard ekauntent hai tatha bahut yash aur dhan kama rahe hain. in sabhi kundliyon men ek bat saman hai ki sabhi men shubh grah tatha pap grah uttam sthan men sthit hain tatha sabhi jatkon ko unka shubh fal unki dashaon v antardashaon tatha gochar men mila. lekin kai bar aisa bhi hota hai ki achche grah hote hue bhi agar ek ashubh grah ki dasha javan avastha se hi shuru ho jaega to shubh grah bhi apna achcha fal dene men asamarth ho jate hain. ek aisi hi kundli main yahan dikhana chahungi.
kundli 12 ek mahila ki kundli hai. ismen saptamesh guru tatha lagnesh budh mangal ke sath shani se drisht hokar ashtam bhav men baithe hain. atyant garibi men bachapan bita vivah ke pashchat pati ne koi kam nahin kiya. iske karm jivan ko dekhen to inka dashmesh bhi ashtam men hai. dasham bhav men shukra, rahu, guru chandal yog bana rahe hain. islie inka jivan kafi nirdhanata men bita aur abhi ek aspatal men dai ka karya kar rahi hai. abhi mangal ki dasha chal rahi hai. ant men har kundli men vyavsay ka nirdharan karne ke lie shubh aur ashubh grahon ki sthiti dashmesh ka anya grahon se sanbandh, navansh kundli men grahon ka bal tatha dasha ko bhi mahatva dena chahie.