शनि से बनने वाले योग

shani se banne vale yog  

Ank ke aur Lekh | Sambandhit Lekh | Views : 6273 |  
shani ka nam sunakar hi jatak bhaybhit/chintagrast ho jate hain, jabki aisa sochna hamesha satya nahin hota. shani dev ko bhagvan shiv ne nyayadhish ka pad diya hai aur uska dayitva shanidev purn nishtha se v bina kisi duragrah ke sanpadit karte hain. sadhesati v dhaiyya ke samay jarur kasht pradan karte hain parantu purn samay tak nahin, usmen bhi prabhav mitra rashi men hai ya shatru rashi men tatha un par kisi shubh grah ka prabhav hai ya ashubh grah ka, tadnusar shubh-ashubh fal prapt hote hain. shani se banne vale vibhinn yogon ka kramanusar varnan is prakar haiah 1. shashyog: agar shani dev kendra sthanon men svarashi ka hokar baithe han (makar, kunbh) to yah yog banta hai. is yog men janm lene vala jatak naukron se achchi tarah kam leta hai, kisi sansthan samuh ya kasbe ka pramukh aur raja hota hai evan vah sab gunon se yukt sarvasanpann hota hai. 2. rajyog: agar vrish lagn men chandrama ho, dasham men shani ho, chaturth men surya tatha saptamesh guru ho to yah yog banta hai. aisa jatak senapti/pulis kaptan ya vibhag ka pramukh hota hai. 3. dirgh ayu yog: lagnesh, ashtamesh, dashmesh v shani kendra trikon ya labh bhav men (11van bhav) ho to dirgh ayu yog hota hai. 4. ravi yog: agar surya dasham bhav men ho aur dashmesh tisre bhav men shani ke sath baitha hai to yah yog banta hai. is yog men janm lene vala jatak uchch vicharon vala aur samanya ahar lene vala hota hai. jatak sarkar se labhanvit, vigyan se otaprot, kamal ke saman ankhon v bhari hui chati vala hota hai. 5. pashudhan labh yog: yadi chaturth men shani ke sath surya tatha chandrama navam bhav men ho, ekadash sthan men mangal ho to gay bhains adi pashu dhan ka labh hota hai. 6. apkirti yog: agar dasham men surya v shn ho v ashubh grah yukt ya drisht ho to is yog ka nirman hota hai. is prakar ke jatak ki khyati nahin hoti varan vah kukhyat hota hai. 7. bandhan yog: agar lagnesh aur shashtesh kendra men baithe hon aur shani ya rahu se yuti ho to bandhan yog banta hai. ismen jatak ko karavas katna padta hai. 8. dhan yog: lagn se pancham bhav men shani apni svarashi men ho aur budh v mangal gyarhven bhav men hon to yah yog nirmit hota hai. is yog men janm lene vala jatak mahadhni hota hai. agar lagn men panchve ghar men shukra ki rashi ho tatha shukra panchve ya gyarhven bhav men ho to dhan yog banta hai. aisa jatak athah sanpatti ka malik hota hai. 9. jadbuddhi yog: agar panchmesh ashubh grah se drisht ho ya yuti karta ho, shani pancham men ho tatha lagnesh ko shani dekhta ho to is yog ka nirman hota hai. is yog men janm lene vale jatak ki buddhi jad hoti hai. 10. kushth yog: yadi mangal ya budh ki rashi lagn men ho arthat mesh, vrishchik, mithun, kanya lagn men ho evan lagnesh chandrama ke sath ho, inke sath rahu evan shani bhi ho to kushth rog hota hai. shashth sthan men chandra, shani ho to 55ven varsh men kushth ki sanbhavna rahti hai. 11. vat rog yog: yadi lagn men evan shashth bhav men shani ho to 59 varsh men vat rog hota hai. jab brihaspati lagn men ho v shani satven men ho to yah yog banta hai. 12. durbhagya yog: (ka) yadi navam men shani v chandrama ho, lagnesh nich rashi men gaya ho to manushya bhikh mang kar gujara karta hai. (kha) yadi pancham bhav men tatha panchmesh ya bhagyesh ashtam men nich rashigat ho to manushya bhagyahin hota hai. 13. papakarm se dhanarjan yog: yadi dvadash bhav men shani-rahu ke sath mangal ho tatha shubh grah ki drishti nahin ho to pap karyon se dhan labh hota hai. 14. anghin yog: dasham men chandrama ho saptam men mangal ho surya se dusre bhav men shani ho to yahi yog banta hai. is yog men jatak anghin ho jata hai. 15. sadaiv rogi yog: yadi shashthabhav tatha shashthesh donon hi papyukt han aur shani rahu sath hane to sadaiv rogi hota hai. 19. matibhram yog: shani lagn men ho mangal navam pancham ya saptam men ho, chandrama shani ke sath barhvan bhav men hon evan chandrama kamjor ho to yah yog banta hai. 20. bahuputra yog: agar navansh men rahu pancham bhav men ho v shani se sanyukt ho to is yog ka nirman hota hai. is yog men janm lene vale jatak ke bahut se putra hote hain. 21. yuddhamaran yog: yadi mangal chathe ya athven bhav ka svami hokar chathe, athven ya barhven bhav men shani ya rahu se yuti kare to jatak ki yuddh men mrityu hoti hai. 22. narak yog: yadi 12ven bhav men shani, mangal, surya, rahu ho tatha vyayesh ast ho to manushya narak men jata hai aur punarjanm lekar kasht bhogta hai. 23. sarp yog: yadi tin papagrah shani, mangal, surya kark, tula, makar rashi men ho ya lagatar tin kendron men ho to sarpayog hota hai. yah ek ashubh yog hai. 24. dattak putra yog: shani-mangal yadi panchven bhav men hon tatha saptamesh 11ven bhav men ho, panchmesh shubh ho to yah yog banta hai. navam bhav men char rashi men shani se drisht ho, dvadshesh balvan ho, to jatak god jayega. yadi panchven bhav men grah ho tatha panchmesh vyay sthan men ho, lagnesh v chandra bali ho to jatak ko god liya putra hoga.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.