काल सर्प दोष एवं उसके उपाय

kal sarp dosh evan uske upay  

Views : 1030 | July 2004

prashna: kal sarp dosh kya hai?

uttara: rahu aur ketu ke madhya yadi anya sabhi 7 grah a jaen, to kal sarp dosh hota hai. yadi rahu sabhi grahon ko grasit kare, to udit rup se evan yadi ketu grasit kare, to anudit rup se yog banta hai. yadi saton grahon men se ek bahar nikal jae, to yah yog anshik kahlata hai.

prashna: iska fal kya hai?

uttara: jis jatak ki kundli men kal sarp dosh hota hai, use saflta prapt karne ke lie bar-bar prayatn karne parte hain. kai bar saflta samne rahte hue bhi prapt nahin ho pati. lekin iska yah arth nahin ki jis jatak ki kundli men yah dosh ho, vah upar nahin uth sakta. aise anek udaharan hain, jinke jatkon ne sarvochch pad prapt kiya aur pratishthit vyakti bane, jaise sva. javahar lal nehru, indira gandhi adi.

prashna: kya kal sarp dosh ke fal har jatak ko alg-alag rup men milte hain?

uttara: rahu jis bhav men sthit hota hai, usi ke anurup mukhyatah12 prakar ke kal sarp dosh kahe gaye hain. jatak ko fal bhi usi ke anusar bhinna-bhinn milte hain. kisi ko is dosh ke karan parivarik kalah ka samna karna parta hai, to kisi ko vyavsay men sthirta, ya avnti ka, kisi ko hani ka, to kisi ko rog ka.

prashna: parivar men yah dosh ek ko ho, to kya sabko hota hai?

uttara: aisa avashyak nahin hai ki parivar men kal sarp dosh pita ki kundli men ho, to santan ko bhi hoga. lekin aksar aisa dekhne men ata hai ki ek parivar ke kai sadasyon ko yah dosh ek sath hota hai. age santan ko yah dosh n ho, iske lie kal sarp dosh ki shanti avashya kara leni chahie.

prashna: kal sarp dosh kya hamesha rahta hai ya kisi vishesh avdhi tak?

uttara: jyotish men dosh 2 prakar ke hote hain- kuch dosh kuch avdhi ke lie, kisi gochar, ya dasha ke karan aur kuch janmakundli men dosh ke karan. dusre dosh ka asar puri umra sahna parta hai. kal sarp dosh bhi ek isi prakar ka dosh hai, jo jatak ko jindgi bhar kuch n kuch kasht deta rahta hai. lekin fir bhi jab-jab rahu ki dasha, ya antardasha ati hai, ya rahu evan ketu ke upar koi grah gochar karta hai, tab-tab iska prabhav adhik ho jata hai.

prashna: kal sarp dosh ke mukhya upay kya hain?

uttara:

  • bhagvan shiv ki aradhna evan rudrabhishek karen.
  • shiv ling par sone, ya chandi ka sarp, vidhipurvak, charhaen.
  • apne vajan ke barabar ann dan karen.
  • kal sarp yog yantra ki pran pratishtha kar pratidin pujan aur darshan karen.
  • mahamrityunjay mantra ka sava lakh jap karaen.
  • batuk bhairav mantra ka sava lakh jap karen.

uparyukt sabhi upay yadi kisi jyotirling par kiye jaen, to unki adhik mahatta hai. tryanbkeshvar men iska vishesh upay kiya jata hai. yadi mahashiv ratri, nag panchmi, shravan mas men somvar, ya somvari amavasya ko kiya jae, to uttam hai.

prashna: kal sarp dosh ke saral upay kya hain?

uttara:

  • bhikhari ko rahu ki vastuon, jaise kale til, rai, kale kapre adi ka dan den.
  • mahamantra ‘un namah shivay’ ka jap karen.
  • chandi, sona, ya asht dhatu nirmit kal sarp anguthi dharan karen.
  • nag panchmi, mahashiv ratri adi ko vrat rakhen.
  • kal sarp yantra gale men dharan karen.
  • shiv ke pratik ekmukhi rudraksh sahit rudraksh ki mala dharan karen.

prashna: kya ek bar upay karne se kal sarp dosh sada ke lie dur ho jata hai?

uttara: jyotish men kisi bhi dosh ko dur karne ke lie kiye gaye upayon ka asar adhikatam ek varsh tak hi rahta hai. atah kal sarp dosh ke upayon ko prativarsh, ya varsh men 2 bar tak avashya karna chahie. yadi dosh adhik ho, to kuch saral upay pratimah, ya pratisaptah karne chahie.

prashna: kal sarp yog purva men kab-kab bana aur bhavishya men kab-kab banega?

uttara: kal sarp dosh kabhi-kabhi hi, kuch varshon ke antral par, banta hai - 10 varshon men 2, ya 3 bar. usmen bhi kabhi-kabhi hi yah yog, udit rup men, purn rup se banta hai. purva men yah yog 8 julai 2002 se 25 nabanvar 2002 tak ghatit hua tha. ajakal yah yog purn rup se 24 mai se astitva men hai evan 15 aktubar tak prabhavi rahega. iske bad agle varsh, 2005 men, julai-agast men yah yog punah ghatit hoga. taduprant keval 2008 men aur fir 2012 men, keval anudit rup men, ghatit hoga.

prashna: kal sarp dosh pahle kabhi sunne men nahin aya, to kya yah abhi shuru hua hai?

uttara: anek yog patri men vidyaman hote hain, jinki charcha vishesh rup se nahin ho pati hai. iska arth yah nahin ki ve dosh, ya yog pahle nahin the. prachin shastron men is yog ka ullekh vibhinn rupon men aya hai. lekin kabhi kisi yog ki charcha, kisi kal vishesh men adhik hone ke karan, sabhi jyotirvidon evan jansadharan tak pahunch jati hai. aisa hi kal sarp yog ke sath hua hai. ajakal yah yog, antriksh men banne ke karan, adhik charchit hai.


apni kundli men sabhi dosh ki jankari paen kampalit dosh riport men


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  अकतूबर 2020

फ्यूचर समाचार के इस अंक में अधिक मास- आश्विन, भाव चलित पार्ट और उसका अध्ययन, लग्न चार्ट द्वारा भूत, भविष्य, वर्तमान ज्ञात करना, आजीविका में उतार-चढ़ाव आदि लेख सम्मिलित हैं।

Subscribe


.