महा शिवरात्रि में कालसर्प दोष की शान्ति के उपाय

maha shivratri men kalasarp dosh ki shanti ke upay  

Ank ke aur Lekh | Sambandhit Lekh | Views : 5729 |  
mahashivratri ke din athva nagpanchmi ke din kisi siddh shiv sthal par kalasarp yog ki shanti kara lene ka ati vishisht mahatva mana jata hai. nirantar mahamrityunjay mantra ke jap se, shivopasna se, hanuman ji ki aradhna se evan bhairvopasna se yah yog shithil pad jata hai. shravan mas men somvar ka vrat karte huye bhagvan shiv se kalasarp yog ke dushprabhavon se bachane ke liye prarthana karne par bahut shanti milti hai. maha shivratri ki shubh vela men sanpurn kalasarp dosh nivaran yantra ki sthapna kar, mahamrityunjay mantra ka vidhi-vidhan se pandit ke dvara jap karvana, havan shanti karana, svayan sarpasukt ka path karna, navnag nam stotra ka rudraksh mala se jap karna, chandi ke bane nag-nagin ke jode ko shivji ko arpit karna kalasarp dosh nivaran ke saral evan achuk upay hain. isi din kisi shivalay men jakar shiv chalisa athva shiv sahasranam stotra ki pothiyan vitrit karni chahie. 1- kalasarp dosh nivaran ke vibhinn upay vidvanon dvara paramarshit hain. is dosh ki shanti vidhananusar kisi yogya anubhvi, nirlobhi, vidvan brahman, kulguru ya purohit se karva lene se dosh shant ho jata hai. 2- bhagvan ganesh ketu ki pida shant karte hain evan sarasvati devi unka pujn-archan karne valon ki rahu ke anisht se raksha karti hain. 3- bhairvashtak ka nitya path karne vale logon ko is dosh se shanti milti hai. unke durdin samapt hone ke lakshan dikhlai dene lagte hain. 4- nitya un ke asan par baithakar rudraksh ki mala se nag mantra gayatri ka jap karne se is dosh ke kashton se chutkara mil sakta hai basharte satat 108 din jap karne ka sankalp lekar prayas karen. jap ke samay bhole nath ke samaksh shuddh ghi ka dipak jalte rahna chahie. 5- isi tarah se satat 108 dinon tak sankalp lekar pratidin sarpasukt ka nitya ek path karne se dosh nivaran men saflta milne lagti hai. bigde karya banne lagte hain aur unnati ke suavasar prapt hone lagte hain. apne ghar ki puja sthali men shivji ke samip hi sarp pakde hue garudasin, shri hari vishnu athva sheshshayi vishnu ki tasvir rakhakar unke darshan karte huye lagatar 108 dinon tak navnag nam stotra ke nitya nau bar path karne se kalasarp dosh nivaran men bahut shanti milti hai. uprokt 108 dinon ke jap/path ka praranbh mahashivratri ke pavan parva ke din se kar sakte hain. ‘‘namah shivay’’ mantra panchakshar, japat mitat sab klesh bhayankar. nag mantra un navkulay vidmahe vishadantay dhimhi. tannah sarpah prachodyat.. nav nag nam stotra anantan vasukin sheshan padmanabhan ch kanbalam. shankhpalan dhartarashtran takshakan kaliyan tatha.. 1 .. etani nav namani naganan ch mahatmanam. sayankale pathennityan pratah kale visheshtah.. 2 .. tasmai vishbhyan nasti sarvatra vijyi bhavet.. 3 ..
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.