माता सरस्वती को प्रसन्न करें बसंत पंचमी पर्व पर

mata sarasvati ko prasann karen basant panchmi parva par  

Ank ke aur Lekh | Sambandhit Lekh | Views : 1988 |  
vidya ka aranbh bachchon ko unke balyakal se hi karaya jata hai aur ve kramshah parhte hue gyan nidhi ko barhate chale jate hain aur ek din aisa ata hai ki ve mata sarasvati ke kripa prasad se unchi se unchi digriyan prapt kar lete hain. gyanarjan aur gyanvriddhi ka karya yadi sachche arthon men dekha jae to bhagvti sarasvati ke pujan stavan hi purn kar dete hain. gyanarjan aur gyan vriddhi ke dvara ap bhi labhanvit ho sakte hain aur anyanya logon ko bhi apna gyan bantakar unhen labhanvit kar sakte hain. ila, gira, vidya, vani, bharti, sharda, vagdevi, vagishvari, vinavadini, vinapani, brahmani, hans vahini, mayurvahini, medha, shvet padmasna, vidyadatri, pustaka dharini, sarasvati adi vidya ki devi ke pramukh nam hain. nitya puja karm ke samay unhen in namon se smaran aur pranam karne matra se unki kripa prapt hoti hai. jaise shastra anant hain vaise hi vidyaen bhi kai prakar ki hain. basant panchmi ke din ‘‘¬ sarasvatyai namah’’ ke uchcharan ke sath pranam nivedn karte hue sarasvati ji ka avahn kar unka shraddha, vishvaspurvak shodshopchar pujan karna chahie taki vanchit vidya prapt ho sake aur bhagvti sarasvati ka anugrah bana rahe. isi din shvet vastra dharn kar purvabhimukh hokar mukta mala se unke ‘‘¬ ain vad vad vagvadini svaha’’ mantra ka kam se kam das mala jap avashya karna chahie. jap ke pashchat dashansh havan kar punah sarasvati ji ko pranam nivedn karke kahen ki he bhagvti man tumhin smaran shakti, gyan shakti, buddhi shakti, pratibha shakti aur kalpana shakti svarupini ho, tumhare bina ganit vidya ke parkhi bhi kisi prakar ke vishay ki ganna karne men samarth nahin hain evan mata ap kalgnna ki sankhya svarupini ho ataev tumhen baranbar pranam karte hain. pujan karm ke ant men yah prarthana karen. sarasvati mahabhage vidye kaml lochne. vidyarupe vishalakshi vidya dehi namostute.. vinadhre vipul mangal danshile. bhakrtairtanashini viranchi harish bandhe.. kirti prade'khil manorath de maharhe. vidya pradayini sarasvati naumi nityam.. tvaya bina prasankhya vansankhyan kartu n shakyate. kalsankhya svarupa ya tasyai devyai namo namah.. basant panchmi ka parva shankar parvati se bhi jura hai. is varsh yah parva dinank 12-2-2016 shukravar ko para hai. atah rudraksh isi din dharan kiya jata hai. vidya prapti ke nimitt chah mukhi shivafal dharn karna chahie. yadi vidyarthi ka man parhai se vichlit hone lage to ekagrata barhane ke lie chah mukhi ke sath-sath do mukhi rudraksh bhi kale reshmi dhage men pirokar dayin bhuja ya kanth men dharan kar lena chahie. yahan ek siddh yantra ankit hai jo vidya varidhi varan suyantram ke nam se jana jata hai. is yantra ko anar ki kalam se asht gandh ki syahi se bhojapatra par shubh muhurta men likhakar dharan karte hain. jo bachche parhai men kamjor hon ya jinhen koi vishay kathin pratit hota ho, unhen is yantra ko sadaiv apne pas rakhna chahie. is yantra ko vidya ki abhivriddhi evan gyan ke sanvardhan ke liye prayog men late hain. is yantra ko sarasvati jayanti ke din taiyar kar dharan karne ka ati vishisht mahatva hai. dharanakarta par bhagvti sarasvati ki vishesh kripa hoti hai. jivan ke din ek se, sabko milt saman. ‘madn’ hue vidvan koi, koi hue murkh mahan.. chaibis ghanton ki ghari sabke lie saman rup se chalti hai. sabhi ke lie din ka samay chaibis ghante ka hi hota hai. fir bhi koi to vidvan ban jata hai aur koi murkha hi rah jata hai. sabhi vidyavan banen, sabhi vidvan aur sadguni banen. koi murkh n rahe, sabhi ko vidya ki devi sarasvati vidya ka vardan den, islie ata hai sarasvati ko prasanna karne ka parva, unki puja upasna karne ka mahaparva, unki jayanti ka parva arthat magh sudi panchmi ka din basant panchmi- akshararanbh muhurt ka sarvashreshth din. koi bhi karya aranbh karne ke lie jyotish ke anusar shubh muhurton ka vichar karna avashyak hota hai taki praranbh kie gae karya men saflta prapt ho sake. akshararanbh muhurt arthat chote bachchon ko ‘‘ga’’ ganesh ka likhna aranbh karne ka muhurt. akshararanbh shubh din, tithi, lagnadi nimnanusar hote hain. is muhurt ko patti pujan muhurt bhi kahte hain. shubh din: somvar, budhvar, guruvar aur shukravar. inmen guruvar ka din sarvottam mana jata hai. shubh tithi: dvitiya, tritiya, panchmi, dashmi, ekadshi aur dvadshi. shukla paksh ki in tithiyon men akshararanbh atyant mana jata hai. shubh lagna: mesh, kark, tula evan makar ko chor anya lagn shubh hain. shubh nakshatra: ashvini, adrra, punarvasu, pushya, hast, chitra, svati, anuradha, shravan aur revti. janm se samanyatya 5ven varsh aur surya ke uttarayan hone par shri ganesh, sarasvati, lakshmi evam vishnu ka pujan kar ashubh yog aur bhadra ko chorakar upar varnit tithi, var, lagn aur nakshatra akshararanbh ke lie shubh hote hain. vinapani sarasvati, hans vahini anb. kala gyan vigyan ki, tu janni avlanb..
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.