आप और आपका करियर चयन

ap aur apka kariyar chayn  

Ank ke aur Lekh | Sambandhit Lekh | Views : 2255 |  
achcha aur safal kariyar kaun nahin chahta. iske lie jaruri hai apne vyaktitva ko dhyan men rakhakar hi kariyar ka chunav kiya jay kyonki kshetra to sabhi achche hote hain. kintu sabhi ke bhinn svabhav ke karan sabki pasand aur akankshaon men fark hota hai. aj ke is lekh men ham sabhi rashi/lagnon ke svabhav aur pratibha ko dhyan men rakhakar vibhinn kariyar vikalpon par bat karenge. to aiye jante hain ki apka lagna/rashi kis kariyar ka fevar karti hai aur apke lie sabse achcha profeshan kya ho sakta hai. mesh: ap ek tej-tarrar, chust aur urjavan mahila hain. islie apki sahsi karyon men kafi ruchi hoti hai. pulis, militri, khelkud, parvatarohan evan samudri gotakhori ityadi karya apke harfnmaula vyaktitva par sut karne vale uttam kariyar hain. apke andar turant nirnay lene aur netritva ki adbhut shakti hoti hai. islie apke lie prabandhkiya pad, vyavasthapak aur prashasnik seva adi profeshan fit hain. vrish: ap svabhav se hi mehnti aur sahnshil hoti hain aur islie shanti se karya karne men vishvas rakhti hain. ap rat-din lagakar kolhu ke bail ki tarah karya karne ki kshamata se nipun hain. shukra ki lagn rashi hone ke karan ap kalatmak karya jaise intiriyar dijaining, faishan dijaining, jvelri dijaining men ruchi rakhti hain. apke lie achche kariyar vikalp men enkring, nyuj riding, planar, arkitekt, sangit, sinema se jure profeshan sammilit hain. is tarah ke kariyar men apko khub saflta mil sakti hai. 3. mithun: ap bahut achchi kamyunikeshan skil se nipun hoti hain aur apki vishleshnatmak soch apko bahut achchi naukri pradan karti hai. is karan apko ganit, ekaunt, chartard ekauntent, kanuni salahkar, madhyasth, ejent, tredar jaise karyon men shirgh saflta prapt hoti hai. adhikatar ap kailkuletiv hoti hain. choti se choti jagah men farnichar planing aur dijaining ka karya bhi apke hi bas ki bat hai. karka: ap sanvednshil, pratah smaraniya, sabka bhala chahne vali stri hain aur apka yahi gun apko janta, samaj aur apke milne-julne vale mitron, rishtedaron men lokapriya banata hai. apko aise karyon men achchi saflta prapt hoti hai jismen logon ki ek bari bhumika rahe jaise neta, pablik vakta, samaj sudharak, kaentraiktar, prashasak, jaj ityadi. apni adbhut kalpanik kshamata ke karan ap ek achchi manovishleshak aur lekhika bhi ban sakti hain. sinh: apki rajsik pravritti hoti hai. apki lagna/rashi ka svami surya sabhi rashiyon ke raja hain islie ap men sarvadhik prabhutva shakti hoti hai. apke andar kisi vyavastha, sanstha ya vibhag ka prashasan chalane ki kshamata hoti hai. ap chote karya karna pasand nahin kartin balki bare aur chailenjing karya karna pasand karti hain. kintu ek bar karya hath men le len to use saflta purvak sanpadit kar deti hain. apko koshish karke svatantra vyavsay hi karna chahie. si. i. o., prabandhkiya pad, uchch sarkari naukri bhi apke lie achche chunav hain. kanya: ap apne parfekshan aur har chij men bariki se karya karne ke lie jani jati hain. ap men prabandhan kaushal vishesh hota hai. lekhan, shodh, sankhyiki, anuvadak, sanpadak jaise kariyar vikalp apki vishleshak buddhi ke sang khub mel khate hain. ai. e. es., ai. pi. es. men nirnay lene ka gun aur vakpatuta ke karan ekaunt, lae aur em. bi. e. jaisi yogyata apke lie achchi vikalp rahegi. ap jyada naukri men santusht rahti hain. tula: shukra pradhanta ke karan ap rasik mijaj ki mahila hoti hain aur apke vyaktitva ka mukhya gun santulan hota hai. jivan ke aranbh men apko kalatmak aur glaimaras kariyar chunne ka bahut man rahta hai. parantu age chalakar ap rajnaitik gatividhiyon se bhi jur sakti hain. apki koaepretiv aur soshal pravritti apko sabhi kshetron men saflta prapt karane men sahayak hoti hai. fir bhi myujik, art aur ekting apke lie achche vikalp hain. ap achchi jaj, vakil aur vartakar bhi ban sakti hain. vrishchik: ap kathin mehanat se karya karne vali aur uchchastariya soch vali stri hain. apka dhyan aur ekagrata shakti anya sabhi rashiyon men adhikatam hota hai. rahasyamay aur risarch oriented svabhav ke karan apki ruchi anveshan karya, vigyan sanbandhi risarch, takniki, kampyutar, shalya chikitsa, vakalat jaise profeshan men rahti he. madhur aur keyring svabhav ke karan ap vyavsay men bhi ek bara kastamar bes khara karne men saksham hoti hain. kala, vigyan, ditektiv, risarch adi apke lie ati uttam profeshan hain. dhanu: ap men bhavnaon ka vedh bahut tivra hota hai. sarvadhik nishchay kshamata aur drirh atma-vishvas se bhari apki soch apko dharm ka gyan aur adhyatmikta se jura hua kariyar purn karne ko protsahit karti hai. apke lie vakil, profesar, samaj sudharak, jaj, patrakar, vaigyanik, pablik rileshan, prashasnik uttaradayitva vale profeshan achche hain. dharm se jure aur samajik kalyan ke karyon men apki vishesh ruchi rahti hai. janvron ke lie bhi hriday se karya karna achcha lagta hai. gyan ikattha karne ke shauk ke karan jivan men uchch pad prapt karti hain. makr: ap behad mahatvakankshi hoti hain aur chunautiyon men apko maja ata hai. kari mehanat ke mahatva ko samjhti hain aur apka lakshya sadaiv apke mastishk men sadha rahta hai. apni vyavhar kushlta ke bal par ap shighra hi unchai par pahunchti hain kyonki ap karya karne aur karvane donon men mahir hoti hain. kushal vyapari, neta, bainkar, ekauntent, indhan kanpni men, medisin aur sains se sanbandhit is tarah ke kshetra apke lie achche hain. kunbh: ap siddhantvadi aur manvtavadi drishtikon vali mahila hain. apka dimag rachnatmak aur risarch sanbandhi kamon men hota hai. adhyapak, samaj kalyan, en. ji. o., varkar, myujishiyan apke lie achche kariyar chunav hain. shani ka lagna/rashi hone ke karan vaigyanik aur takniki kshetron men bhi achcha karte payi jati hain jaise saintist, khoji, estronomar, jaivikiya kisan adi. apke hriday men kuch alag hat kar karne ki chahat bani rahti hai. min: chanchal, kalpanik kshamata aur bhavuk svabhav se bhara apka vyaktitva apki kalpanik aur parlaukik rahasyon men ruchi jagata hai. ap kalatmak kshetra jaise myujik, art men achcha karti hain. sath hi manvta bhav ke karan ap nars, manovaigyanik, jyotish, lekhan, adhyayan, adhyapan aur samajik karya se jurna pasand karti hain. heyar stailist aur mekap artist bhi apke lie achchi pasand hai. 
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.