विद्या बाधा निवारण के टोटके

vidya badha nivaran ke totke  

Ank ke aur Lekh | Sambandhit Lekh | Views : 2449 |  
vidya men badha utpann hona ek ganbhir vishay hai. vidya ke abhav se aj kisi bhi vyakti dvara jivan ko thik prakar se ji pana asanbhav hai. pratyek karya men kisi n kisi grah evan bhav ki bhumika hoti hai. vidya ke lie jyotishiya adhar par nimn karak hain: 1. pancham bhav evan panchmesh 2. navam bhav evan navmesh 3. vidya ka mukhya karak dev guru brihaspati tatha dvitiya bhav evan uska svami. jyotish ka ek samanya niyam hai ki kisi bhi bhav ka svami yadi vyay bhav men jayega to jis bhav ka vah grah svami hota hai us bhav ke karak falon men kami ayegi. jaise dhan bhav ka svami yadi dvadsh bhav men baithe to jatak ka dhan adhik kharch hoga. parantu pancham bhav arthat vidya par uprokt niyam lagu nahin hota kyonki vidya bantne se barhti hai. vidya pane men yadi badhaen ati hain to uske nivaran ke nimnalikhit upay hain: 1. yah upay basant panchmi ko hi ho sakta hai. is din pratah snan ke bad pile vastra pahnen. nikat ke man sarasvati ki puja karen tatha shuddh ghi ka dipak jalayen tatha man hi man vidya badha dur karne ki prarthana karen. sath hi hari ilaychi ka jora do pili chunri do abhimantrit gomti chakra man ke charnane men rakhane. fir durga chalisa aur sarasvati chalisa ka path karen. donon gomti chakra utha kar ghar le ayen aur pile vastra men bandh kar adhyayan kaksh ke dvar par bandh den ya adhyayan karne vali mej men rakh den tatha roj dhup-batti dikhayen. isse nishchit labh milega. 2. uttara-pashchim kone men parhai na karen. tebal ka mukh purva ya uttara disha ki or ho. pustak ishan kon men rakhen. bachchon ke kamre ka dvar sirhiyon ya shauchalay ke sammukh n ho. parhte samay bachchon ka mukh uttar ya purva disha men hona chahiye. unke kamre men vyarth ka samna kura kabar adi nahin hona chahiye. 3. shuklapaksh ki prathma se shuru karke navmi ko yah upay samapt karna chahiye. jise yah badha ho vah nikt ke kisi mata ke mandir men jakr shuddh ghi ka dipak aur dhup jala kar koi pili mithai evan sabudane ki khir ka bhog lagaye. yah nau din tak karna hai. apni badha dur karne ka nivedan karna hai. prathm din thore gehun, dvitiya din chane ki dal, tisre din kesar, chaithe din mishri, panchven din hari ilachyi ka jora, chathe din fir mishri, satvane din bhi mishri v chaval, athven din kale til tatha naven din thori si pili sarsane man ke charnon men arpit karen. koi chalisa mata ka karen. navin tithi ko 9 varsh ya isse kam ayu ki kanya ko bhojan karayen tatha kuch dakshina bhi den. isse vidya ki badha dur hogi. 4. pratyek guruvar ko ghi ka dipk jalaen aur jal se sinche. gili mitti ka tilak lagayen. gay ko ate ke pere men gur aur chane ki dal dal kar khilayen. 5. guruvar ko mandir men jakr dharmik pustaken aur kalam dan karen. 6. vidyarthi apne janm din par nirdhana vidyarthi ko apni pustak dan karen. 7. vidya badha dur karne ke liye tin shanivar sava mitar kala kapra aur sava mitar, nila vastra, ek jata vala nariyal, kala urad, 800 gram kachcha koyla, kale til, jau, ek range ka tukra, ek bari kil jiske sire chune se range hane. in sabki potli banakar svayan ke sir se sat bar utarakar jal men pravahit karen, badhayen dur hongi. 8. apni tebal par man sarasvati ka foto rakhen. unke samne ek pen hamesha para rahe aur is pen ka prayog karke fir vahin rakh den. 9. shuklapaksh ke pratham guruvar ko kisi pipal ke vriksh ka pile chandn se tilak karen. thora kachcha dudh vriksha ki mitti men dalen aur gili mitti ka apne mastak men tilak kar ke pranam karen. 10. panch gomti chakra pile vastra men bandh kar apni tebal par sarasvati ji ki foto ke age rakhen. har prakar ki badha dur ho jayegi. 11. jatak ke kamre ka pravesh dvar uttar ya purva disha men ho. sone ka vistar nairritya kon men ho. balk apna sir purva men bhi rakh sakta hai. ishan kon aur brahm sthan saf ho. vahan bevajah ka saman n ho.. bim ke niche n baithen. ho sake to kamre men halke hare rang ka pent karvayen.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.