वास्तु सिद्धांत तथा उनकी वैज्ञानिक कार्यप्रणाली

vastu siddhant tatha unki vaigyanik karyapranali  

Ank ke aur Lekh | Sambandhit Lekh | Views : 1474 |  
vastu shastra ka vaigyanik aur adhyatmik adhar hai. jis prakar hamara sharir panchmhabhuton se mil kar bana hai usi prakar kisi bhi bhavan ke nirman men panch mahabhuton ka paryapt dhyan rakha jae to bhavan men rahne vale sukh se rahenge. vastu shastra jivan ke santulan ka pratipadan karta hai vastu prithvi, jal, vayu, akash aur agni in panch tatvon se bana hai jivdhariyon ko nimnalikhit baten sarvadhik prabhavit karti hain. jiski talika is prakar hai. in panch tatvon ka saman mishran hai. inke sahi mishran se manushya ko dharm aur eshvarya ki prapti hoti hai. adhunik vigyan ka adhar vaidik gyan bhi hai. jo sanpurn vishva men vyapt hai. vastu ka mulbhut siddhant hai- prakriti ke sthul aur sukshm prabhavon ko manav matra ke anurup prayog men lana. koi bhi nirman prakriya is prakar ho ki vahan rahne vale vyaktiyon ki daivik, bhautik, adhyatmik unnati men sahayak ho jo bhi nirman karya ho in panch tatvon ke anukul ho jisse manav ki vichar shakti, karya shakti sahaj hi santulit rup se karya karane anyatha in shaktiyon ke asantulan hone se manushya ke pratyek kshetra men vishmtaen utpann ho jayengi. kyonki hamara sharir parmatma krit vastu hai. vastu shastra ke sanpurn gyan se dharm, arth, kam, moksh ki prapti hoti hai. in charon ki prapti hetu sharir ka svasth hona, man ka sthir hona evan buddhi ka nirmal hona jaruri hai. aisa tabhi sanbhav hai jabki manav jahan vas karta hai prakritik urjaon ko dhyan men rakhte hue nirmit kiye karya ho samast prani prakriti men ritiyon ke parivartan evan paryavaran santulan ke banne bigrne se prabhavit hote hain. yah satya hai ki pratyek prani apni suraksha hetu ek ashray ka nirman karta hai. jalachar, thalachar apni-apni suvidhaon ke anusar parivartan kar lete hain. panch tatvon se manav sharir bana hai aur panch tatva men hi mil jata hai. akash$agni$vayu$jl$prithvi = nirman prakriya sharir = vayu- jal- agni-prithvi-akash-vidhvans mastak men akash kandhon men agni nabhi men vayu ghutnon men prithvi pairon men jal adi ka nivas hai. atma-parmatma donon nirakar hai. donon ko mahsus kiya jata hai. isliye jab sharir se vayu nikal jati hai aur surya men vilin ho jati hai tab sharir ka pranant ho jata hai. islie surya hi samast bhulokon, jivon, per paudhon ka adhar hai arthat surya hi samast prani jagat ke pranon ka srot hai. yahi surya jab uday hota hai tab sanpurn sharir men pranign ka sanchar hota hai. surya purva se uday hota hai aur pashchim men ast hota hai. isliye bhavan nirman prakriya men dishaon ka sthan pramukh hai. vaigyanik pranali dvara bhavan nirman men surya urja, vayu urja, chandrama urja, adi ke prithvi par prabhav pramukh paye jate hain. yadi is prakar manushya makan banaye jo prakritik prakriya ke anurup ho to pradushan ki samasya kafi had tak dur ki ja sakti hai. vaigyanik drishtikon se purva men uday hone vale surya ki kirnon ka prakash bhavan ke pratyek bhag par is prakar pare ki manushya sanpurn urja prapt kar sake. pratah kalin surya ki urja men vitamin di’ ki adhik matra pai jati hai. jiska prabhav rakt ke madhyam se hamare sharir par parta hai. is prakar madhyan ke pashchat, surya ki kirne sharir par kharab prabhav dalti hai. bhavan nirman karte samay yah dhyan rakhe ki madhyan ki surya ki kirnon ka prabhav sharir evan makan par kam se kam pare. vastu siddhant ke anusar dakshin-pashchim bhag anupat men bhavan nirman karte samay uttara-purva ki satah nichi rakhi jati hai. kyonki pratahkalin surya ki kirnon men vitamin di evan e rahte hanai. jo svasthya vardhak hain. yadi purva ke kshetra pashchim ke kshetra se nicha rahega to usha kalin surya ki kirnon ka labh bhavan ko pura din milega. vaigyanik rup se yah siddh hai ki prithvi ek chunbkiya pind hai. sabhi jar chetan vastuen prithvi ke gurutvakarshan se prabhavit hote hain. hamara sharir bhi chunbkiya hai aur prithvi ke is akarshan se vastu ke siddhant ke karan yah kaha jata hai ki sir dakshin ki or karke sona chahie. kyonki sote samay hamara sharir adhik se adhik shakti grahan karta hai. jal tatva ka bhi mahatvapurn sthan hai. is ka sanbandh svad, drishti shravan indriyon se hai manav sharir ka 70 pratishat bhag jal ke rup men aur prithvi ka do tihai bhag jal se purn hai. kuen, talab, haindpanp ki khudai kis disha men honi chahie. pani ki disha ka ghar men srot kahan ho. sahi disha men ghar men khushhali rahti hai. vayu: sabhi prani vayu se jivan prapt karte hain. sanpurn prithvi par vayumandal men naitrojan 78 pratishat, aksijan 21 pratishat ki matra hai. jal tatva aur vayu tatva men maitri hai. vastu shastra men jivndayni vayu ke shubh prabhav ke liye darvaje, khidkiyan, baelkoni aur unchi divaron ko sahi sthan aur anupat men rakhna jaruri hai. per paudho ki bhumika bhi adhik mahatvapurn hoti hai. akash: yah anant aur asim hai iska sanbandh hamari shravan shakti se hai. divar ki unchai se hamen akash tatva ka bodh hota hai. yadi makan ki divaren choti hongi to usme ghutan hogi tatha usse sharir men akash tatva ka vikas ruk jayega. iska vishesh dhyan rakhna chahie. dakshin ke kamron ki divaren purva ki apeksha bari honi chahiye. yadi in vastu siddhanton aur unki vaigyanik karyapranali ko apnaya jaye to har prakar se sharirik sukh tatha sanpannata rahti hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2011

vastu shastra bharat ki ek prachin gudh vidya hai. vastu shastra ka adhar manav jivan men santulan ka pratipadan karna hai. vastu ka mulbhut siddhant prakriti ke sukshm evan sthul prabhavon ko manav matra ke anurup prayog men lana hai.

Subscribe

Apne vichar vyakt karein

blog comments powered by Disqus
.