घर की समृद्धि एक लिए पायरा वास्तु उपाय

ghar ki samriddhi ek lie payra vastu upay  

Ank ke aur Lekh | Sambandhit Lekh | Views : 6308 |  
ghar ki samriddhi ke lie payra vastu upay pro. dae. jiten bhatt payra vastu ek adbhut vyavharik vigyan hai jismen agyabaddh piramid yantron ke sahi sthapan matra se atma, man v parivesh ke madhya sanpurn samanjasya sthapit kar uttam svasthya, prasannata evan samriddhi prapt ki ja sakti hai. urja ko apne anukul banane ki yah vidhi bahut upyogi hai. kisi ghar, dukan, faiktri ke bhautik dhanche ko tore-fore ya nuksan pahunchae bina vastu aur fengshui doshon ko iske dvara dur kiya ja sakta hai. payra vastu purva agyabaddh piramid yantra ki sahayta se kendra star par sudhar ke dvara samanjasya aur santulan sthapit karne vala shaktishali vigyan hai. yah brahmand ke niyamon aur sukshm sharir rachna ke pramukh siddhanton par adharit hai. yahan ham apne kendra men chipi hui kshamataon ka upyog apne ujjval bhavishya ke lie karte hain. payra vastu, vastu aur fengshui ka purak hai par iski gatishil kriya thik dusre chor se praranbh hoti hai. yah nirog hone ke lie dava aur dhyan donon karne ke saman hai. payra vastu ka pratham siddh ant hai ki padarth se upar man hai. jis tarah urja padarth se adhik shaktishali hai usi tarah man sharir se adhik shaktishali hai. usi tarah yantra nirman se aur kendra yantra se adhik shaktishali hai. adhar: sukshm star par kam karne ke lie hamen sukshm rachna ki achchi tarah jankari honi chahie. in kriyaon ke madhyam se prapt urjaon se hi hamen jagat ki anubhuti hoti hai. shuddh tatva shiv aur shakti ke rup men vibhajit hai, jo kamna, gyan aur kriya ki tin shaktiyon se sanvad karta hai jo brahmandiya prakriya ke mukhya kriyashil bindu hain. uske bad mansik tatva ata hai jise maya shakti kahte hain. vah panch vargon men vibhajit hai - kala, vidya, rag, kal aur niyati. ye panch hamare gyan par parda dalte hue sachchai ko dhak dete hain. iske bad bhautik tatva hai jo purush aur prakriti arthat nar nari ke rup men vibhakt hai. prakriti ke tin rup hain - satva, rajas aur tamas jo age mastishk ke tin bhag, 5 gyanendriyon, 5 karmendriyon, 5 sukshm aur 5 sthul tatvon men vibhajit hain. pramukh siddhant: payra vastu pramukhtah fa-ma se sanbandhit hai jo drirh ichcha shakti aur shuddh prem ya dusre shabdon men man aur bhavnaon par adharit hai. sath hi 5 sukshm aur 5 sthul tatva aur unke antrik sanbandh paraspar bhumika ada karte hain. payra agni: anadi kal se hinduon tatha anya dharmon men agni ko pavitra mana gaya hai. yah dharmik karyon ka abhinn ang hai. agni se samanjasya sthapit karne ki kriya payra vastu ke lie adharbhut avashyakta hai. payra agni karne ki paddhati bahut hi mahatvapurn hai kyonki isse akash men sthit pratyek kan aur anu men samanvit jagrukta srijit hoti hai jahan yah karya hota hai. yah kriya prativarsh, pratimah, pratisaptah ya pratidin bhi ki ja sakti hai. yadi ap payra agni ko pure dharmik bhav se karte hain to payra vastu ka ek mukhya karya pura ho jata hai. brahm sthal ke lie payra vastu: payra vastu men brahm sthal ka vishesh mahatva hai. madhya se jane vali urja rekhaen bhi saman rup se mahatvapurn hoti hain. prachin samay men log brahm sthal ke mahatva ko jante the aur islie ghar ke madhya men tulsi paudha ya pujagrih banate the. pratidin pratah madhya bhag ko urjit karne ke lie tulsi ki puja ki jati thi. atah ise kriyashil karna bahut avashyak hai. isi tarah payra vastu men yah vishvas kiya jata hai ki yadi brahmasthal ko kil, khunti, khanbhen, bhari vastu adi se chot pahunchai jae to grihasvami ko kasht pahunch sakta hai. islie brahmasthal ko thik se surakshit aur sakriya rakhna nitant avashyak hai. kya karen yadi divar, sirhi ya shauchalay brahmasthal men ho ? ek sarvekshan ke anusar 60 pratishat chote gharon men ye char vastu dosh prayah pae jate hain. kato aur dur karo taknik se in doshon ko bahut sarlta se dur kar sakte hain. pahle brahmasthal pata kar len aur yadi vahan divar, sirhi, shauchalay ya khanbha ho to nimn tarika apnakar unhen dur karen. brahm sthal men divar: aisa prayah hota hai ki brahm sthal par kamre ki divar ya koi bhari vastu ho. ise vahan se hatana hai. yadi vah koi vastu ho to ap use hata sakte hain. parantu ek divar ko gunatmak rup se hi hatana hoga. divar par 3 maltiyar piramid yantra lagaen ya madhya men enarji plet tatha konon par char payra kon chitra 2 ke anusar laga sakte hain. brahmasthal par bhari khanbha: payra vastu ke anusar brahmasthal par khanbha nuksandeh hota hai. is samasya ke do hal hain. pahla yah hai ki khanbhe ke charon or ya jamin ya chat par maltiyar piramid yantra lagaen dusra aur behatar hal yah hai ki makan ki siling men payra strip lagakar use do bhagon men bant den aur donon ke brahmasthal ko alag alag urjit karen. brahm sthal men sirhi: yadi sirhi gol hai to uske charon or 8 piramid yantra chitra 5 ke anusar lagaen. ye farsh ke niche ya upar siling par lagae ja sakte hain. yadi farsh ke niche piramid yantra lagana sanbhav ho to siling men payra patti laga kar ap use alag kar sakte hain. brahm sthal men shauchaly: yah bahut hi ganbhir dosh hai atah yadi sanbhav ho to shauchalay ko brahmasthal se hata dena chahie. yadi yah sanbhav nahin ho to shauchalay ki bahri divar par 3 piramid yantra is tarah lagaen ki jis or shauchalay ko gunatmak rup se hatana hai uske dusri or unke shirsh bindu rahane jaisa ki chitra 7 men darshaya gaya hai. sabhi piramid yantra uttar ki or shirsh bindu rakhte hue lagaen taki vah dakshin ki or hat sake. payra strip se prabhavatmak rup se vibhajit karna bhi iska ek upay hai. mukhya dvar aur sima dvar ka payra vastu: payra vastu men mukhya dvar ya mukhya sima dvar ka vishesh mahatva hai. shubh parinam pane ke lie dvar niche die gae chitra ke anusar sahi sthan par hona chahie. yadi apka mukhya dvar sahi sthan par nahin hai to uska sudhar piramid yantra dva ara dvar ko urjit kar, ya piramid yantra lagakar dvar ko prabhavatmak rup se sahi sthan par hatakar kiya ja sakta hai. bhagya vriddhi ke lie dva ar urjit karna: mukhya dvar ko kriyashil aur urjit rakhna avashyak hai. pahle ise shubh-labh, ghore ki nal ya pravesh par rangoli adi se urjit kiya jata tha. par ab shighra kriyashil, vaigyanik hal ke lie piramid ka upyog kiya jata hai. ap apne dvar par tin piramid yantra lagakar use urjit kar sakte hain -chitra ke anusar ek dvar ke upar aur ek-ek donon taraf. yah sabse achchi sthiti hai par yadi apke dvar ke upar ya donon taraf ise lagane ke lie jagah nahin hai to inhen siling ya baju ki divar par bhi laga sakte hain. aur adhik achche parinam ke lie bimor 9ga9 hai. (bimor men 9 kamlyukt urja pleten hoti hain.) inhen apni ichcha ya vishesh karya hetu bhi kriyabaddh kiya ja sakta hai. rasoi ghar ka payra vastu ah parivar ke svasthya ki drishti se rasoi ghar ka sthan mahatvapurn hai. atah use ghar ya restorent men agney kone men hona chahie. agney arthat dakshin-purva disha. rasoi ghar ke dvar ke samne shauchaly: yadi rasoi ghar ka dva ar shauchalay ke samne ho to usse rasoi ghar men nakaratmak urja ati hai jo apke svasthya ko buri tarah prabhavit karti hai. is nakaratmak pravah ko rokne ke lie apko siling men niche ki or shirsh bindu rakhakar donon dvaron ke bich piramid yantra lagakar ek prabhavatmak vibhajan karna hoga. is vibhajan ke lie payra strip ka upyog kiya ja sakta hai. dakshinabhimukh hokar rasoi pakana: ann ka prabhav ham par purn rupen parta hai. atah rasoi ghar tatha rasoi banane vale ke madhya purn samanjasya hona avashyak hai. rasoi ghar dakshin purva disha men hona chahie kintu banane vale ka mukh dakshin disha ki or nahin hona chahie. agar yah iske viprit hai to chitra men darshae gae tarike se dakshin divar par piramid yantra lagaen ya enarji 9ga9 plet lagaen. agni aur jal ka sangharsh ah yah do viprit tatvon ka sangharsh hai jo parivar men jhagra karata hai. samanyatah agni aur jal ek hi pletfarm par hote hain ya rasoi ke turant bad dhone ka sthan ya pani ki tanki hoti hai. aisi sthiti men ap unhen piramid yantra ya piramid strip se alag kar sakte hain. shayan kaksh ke lie payra vastu: shayanakaksh vah sthan hai jahan ap apne jivan ka ek tihai samay gujarte hain. islie vah sahi sthan arthat dakshin-pashchim men hona chahie. yadi nahin hai to use prabhavatmak (gunatmaka) rup se vahan karna chahie. shayan kaksh achchi tarah sanchalit ho tatha uski akriti, divaren kam se kam terhi hon. shayan kaksh vyavasthit tatha svachch ho. kya karen yadi shayan kaksh dakshin-pashchim (nairritya) men nahin ho? shayan kaksh a ai r vish e sh a kar grihasvami ka shayan kaksh dakshin-pashchim men hona chahie par yadi vah chitra ke anusar uttara-purva (ishan) men ho to use dakshin aur pashchim ki donon divaron par 3-3 maltiyar piramid yantra lagakar sahi sthan par hatana hoga. yadi shayan kaksh ke sath shauchalay ho to kya karen? shayan kaksh shauchalay se alag hona chahie. par yadi sata ho to use protekt dor bend ya payra strip lagakar shauchalay se alag karna chahie. shauchalay ke andar kabhi bhi piramid yantra nahin lagana chahie. kya darpan bhi kashtakarak ho sakta hai? han, yadi vah bayin or khulta ho. vishesh kar shayanakaksh ke ve sabhi darpan jo sone ke samay samne parte hon, sharir men dard aur kai bimariyon ke karan bante hain. iska hal yahi hai ki sote samay darpan ko dhak den ya us par parda laga den aur usmen santulan ke lie 9 piramid chips lagaen. kya hoga yadi dvar ke samne palang ho? darvaje ke samne palang nahin rakhna chahie. dvar se nirantar pravhman urja vyakti ke svasthya ko prabhavit karti hai. sote samay darvaja band kar den athva palang ko tin protekt insaid se surakshit kar den. kya palang par chat ka jhukav aur bim tanav dete hain? chat ka dhal uttar (niche) ki or se dakshin (unche) ki or ya purva se pashchim ki or hona chahie. yadi vah ulta hai ya unchai men kam hai to vah vyakti ko tanavagrast banata hai. jahan chat nichi ho vahan divar par ya palang ke niche 3 piramid yantra lagaen. yadi ap bim ke niche sote hon to 3$3 piramid yantra divar par bim men niche lagaen taki nakaratmak prabhav kam ho sake. balkni aur khuli chat: vastu ke anusar balkni ya khuli chat ka uttar ya purva disha men hona uttam hai magar uttara-purva kone vali (ishan) disha men unki sthiti sarvottam rahti hai. yadi balkni dakshin pashchim ya pashchim men ho to sthapit kshetra ki bhitri divar par payra strip lagakar use alag kar sakte hain. piramid yantra lagane ke lie donon or chipkne vala tep ya pital ke skru lagaen. lohe ki kilen varjit hanai. agar jagah bari ho to payra strip 3 ke gunank men donon or laga sakte hain. besment: besment kisi bhavan, dukan ya karkhane ke uttar aur purva disha men hona chahie n ki dakshin aur pashchim men. iska upyukt sthan uttara-purva (ishan) hai. yadi chitra ke anusar besment dakshin ya pashchim men ho to besment men udhrva urja pravah paddhati ke anurup charon konon aur brahmasthal par maltiyar ya maiks lagaen. gairij aur sevak kaksha: naukron ka kamra v vahan kaksh uttara-purva men nahin hone chahie. lekin yadi ye in dishaon men sthit hon aur inhen sahi disha men lana san. bhav nahin hai to maltiyar ya maiks se unhen prabhavatmak rup se shift kar sakte hain. jaisa ki chitra men dikhaya gaya hai uske anusar bahri divar par piramid lagaen. shauchaly: snangrih aur shauchalay ka upyukt sthan dakshin
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2007

grih vastu ke niyam evan upay, uddhogon men vastu niyamon ka upyog, vastu dvara mandir men adhyatam vriddhi, shahri vikas evan vastu, piramid evan vastu, aspatal, sinema ghar evan hotal ke vastu niyam, vastu men jal urja ka sthan

Subscribe

Apne vichar vyakt karein

blog comments powered by Disqus
.