दीपावली और लक्ष्मी साधना

dipavli aur lakshmi sadhna  

Ank ke aur Lekh | Sambandhit Lekh | Views : 3454 |  
dipavli aur lakshmi sadhna gopal raju dipavli par lakshmi pujan karke dhan-samriddhi pane ki kamna kai prakar se ki ja sakti hai. sabse achcha yah hai ki ap us vidhi ko apnaen jise karne men ap ko suvidha ho. shraddhapurvak kisi bhi vidhi se puja karke shrilakshmi ko sahaj hi prasann kiya ja sakta hai. dipavli men lakshmi pujan ka mahatva tatra shastra tatha anek dharmik granthon men dipavli parva par lakshmi sadhna ke anek upay batae gae hain. lakshmi pujan ka is parva par vishesh mahatva hai. sadhak is parva par pujadi karke lakshmi ji ki kripa pane ka upakram karte hain. kartik amavasya ko bhagvti mahalakshmi vishva bhraman par bhagvan vishnu ke sath niklti hain. us dauran ve jahan apni puja-upasna hote dekhti hain, vahan nivas karne lagti hain. ‘rudrayamal tantra’ men likha hai ki jab surya aur chandra tula rashi men gocharavash bhraman karte hain, tab lakshmi sadhna karne se dhan-dhanya ki prapti hoti hai. ‘shakti sangam tantra’ ke kali khand men anek vishisht kalon ka varnan milta hai, jab lakshmi ji ki kripa pane ke upay kie jate hain, parantu unmen dipavli ki kalratri ko vishesh rup se lakshmi sadhna ke lie prabhavshali bataya gaya hai. shrividyarnav tantra men kal ratri ko ek mahashakti mana gaya hai. kal ratri matrikaon ka bhi is granth men ullekh milta hai. kalratri shakti ko shri vidya ka ang kaha gaya hai. shri vidya ki upasna se sukh, saubhagya aur samriddhi ki prapti svatah hi hone lagti hai. mantra shastra men ise ganeshvari kaha gaya hai, jo riddhi-siddhidatri hai. ‘mantra mahoddhi’ mane inka bakhan is prakar kiya gaya hai, ‘udiyaman surya jaisi abha vali, bikhre hue balon vali, kale vastron vali, trinetri, charon hathon men dand, ling, var tatha bhuvan ko dharan karne vali, abhushnon se sushobhit, prasann vadna, dev ganon se sevit tatha kamvan se viksit sharir vali mayaratri kalratri ka dhyan karta hun.’ ‘muhurt chintamni’ tatha anya jyotish granthon men is ratri ke mahatva ka varnan is prakar hai- ‘dipavli ki ratri ko adha mahanisha kal kahte hain. us kal men aradhna, sadhna adi karne se akshay lakshmi ki prapti hoti hai. is kal men surya tatha chandra tula rashi men hote hain. is rashi ke svami shukra ko dhan-dhanya tatha aishvarya ka pratik mana gaya hai. kaise karen lakshmi pujan achaman aur pranayam karke daen hath men jal, kunkum, akshat tatha pushp lekar is prakar sankalp karen, ‘aj param manglkari kartik mas ki amavasya ko main (apna nam, upnam gotra bolen) chir lakshmi ki prapti, nitipurvak arth uparjan, sabhi kashton ko dur karne ki abhilasha ki purti tatha ayushya-arogya ki vriddhi ke sath rajya, vyapar, udyog adi men labh ke lie ganpti, navagrah, mahakali, mahalakshmi tatha mahasarasvati ka shraddhabhav se pujan karta hun.’ iske bad hath men li hui samagri dharti par chor kar tilak lagaen tatha kalava bandhen. ab ganpti bhagvan ka pujan karen. unhen snan karakar janeu, vastra, kalash, kunkum, kesar, akshat, pushp, gulal aur abir charhakar gur tatha laddu ka naivedya arpit karen. fir nimnokt mantra ka uchcharan karte hue dhyan karen- ganptye namah ekadantay vidmahe vakratunday dhimhi tanno danti prachodyat.. isi prakar navagrah ka dhyan karen- brahmamurristripurantakari bhanuah shashi bhumi suto budhashch gurushch shukrah shanirahu ketvah sarve grahaah shanti kara bhavantu.. ab mahalakshmi pujan ke lie chandi ka sikka thali men rakhen. avahan ke lie akshat arpit karen, jal se tin bar aghrya den aur snan karaen. fir dudh, dahi, ghi, shakkar tatha shahad se snan karakar punah shuddh jal se snan karaen. kalava, kesar, kunkum, akshat, pushp mala, gulal, abir, mehandi, haldi, kamalagatte tatha mishtann arpit karke ek sau ath bar ek-ek nam bolakar akshat charhaen. animne namah. laghimne namah. garimne namah. prakamye namah. prakamye namah. ishitayai namah . vashitayai namah . iske bad prasad svarup mishtann vitaran karke pan, supari, ilaychi fal charhaen aur prarthana karen- namastestu mahamaye shripithe sur pujite. shankh, chakra, gada haste mahalakshmi namo'stute.. apne ghar, karyasthal adi men nitya prayog men ane vale upkrnon, bahikhate, dayri, kalam adi men kalava bandhen tatha unhen pushp, akshat aur kunkum arpit karke ‘ mahakalyai namah. mantra ka uchcharan karen. fir ant men arti, pushpanjli arpit karke apne parijnon ko pranam karen, unka ashirvad len. puja men prayukt chandi ke sikke ko lal kapre men lapetakar puja sthal par rakh den. lakshmi prapti ke saralatam upay: mahanisha kal men apne ghar, dukan, faiktri ya uttara-purab disha men koi aisa pavitra sthan chun len, jahan anya koi saman n rakha ho. haldi se vahan svastik athva ganpti yantra banakar jal se bhara ek patra sthapit kar den. dharti se yah thora upar rahe to shuddhata ki drishti se aur bhi adhik achcha rahega. kalash par lal kapra lapetakar puja vala ek nariyal sidha karke sthapit kar den aur ise akshat, roli, chaval pushpadi se alankrit karen. nimn mantra ki gyarah mala jap karen. har bar jap se purva kalash ka jal badalakar nariyal punah sthapit kar diya karen. namo mani bhadray ayudh dharay mam lakshmi vanchitan puray puray ain hrin klin hyaun mani bhadray namah .. û dhan teras ko barahal (is fal ko kharal baral bhi kahte hain) kharidakar ghar le aen. yah fal yadi upalabdh n ho to kele ke kisi saghan vriksh ko chun len. isi din shukra ki hora men ukt fal athva kele ke vriksh ke tane men chaku se chirakar usmen thori si chandi daba den. divali ke din kisi sunar se is chandi ka apni anamika ya kanishthika ki nap ka challa banva len. fir ise kachche dudh tatha gangajal se dhokar divali men apne ghar men hone vali puja men rakh den. lakshmi-ganesh pujan ke sath-sath is challe ki bhi yatha bhav puja archana kar len aur ungli men dharan kar len. iske bad pratyek purnima ko ise gangajal tatha kachche dudh se pavitra karke punah dharan kar liya karen. lakshmi ji ki kripa pane ka yah ek achcha upakram siddh hoga. û chote-chote dakshinavarti shankh saste aur sarlta se mil jate hain. aise 18 shankh dipavli se pahle juta len. fir lakshmi pujan kal men uttar disha ki or munh karke baith jaen. gita ka nimn lakshmi pradayak mantra shraddha se 18 bar japen - yatra yogeshvarah krishno yatra partho dhanurdharah. tatra shrirvijyo bhurtidhrruva nitirmatirmam.. dipavli ke bad vale somvar se pratyek somvar ko isi prakar 18 bar yah mantra jap kiya karen. pratyek bar ek shankh men havan men di jane vali ahuti ki tarah chaval chor den. isi din chaval se bhare is shankh ko kisi kuen, talab athva nadi men kachcha sut bandhakar latka den. dhyan rakhen shankh ko jal men latkana hai, visarjit nahin karna hai. kuch samay men sut svayan gal jaega aur shankh pani men sama jaega. yah vishesh rup se dhyan rakhna hai ki divali se parne vale agle 18 somvar men hi yah kram samapt ho. upay kal men yadi bahar jana bhi pare to bhi yah upay kar sakte hain. yadi vaise bhi nitya 18 bar yah mantra japne ka niyam bana len to parinam aur bhi achche milne lagenge. dipavli ke din ek shrifal athva ek sabut supari, 5 pili v bari kauriyan, haldi ki panch akhandit ganthen, ek mutthi nagkesar, gehun, aur dali vala namk- in sabhi chijon ko ek pile kapre men bandh len. divali men siddh kiya hua apna koi sikka, vigrah ya haldi bhi ismen rakh sakte hain. kapre ko apne bhavan, dukan, faiktri athva karya sthal ke uttara-purvi kone men kahin tang sakte hain. ise pure varsh yun hi rahne den.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2008

panch parva dipavli tyauhar ka pauranik evan vyavharik mahatva, dipavli pujan ke lie muhurt vishleshan, sukh samriddhi hetu lakshmi ji ki upasna vidhi, dipavli ki rat kiye jane vale mahatvapurn anushthan evan puja, dipavli par vishesh rup se pujya yantra evan unka mahatva

Subscribe

Apne vichar vyakt karein

blog comments powered by Disqus
.