वास्तु कि नजर में कोणार्क का सूर्य मंदिर

vastu ki najar men konark ka surya mandir  

Ank ke aur Lekh | Sambandhit Lekh | Views : 2733 |  
vastu ki najar men konark ka surya mandir pan. dayanand shastrai bharat men anek dharm evan jatiyan hain tatha ve sabhi kisi n kisi shakti ki puja aradhna karte hain. sabki vidhiyan alag hain parantu sabhi ek aise ekant sthan par aradhna karte hain, jahan purn rup se dhyan laga saken, man ekagra ho pae. isilie mandir nirman men vastu ka bahut dhyan rakha jata hai. yadi ham bharat ke prachin mandiron par najar dalen to pata chalta hai ki sabhi ka vastushilp bahut adhik sudrirh tha. vahan bhakton ko aj bhi atmik shanti prapt hoti hai. vaishnon devi mandir, bradivishal ji ka mandir, tirupti balaji ka mandir, nathadva ara sthit shrinath ji ka mandir v ujjain sthit bhagvan mahakal ka mandir kuch aise mandir hain jinki khyati v manyata dur dur tak, yahan tak ki videshon men bhi, hai. ye sabhi mandir vastu niyamanusar bane hain tatha prachinkal se vaisi hi sthiti men khare hain. surya mandir konarka: yah jagannath puri se 36 kilomitar dur samudra ke nikat bana hua hai. kabhi yah surya upasna ka pradhan pith hua karta tha. iska nirman san 1200 i. men utkal naresh langula narsinh dev ji ne kiya tha. ise 12 varsh men lagabhag 1 hajar se adhik shilpiyon ne kari mehanat se taiyar kiya tha. is mandir ki nakkashi, karigri evan khudai ka kaushal dekhakar pratyek vyakti dang rah jata hai. is mandir ka nirman ek rath akriti men karvaya gaya tha. ismen 24 pahie hain. pratyek pahie men 8 ara hain aur is pahie ka vyas lagabhag 10 fut hai. sabhi pahiyon ka shilp utkrisht kala ka namuna hai. sabhi pahie ek lat se jure hue hain. donon taraf 12-12 pahie hain. yah mandir tin mandpon men bana hua hai. do mandap dhah chuke hain. ajadi se purva ek angrej adhikari ne jahan pratima thi us mukhya mandap ko ret v patthar bharvakar charon taraf se band karva diya. sabhi darvajon ko bhi chunai karvakar sthayi rup se band karva diya taki yah mandir v mandap surakshit rah saken. is mandir men surya bhagvan ki tin pratimaen hain- balyavastha - udit surya - inki unchai lagabhag 8 fut hai. yuvavastha - madhyahn surya - inki unchai lagabhag sarhe 9 fut hai. praurhavastha - ast surya - inki unchai lagabhag sarhe 3 fut hai. is mandir men mukhya pravesh dvar ke donon taraf donon hathiyon ko aishvarya purva sher ne daba rakha hai. yah pratima ek hi patthar se bani hai. lagabhag 28 tan vajni is pratima ki lanbai 8.4 fut, chairai 4.9 fut aur unchai 9.2 fut hai. mandir ke dakshin bhag men do susajjit evan alankrit ghore bane hue hain. pratyek ghora 10 fut lanba evan 7 fut chaira hai. inhen urisa sarkar ne apni rajkiya mohar ke rup men svikar kiya hai. mandir parisar men nrityashala, mayadevi mandir aur chaya devi madir evan agney kshetra men vishal kuan hanai. ath sau varsh purana yah mandir bina kis siment ya masale ke patthar v lohe se banaya gaya tha. yah mandir apne vastu doshon ke karan samay se purva hi kantivihin ho gaya hai. isse yah spasht hota hai ki jahan kahin bhi vastu dosh hoga, vahan vah apna prabhav avashya dikhaega. chahe vah koi devalay ho athva am vyakti ka nivas sthan. vastu niyamon ke viruddh bana hone se vishva ki prachinatam imarton men se ek yah surya mandir, jo rigved kal evan pashan kalakriti ka anupam v bejor udaharan hai , samay se purva hi dharashayi ho gaya. yah mandir apna vastavik rup kho chuka hai. vartaman men yah vishva sanskritik virasat ke rup men sanrakshit hai. isse thori dur par samudra hai jo chandrabhaga ke nam se prasiddh hai. yah sthan bhagvan shrikrishn ke putra ki dantktha ke karan bhi prasiddh hai. konark surya mandir ke mukhya vastu dosh dakshin-pashchim kon men chaya devi mandir ki ninv pradhanalay ki apeksha kafi kam unchai men hai. uske rnaitya bhag men mayadevi ka mandir aur niche bhag men hai. purva se dekhne par pata lagta hai ki ishan, agney ko katakar vayavya, rnaitya ki or barha hua hai. pradhan mandir ke purvi dvar ke samne nrityashala hai jisse purva dvar anupyogi siddh hua. mandir ka nirman rath ki akriti men hone ke karan purva, ishan v agney dishaen khandit ho gai hain. agney kshetra men vishal kuan sthit hai. mayadevi aur chaya devi ke mandir pradhan mandir se kam unchai par rnaitya kshetra men hain. dakshin v purva disha men vishal dvar hain jiske karan mandir ka vaibhav v khyati kshin ho gai hai.
Kya aapko lekh pasand aaya? Subscribe

Kya aapko lekh pasand aaya? Subscribe


tantra, mantra evan mahalakshmi visheshank  November 2007

tantra mantra ka apsi sambandh, mahalakshmi ji ki upasna evan dipavli pujan, tantra mantra dvara dhan prapti, shri prapti men sahayak shri yantra, dipavli par ki jane vali tantrik siddhiyan, shri sukt, lakshmi sukt adi mantron ka mahatva

Subscribe

Apne vichar vyakt karein

blog comments powered by Disqus
.