जरुरी है तन मन का संतुलन

jaruri hai tan man ka santuln  

Ank ke aur Lekh | Sambandhit Lekh | Views : 3443 |  
jaruri hai tan man ka santulan dae. ech. ke. chopra ham ap n e sh a r i r k e avashyakta s e adhik barhte bhar ko lekar chintit rahte hain, aur yah svabhavik bhi hai. kintu yadi ham tan man ko santulit rakhen to apne bhar ko bhi santulit rakh sakte hain. hamara sharir sharirik tantra ka ek chamatkar hai. ayurved men kam ahar lene ki avdharna adi kal se hi rahi hai aur aj bhi yah utna hi arthapurn hai. ayurved ke siddh ant ke anusar doshon men asantulan ke karan bhar men vriddhi hoti hai ya motapa barhta hai. ye dosh sharir ke panch tatvon ke prabalya ke anurup hote hain. in tatvon men kisi ek ki prablta ho sakti hai. sharir ki rachna men vayu ki bhumika bhi aham hoti hai, jo shvasochchvas aur pachan pranali ke lie jaruri hai. vauya ke sanchar ke lie jagah chahie. sharir ki karya pranali par niyantran ke lie vayu ki jarurat hoti hai. vayu ki is karya pranali ke falasvarup hi ham sans lete chorte hain, hamara bhojan pachta hai aur ham mal mutra ka tyag karte hain. jal ka nirman mukhyatah rakt aur utak drav ke mel se hota hai. jivit rahne ke lie sharir ko urja ki jarurat hoti hai, jo chayapachay se milti hai, aur pachan ag se hota hai. jal aur vayu chayapachay ke mukhya karak hain. chayapachay vayu, bhojan aur jal ko samast pranali ke madhyam se sansadhit karta hai. sharir ki mul banavat men utkon, asthiyon aur khanijon ke mel ki bhumika aham hoti hai. ye tatva prithvi ka pratinidhitva karte hain. koshikaon ke ek sath rahne aur manspeshiyon, asthiyon aur snayuon ki rachna ke lie prithvi tatvon tatha jal ki jarurat hoti hai. is tarah, upar varnit ye sabhi panch tatva sharir ki rachna ke lie anivarya hain. santulit bhar ke lie in tatvon men santulan jaruri hai aur yah hamare ahar par nirbhar karta hai. ayurved ke siddhant ke anusar vayu aur gagan tatvon ki prablta vale vat pradhan, jal aur agni tatvon ki prablta vale pitt pradhan aur prithvi tatha jal ki prablta vale kaf pradhan hote hanai. vat pradhan logon men vayu, pitt pradhan logon men chayapachay aur kaf pradhan logon men sharirik sanrchna sanbandhi garbri ki pravritti hoti hai. vat pradhaan log halke tatha duble patle hote hain. ve dusron ki tulna men adhik teji se kam karte hain. unke akar, prakar, bhav bhangima aur kriyaklap men vividhta hoti hai. ve utsahi, kalpanashil aur shighra uttejnshil hote hain. unmen chinta, kabj, nidralpata, aniyamit bhukh aur pachan men garbri ki pravritti hoti hai. unmen jarurat se jyada kam karne ki pravritti hoti hai aur ve shighra thak jate hain. ve lanbe hote hain. unke nitanb tatha kandhe sankuchit hote hain. unke hath aur pair lanbe tatha dant bahar nikle hue ho sakte hain. bhavnatmak star par ve asthir hote hain. pitt pradhan log daramyane kad ke hote hain. unka chayapachay sudrirh hota hai. ve buddhijivi, tej, mahatvakankshi, spashtavadi, sahsi aur vivadapriya hote hain. unhen bhukh tej ati hai aur unka pachan tantra majbut hota hai. ve bhojan samay par karte hain aur ismen adhe ghante ki bhi der hone par bechain ho uthte hain. unki tvacha nam hoti hai aur unke bal samay se pahle hi safed ho jate hain. kaf pradhan logon ki sharirik banavat bhari hoti hai. ve shaktishali hote hain. unhen bhukh kam lagti hai aur unka pachan kamjor hota hai. bhavnatmak aur sanvegatmak star par ve sudrirh hote hain. ve sahnshil aur kshamashil hote hain. ve jankari grahan karne men dhime kintu uchche koti ki smaran shakti ke svami hote hain. unka man shant aur svabhav mridu hota hai. ayurved ke siddhant ke anurup sharir rachna ki jankari se hamen uchit ahar aur vyayam ka gyan mil sakta hai. dimag men jo koi bhi ghatna ghatti hai uska asar sharir par parta hai. jaisa ki upar bataya gaya hai hamare sharir par tin doshon ka shasan hota hai - vat, pitt aur kaf. ye tinon hamare samast sharir rachna vigyan men hamare bodh ka sanchar karte hain. hamara bhar tan man ke samanjasya se santulit rah sakta hai. kintu iske lie santulit ahar aur sharir ke anukul vyayam jaruri hai. mansik santulan dimag ka kam hai. kisi bhi tarah ke asantulan ko ayurved men vikriti kaha gaya hai - ek sanskrit shabd jiska arth prakriti se dur hona hai. hamen hamare tan man ke anurup ahar lena chahie. hamare khan pan aur hamari soch ka achcha ya bura prabhav nishchay hi hamare sharir ki 60 kharab koshikaon ke svasthya par parta hai. isi tarah hamare bhojan ka prabhav vat, pitt aur kaf par parta hai. kuch khadya padarth kaf ko kam karte hain. in padarthon ke sevan se hamare chayapachay men parivartan ata hai jisse urja ki utpatti hoti hai. is tarah, ham kailori ki ganna athva kisi bhi tarah ki daiting ke bagair santulit bhar kayam rakh sakte hain. halke, sukhe aur garm khadya pada. rth ke sevan se kaf santulit rahta hai. ise santulit rakhne ke lie kam vasa vala dudh lena chahie. dudh ubla hua ho, kyonki kachcha aur thanda dudh kaf ko barhata hai. bhojan athva khatte ya namkin padarth ke sath dudh nahin pina chahie anyatha iske pachan men kathinai hoti hai. ubalne ke pahle dudh men haldi ya adarakh dal dena chahie - in padarthon men kaf ko kam karne ke gun hote hain. falon men seb aur naspati ka sevan karna chahie. anar aur krenberi bhi labhdayak hote hain. shahad kaf ko santulit rakhne ka sarvotkrisht padarth hai. inke atirikt har kism ke sem, jau, namak ko chor sabhi masale, sabjiyan khas taur se muli, shatavar, baigan, hari pattedar sabjiyan, chukandar, gobhi (braekkoli), alu, patta gobhi, gajar, fulgobhi, kaddu, salad adi aur mansahariyon ke lie murge ka mans aur machliyan adi labhdayak hote hain. santulan rakhne ke kuch sujhav bhojan shant vatavaran men karen. bhojan hamesha baithakar karen. jab asthirta ho to bhojan n karen. barf jitne thande bhojan v pey se bachen. bhojan chabate samay baten n karen. bhojan dhire-dhire karen. jab tak pichla bhojan pach n jae tab tak dobara bhojan n karen. bhojan kar lene ke bad kuch minton ke lie chupchap baithen. jarurat se jyada kabhi n khaen. bhojan svad ke lie nahin balki bhojan (ahar) ke lie karen. mithaiyan, namkin aur tali hui chijon adi se bachen. ayurved men am ka ullekh hai. vat ka yah rup rakt sanchar tatha urja ke margon ko avruddh kar deta hai. iske falasvarup alasya, dirghasutrata, aniyamit bhojan, bhukh ki anubhuti men kami adi ke lakshan spasht dikhai dene lagte hain. namkin, khatte aur mithe padarthon ke sevan se am men vriddhi hoti hai. adarakh ka ras aur jire, haldi, ilaychi, dalchini, laung, sarson ke bij, kali mirch adi kaf ko kam aur chayapachay ke star men sudhar tatha ahar ko vasa ki bajay urja men badlne men sahayta karte hain. ayurved ke anusar jari butiyan manav sharir aur bahya vatavaran ke bich kari ka kam karti hain. haritki sanghnit vat ko kam karti hai, amlaki utkon ko shakti deti hain, bibhitki kaf ko santulit karti hai aur vidang am nirodhi hai. isi tarah brahmi man ko shant rakhti hai aur guggul vasa ko kam karta hai. inke atirikt adhikansh kare tikhe padarth kaf ko kam karte hain. santulit aur upyukt ahar ke atirikt vyayam bhi santulit bhar ke lie saman rup se avashyak hain. vyayam dosh ke anurup hon. vat pradhan logon ko kam, pitt pradhan logon ko madhyam aur kaf pradhan logon ko shram sadhya vyayam karne chahie. vat rogiyon ke lie yog, nritya, saikil chalan, pitt rogiyon ke lie daurna aur tairna aur kaf rogiyon ke lie jaeging, daurna, naukayan adi shreyaskar hain. yadi dosh santulit hon to ham svasth rahte hain aur hamara bhar santulit rahta hai. iske viprit inke asantulit hote hi hamara svasthya kharab aur bhar asantulit ho jata hai. achche svasthya tatha santulit bhar ke lie doshon ka santulit hona jivan shaili par nirbhar karta hai. jivan shaili ko niyamit aur anukul rakhne ke lie nimnalikhit sujhav apnaen. pitt rogi shant rahen, dhup snan, garm snan adi se parhej karen. rat men der se bhojan n karen. adhik telyukt aur tali hui chijon, madira, kaifin aur bher v bakre ke mans se parhej karen. pitt se sanbandhit ahar niyamon ka palan karen. jab kruddh aur uttejit hon to bhojan n karen. ghar ke irda-gird ful lagaen. sir aur sharir ki nariyal ke tel se niyamit rup se malish karen. chand ki roshni men snan karen. vat rogi apne lie ek surakshit v shant vatavaran ka nirman karen. prasann rahen. garm paka hua ahar len, garm pey aur garm rakhne vale masalon ka svasthya sevan karen. shighra pachne vale khadya padarthon ka sevan karen. bhojan n choren, kintu adhik bhojan n karen. thandi hava, shilan, ti.vi, rediyo adi se parhej karen. paryapt nind len. dinacharya banaen, rat ko 10 baje se pahle se jaen. bhay, chinta adi se mukti ke lie apne manobhavon ko vyakt karen. kaf rogi bhari nashta kabhi n karen. subah 10 se sham 6 ke bich bhojan shreyaskar hai. dudh se bani chijon, mithaiyon, tel aur vasayukt bhaje n s e parhje kar.ne jab bhukh lage tabhi khaen aur jab pyas lage tabhi pien. bhojan ke bad turant n soen. khane ke bad thora tahlen. adhik n soen. sharirik vyayam aur mansik uddipan avashyak hai. snan niyamit rup se karen. dinacharya men parivartan karte rahen. santulit bhar ke lie nimnalikhit sujhavon ko amal men laen. bhari nashte aur bhojan se parhej karen. roj subah 6 se 7 ke bich vyayam karen. thande dudh, aisakrim, mithaiyon adi ka sevan n karen. achar, alu vefar, papar, chatni adi n khaen. methi, baigan, shatavar, muli, kaddu,
Kya aapko lekh pasand aaya? Subscribe

Kya aapko lekh pasand aaya? Subscribe


tantra, mantra evan mahalakshmi visheshank  November 2007

tantra mantra ka apsi sambandh, mahalakshmi ji ki upasna evan dipavli pujan, tantra mantra dvara dhan prapti, shri prapti men sahayak shri yantra, dipavli par ki jane vali tantrik siddhiyan, shri sukt, lakshmi sukt adi mantron ka mahatva

Subscribe

Apne vichar vyakt karein

blog comments powered by Disqus
.