दीपावली पर विशेष रूप से पूज्य यंत्र एवं उनका महत्व

dipavli par vishesh rup se pujya yantra evan unka mahatva  

Ank ke aur Lekh | Sambandhit Lekh | Views : 3027 |  
dipavli par vishesh rup se pujya yantra evan unka mahatva ashok sakshena dipavli prakash ka parva hai. panch dinon ka yah parva dhanteras se praranbh hokar bhai duj (yamadvitiya) samapt hota hai. jivan ko sukhamay banane ke lie lakshmi arthat dhan ki avashyakta hoti hai. lakshmi ki prapti ke lie dipavli ke shubh avasar par unke vibhinn yantron ki puja sadhna ki jati hai. kuber yantra: dhan ke devta kuber sabhi yakshon, gandharvon aur kinnaron ke adhipti hain. ye nau nidhiyon padm, mahapadm, shankh, makar, kachchap, mukund, kund, nil evan varchasu ke bhi svami hain. har nidhi anant vaibhvon ki pradata mani gai hai aur rajadhiraj kuber to gupt aur prakat sansar ke samast vaibhvon ke svami hain hi. kuber ka svarrup evan upasna bhagvan kuber ke ek mukhya dhyan shlok men inhen manushyon ke dvara palki par athva shreshth pushpak viman par virajit dikhaya gaya hai. sabhi nidhiyan inke samip sthapit hain. inke ek hath men bhavya gada hai tatha dusra hath dhan pradan karne ki var mudra men utha hua hai. inka sharir sthul aur udar unnat hai. ye bhagvan shiv ke mitra hain, har vyakti ko inka dhyan karna chahie. shri vidyarnav, mantramharnav, mantramhoddhi, shri tatva nidhi tatha vishnudharmoÿaradhi puranon men kuber upasna ke mantra, yantra, dhyan adi ka ullekh hai. inke ashtakshar, shodshakshar tatha panchatrinshdaksharatmak chote bare anek mantra hain. yahan prasangavash unke vibhinn mantron se vibhinn yantron ki upasna ka sankshipt vivaran prastut hai. ashtakshar mantra: ‘‘¬ vaishravnay svaha.’’ panchatrinshdakshar mantra: ‘‘¬ ‘yakshay kuberay vaishravnay dhandhanyadiptye dhandhanya samriddhin me dehi dapay svaha.’’ dukh daridrya se mukti hetu kuber mantra aur yantra ka kramshah vidhivat jap aur pujan, dhyan tatha upasna karen. jap aur upasna se apdaon se raksha bhi hoti hai. kankdhara yantra aj ke yug men har vyakti shighratishighra dhanvan banna chahta hai. dhan prapti hetu kankdhara yantra ke samne baithakar kankdhara stotra ka path karna chahie. is yantra ki upasna se rin aur daridrata se shighra mukti milti hai. sath hi berojgaron ko roji milti hai aur vyapariyon ke vyapar men unnati hoti hai. kankdhara stotra ki rachna hi kuch is prakar se guchchit hai ki ek vishesh alaukik divya prabhav utpann hota hai. yah yantra atyant durlabh parantu lakshmi prapti ke lie ramban aur yah stotra apne ap men achuk, svayansiddh tatha aishvarya pradan karne men samarth hai. is yantra ki upasna se rank bhi dhanvan ho jata hai. parantu iski pran pratishtha ki vidhi jatil hai. is jatil vidhi ke karan ise kam hi log siddh kar pate hain. katha hai ki jagadguru shankracharya ne ek daridra brahman ke ghar is stotra ka pathakar svarn varsha karai thi. prasiddh ganrath shankar digvijay ke chaithe sarg men is ghatna ka ullekh hai. mantra- ‘¬ van shrin van ain hrin-shrin klin kanak dharyai svaha’ lakshmi yantra yah yantra budhvar ko ghar men sthapit karna chahie. dipavli ki rat is yantra par gulab ke 21 ful rakhakar nimnokt mantra ka jap karne se daridrata dur hoti hai. mantra- ‘‘¬ shrin shriyai namah.’’ ashtalakshmi yantra shighra dhanlabh ke lie dipavli ki rat ashtalakshmi yantra ki sthapna kar shankh ki mala se nimnokt mantra ka yathasanbhav jap karna chahie. mantra- ‘‘¬ shrin ashtalakshmyai daridrya vinashini sarva sukh samriddhin dehi dehi hrin ¬ namah.’’ vyapar men shighra vriddhi hetu siddh bisa yantra vyapar men vriddhi aur unnati ke lie is yantra ko dipavli ke din lakshmi ganesh ke pujan sthan ke samip ya dukan athva faiktri men sthapit kar iska dhup, dip adi se pujan archan karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.