parichy: bhartiya sanskriti men anek parva v tyauhar manae jate hain. inmen kartik mas ki amavasya ko dipavli ka parva vishesh rup se manaya jata hai. yah parva asatya par satya ki aur andhkar par prakash ki vijay ka pratik hai.
is din bhagvan ram chaidah varsh ka vanvas pura karke ayodhya laute the, krishn bhakton ke anusar dusht raja narkasur ka vadh bhagvan krishn ne isi din kiya tha, jain dharm ke avlanbi bhagvan mahavir ka nirvan divas v arya samaji svami dayanand ki punya tithi isi din manate hain.
dipavli khushiyon ka tyauhar hai. is din hindu parivaron men bhagvan ganesh v lakshmi ke pujan ka vishesh mahatva hai. is din ganesh ji ki puja se riddhi-siddhi ki v lakshmi ji ke pujan se dhan, vaibhav, sukh, sanpÿia ki prapti hoti hai.
dipavli ko kalratri bhi kaha jata hai kyonki tantra-mantra v yantron ki siddhi ke lie yah ratri atyadhik upyogi mani jati hai. dipavli sanskrit ka shabd hai jiska arth hai ‘‘dipkon ki pankti’’. pratyek vyapari dukan ya ghar par lakshmi ka pujan karta hai, vahin dusri or grihasth sayan pradosh kal men mahalakshmi ka avahan karte hain.
iska abhipray yah hai ki jahan grihasth aur vyaparigan dhan ki devi lakshmi se sukh-samriddhi ki kamna karte hain, vahin tantrik kuch vishesh siddhiyan arjit karte hain.
pujan samagri: mahalakshmi pujan men kesar, roli, chaval, pan, supari, fal, ful, dudh, khil, batashe, sindur, meve, shahad, mithaiyan, dahi, gangajal, dhup, agrbÿiayan, dipak, rui, kalava, nariyal aur tanbe ka kalash.
pujan vidhi: bhumi ko shuddh karke navagrah yantra banaen. iske sath hi tanbe ke kalash men gangajal, dudh, dahi, shahad, supari, sikke aur laung adi dalakar use lal kapre se dhakakar ek kachcha nariyal kalave se bandhakar rakh den. jahan navagrah yantra banaya hai vahan chandi ka sikka aur mitti ke bane lakshmi ganesh ko sthapit kar dudh, dahi, aur gangajal se snan karakar akshat chandan ka shringar karke fal-ful adi arpit karen aur dahini or ghi ka ek dipak jalaen.
tatpashchat pavitra asan par baithakar svasti vachan karen. ganesh ji ka smaran kar apne dahine hath men gandh, akshat, pushp, durva, dravya aur jal adi lekar ganesh, mahalakshmi, kuber adi devi-devtaon ke pujan ka sankalp karen. sarvapratham ganesh aur lakshmi ka pujan karen aur fir shodshmatrika pujan v navagrah pujan karke mahalakshmi adi devi-devtaon ka pujan karen.
dipak pujn: dipak gyan ke prakash ka pratik hai. ise bhagvan ka tejasvi rup man kar iski puja karni chahie. puja karte samay antahkaran men sadgyan ka prakash utpann ho raha hai aisi bhavna rakhni chahie. dipavli ke din parivarik paranpra ke anusar gyarah, ikkis athva inse adhik til ke tel ke dipak prajvalit karke ek thali men rakhakar kar pujan karen.
iske bad mahilaen apne hath se sanpurn suhag samagri lakshmi ko arpit karen. agle din snan ke bad puja karke us samagri ko man lakshmi ka prasad manakar svayan prayog karen, isse man lakshmi ki kri pa sada bani rahti hai. karyakshetra men saflta v arthik sthiti men unnati ke lie sinh lagn athva sthir lagn men shrisukt ka path karen. us samay asan par baithakar lakshmi ji ki tasvir ke samne shuddh ghi ka dipak jalaen v shrisukt ka path karen.
iske bad havan kund men shrisukt ki pratyek richa ke sath ahuti den. dipavli pujan ke samay ganesh-lakshmi ke sath vishnu ji ki sthapna anivarya hai. lakshmi ji ke dahini or vishnu ji aur bain or ganesh ji ko rakhna chahie. samudra se utpann dakshinavarti shankh, moti, shankh, gomti chakra adi lakshmi ke sahodar bhai hain.
inki sthapna karne se lakshmi ji prasann hokar ghar ati hain. is prakar dipavli ke avasar par shraddha, nishtha aur vidhi vidhanpurvak pujan karne par lakshmi ji ki kripa sadaiv bani rahti hai.
if you are facing any type of problems in your life you can consult with astrologer in delhi