हस्तरेखा और दीपावली पूजन

hastarekha aur dipavli pujn  

Ank ke aur Lekh | Sambandhit Lekh | Views : 2675 |  
hastarekha aur dipavli pujan bharti anand dipavli ke is avasar par ham apni hatheli men maujud uchch sthiti vale grahon ke pratinidhi devtaon ki lakshmi aur ganesh ke sath vidhivat puja karke unki kripa prapt kar sakte hain. dipavli sanatan dharmavlanbiyon ka ek pramukh parva hai. yah andhkar par prakash ki vijay ka pratik hai. yah parva kartik mas ki amavasya ko manaya jata hai. is avasar par sabhi sanatan dharmavlanbi sukh-samriddhi ke lie dhan ki devi lakshmi ki puja-archana karte hain. is din desh bhar men harshollas ka vatavaran rahta hai aur sabhi jatiyon tatha dharmon ke log mil-julakar khushi manate hain. yah parva vastutah kartik mas ki krishn paksh ki trayodshi arthat dhanteras ke din hi shuru ho jata hai aur shukla paksh ki dvitiya tithi tak panch mahotsav ke rup men 5 din tak manaya jata hai. dhanteras ko akal mrityu ke bhay se mukti ki kamna karte hue ghar se bahar yamraj ke lie dipdan kiya jata hai. isi din log yathashakti sona, chandi ke gahne v bartan adi kharid kar samriddhi ki kamna karte hain. chaturdashi ko narak chaturdashi bhi kaha jata hai. is din suryaeday se purva uthakar apne sir ke upar se ek lanba ghiya (kaddu) ko var kar narak se bachane ki bhagvan surya se prarthana karte hain. is din bhagvan ne vaman avtar lekar raja bali se tin pag bhumi mang kar puri prithvi nap li thi. tatpashchat bhagvan ne raja bali ko vardan diya tha ki aj ke din jo bhi dip dan karega, vishnu priya lakshmi ji sadaiv uske ghar vas karengi. dipavli ke din arthat kartik amavasya ko suryoday se purva uthakar surya dev ki aradhna karne ke bad bhagvan vishnu ka dhyan karte hue dudh, dahi, ghi, shahad aur shakkar ka prasad banakar bhagvan ko bhog lagana chahie. uske pashchat apne adhinasth karmachariyon ko shraddha v shakti ke anusar mithai, uphar v nagad puraskar svarup dena chahie. iske bad sham ko shubh muhurt men kisi yogya vyakti ke disha-nirdeshon ke anusar lakshmi tatha ganesh ke sath-sath sabhi devtaon ka pujan karna chahie. puranon men manyata hai ki lakshmi aur ganesh ji ke sath-sath sabhi devtaon ki puja-aradhna karne se sukh-samriddhi ki prapti hoti hai. dipavli ke is avasar par ham apni hatheli men maujud uchch sthiti vale grahon ke pratinidhi devtaon ki lakshmi aur ganesh ke sath vidhivat puja karke unki kripa prapt kar sakte hain. lakshmi prapti ka sanbandh bhagya rekha evan guru tatha shani parvat se hai. inki sthiti ka adhyayan karte hue yadi dipavli pujan vidhi-vidhan purvak karen to ham apni sabhi ichchaon ki purti kar sakte hain. yadi hath men bhagya rekha shani se aranbh hokar shani par samapt ho to lakshmi mantra ka 108 mala jap v dashansh havan karen. û yadi bhagya rekha khandit ho, shani, guru, budh aur shukra grah dabe hue hon to vyakti ko akhand lakshmi pujan (lakshmi ke sabhi mantron ke sath karna chahie. dipavli ke agle din govardhan puja aur vishvakarma puja ka ayojan kiya jata hai. puranon men ullekh hai ki is din bhagvan krishn ne govardhan puja ka ayojan kiya tha jismen apar jan samuday ne bhag liya tha. is ghatna ke bad indra dev ne svayan har manakar krishn ki sharan li thi. is puja ka vishesh mahatva rajnitigyaon, bare udyogptiyon, chatra sangh ke netaon pata - rod nan. 1, bangla nan. 28, ist panjabi bag, nyu rohatak rod, nai dilli-110026, mo. nan.: 9212222383 ke lie hai jo vidhiparvak yah puja karke jan samarthan pa sakte hain. vishvakarma ji ki puja ka vidhan bhi is din hai. is din vidhipurvak mashinon, aujaron v hathiyaron adi ka pujan karne se durghatanaon se raksha hoti hai. duj ka din dipavli ke parva ka panchvan v antim din hota hai. is din bhai apni bahnon ko apni shakti ke anusar uphar dete hanai aur bahnen bhaiyon ki kalai par pavitra raksha kavach bandhti hain. is din yadi bhai apne hathon ki shubh v ashubh rekhaon ko dhyan men rakh kar uphar den to ve uphar atyadhik shubh v upyogi honge. agar bhai ki hatheli men shani parvat ki sthiti uchch ho to bahan ko uphar ke rup men lohe ki vastuen, murti, kar adi dene chahie. yadi guru uchch ka ho to khadya samagri, pukhraj, sona, pital, sari, kapre adi uphar svarup dene chahie. yadi surya parvat ki sthit achchi ho to surya ke pratik vastuon ka uphar dena chahie. dhyan rahe ki jin grahon ki sthiti achchi nahin ho, unse sanbaddh vastuen uphar svarup nahin den, anyatha donon ko hani ho sakti hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2008

panch parva dipavli tyauhar ka pauranik evan vyavharik mahatva, dipavli pujan ke lie muhurt vishleshan, sukh samriddhi hetu lakshmi ji ki upasna vidhi, dipavli ki rat kiye jane vale mahatvapurn anushthan evan puja, dipavli par vishesh rup se pujya yantra evan unka mahatva

Subscribe

Apne vichar vyakt karein

blog comments powered by Disqus
.