दीपावली एवं मुहूर्त

dipavli evan muhurt  

Ank ke aur Lekh | Sambandhit Lekh | Views : 2924 |  
dipavli evan muhurt pan. kishor ghildiyal muhurt jyotish ka ek mahatvapurn ang hai. sanatan dharm sanskriti men har shubh v dharmik karya muhurt vishleshan kar hi kiya jata hai. is bhautikvadi yug men har vyakti kam shram aur samay men jyada se jyada dhan kamana chahta aur iske lie kuch bhi karne ko tatpar rahta hai. kintu athak prayason ke bavjud bahut se logon ko vanchit dhan ki prapti nahin ho pati. aise men unhen upyukt muhurt men sanbaddh devi devtaon ki puja archana karni chahie. dhan vaibhav ki kamna ki purti hetu dipavli ka parva sarvadhik upyukt avasar hai. dipavli ki rat sinh lagn ke aranbh ke samay yadi lakshmi ka avahan pujan kiya jae to unki vishesh kripa prapt hoti hai. kartik mas ki amavasya tithi maha nisha ki rat ko dipavli ka parva manaya jata hai. isi din surya ka tula rashi men pravesh hota hai. tula rashi ka svami shukra sabhi manokamnaen puri karne vala grah hai. yah kalpurush ki kundli men dhan v saptam bhav ka svami bhi hai atah jab tula rashi men surya aur chandra ka milan hota hai tab naisargik kundli ke anusar chaturthesh (chandra) v panchmesh (surya) ka milan hone se lakshmi yog ka uday hota hai. yah yog kartik amavasya (dipavli) ko parta hai. islie yah din ati dhandayak mana jata hai. is din jab sinh ka aranbh hota hai tab tritiya sthan men surya aur chandra ki yuti hoti hai. is yuti ke samay sadhna upasna karne se sadhak ke parakram men vriddhi hoti hai, uske marg men ane vali badhaon ka nivaran hota hai aur surya ke apni uchch rashi ko dekhne se bhagyavriddhi hoti hai. is drishti se sinh lagn ki mahatta apranpar hai. adhi rat men parne ke karan iski visheshta aur barh jati hai kyonki ardharatri men hi lakshmi ka agaman bhi mana jata hai. ‘‘ardharatre bhavevyey lakshmi rashrayitun grihan’’ ardharatri men lakshmipujan ko brahmapuran men bhi shreshth kaha gaya hai. sinh lagn ke atirikt vrish lagn ko bhi achcha mana jata hai. vibhinn lagnon aur muhurton ke shubhashubh parinam mesh lagn is lagn men kie gae anushthanon se dhan-dhanya men vriddhi hoti hai. vrish lagn is lagn men kiya jane vala karya asafal v ghatak hota hai. mithun lagn yah lagn santan hetu ghatak hota hai. kark lagn shubh, safal v sarvasiddhipradayak hota hai. sinh lagna: buddhi hetu hanikarak hota hai. kanya lagn tantra sadhna hetu shreshth mana gaya hai. tula lagn ismen kiya jane vala anushthan sarvasiddhi pradata mana jata hai. vrishchik lagn yah ek shreshth v lagn hai aur ismen anushthan karne se svarn adi dravyon ki prapti hoti hai. dhanu lagn yah ek ashubh lagn hai. makar lagn shubh v punyadata lagn hai. kunbh lagn is lagn men sadhna karne se shreshth fal ki prapti hoti hai. min lagn yah ek ashubh lagn hai. vishesh dhyatavya hai ki mahanisha ki ratri ati shubh mani gai hai, atah is ratri ko kisi bhi lagn men ki gai sadhna ka koi dushparinam nahin hota. dipavli is varsh is varsh kartik amavasya dopahar 12 bajakar 36 minat par aranbh hogi tatha surya tula rashi men 11 bajakar 20 minat par bhraman ke lie pravesh karega. is tarah tula sankranti hone ke karan yah pura din tatha ratri ati shubh mani jaegi. vishesh bat yah hai ki chandra kanya rashi men hi sthit rahega. din ke lagn muhurt din ke samay dhanu, makar, kunbh v min lagn rahenge. inmen dhanu men abhijit muhurt 11 bajakar 46 minat se 12 bajakar 28 minat tak rahega, parantu is bich amavasya nahin hogi. makar lagn men nichasth guru rahu ke sath hoga jo ashubh hai. kunbh lagn men lagnesh shani ashtam hoga, atah min lagn hi pujan hetu thora upyukt hai. iske atirikt mesh, vrish v mithun lagn puja hetu shubh hain kyonki in tinon lagnon men lagneshon ki sthiti achchi rahegi. kaha bhi gaya hai- ‘‘sarvedoshaah vinashyanti lagnashuddhiryada bhavet’’ arthat lagn shuddhi hone par koi dosh nahin hota. vaise bhi pradosh kal men pujan karna ati labhkari hota hai. kark lagn men nichasth mangal aur ketu sthiti ke karan lagn shreshth nahin hai. uske bad sinh lagn har drishti se upyukt v shreshth lagn hai. jahan tak puja ka prashn hai, to vyavsay ke anurup lagn men hi puja karni chahie. samanya logon, vastra aur anaj tatha prasadhan aur bhavan nirman samagriyon ke vyapariyon ko vrish lagn men tatha karkhanon ke svamiyon aur mashinri v davaon ka karobar karne valon ko sinh lagn men puja karni chahie.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.