राम और राम सेतु

ram aur ram setu  

Ank ke aur Lekh | Sambandhit Lekh | Views : 4505 |  
bandha setu nil nal nagar. ram kripan jasu bhayau ujagar.. burhin anhi borhin jei. bhae upal bohit sam tei.. chatur nal aur nil ne setu bandha. shriram ji ki kripa se unka yah yash sarvatra fail gaya. jo patthar svayan dubte hain aur dusron ko duba dete hain, ve hi jahaj ke saman ho gae.. hindu dharm men ek hi adarsh evan maryada purush hain - purushottam shri ram. shri ram ka janm ramnvmi ke din punarvasu nakshatra men abhijit muhurt men ayodhya men hua. us samay adhikansh grah uchch ya svarashi men sthit the. shri ram ki jivan lila ka chitran hamare granth ramayan men vistrit rup se kiya gaya hai. yahi nahin, unki jivan lila ka rupankan vibhinn riishiyon ne apne apne granthon men kiya hai. ye granth bhi hajaron varsh purva likhe gae. in granthon se yah spasht ho jata hai, aur yah sarvavidit hai, ki shri ram ne 14 varsh van men bitae aur vanvas ke akhiri dinon men lanka ke raja ravan par charhai kar sita ko vapas le ae. us kal men bhi vigyan atyant viksit tha jiska pata is bat se chalta hai ki un dinon pushpak viman, agni van adi vidyaman the. atah yadi shriram ne us yug men samudra par setu bandhva diya to koi ashcharya ki bat nahin hai. kahte hain shri ram ne rameshvaram se lanka tak tairte hue setu ka nirman keval panch din ki avdhi men kiya tha. yah setu 30 mil arthat 48 kimi lanba hai aur dakshin-pashchim men mannar ki khari ko uttara-purva men pak ki khari see jorta hai. yah kailshiyam yukt praval ki bhittiyon (bvatans tammeiddh ka bana hua hai jo ki kathor evan halka hota hai. aj bhi ise rameshvaram se shri lanka ki or jata hua saf dekha ja sakta hai. bahut dur tak pattharon ki katar kuch pani ke upar evan kuch pani ke andar dikhai deti hai. is setu ka chitra hal hi men nasa ke upagrah dvara bhi liya gaya hai. samudra ke tat men kafi dur jakar bhi keval 1 se 10 mitar ki gahrai men patthar abhi bhi vidyaman hain. yahi karan hai ki samudra ke is bhag ke 48 kimi chaira hote hue bhi idhar se jahajon ka yatayat nahin ho pata hai. itihas ke anusar 15vin sadi tak yah setu samudra ki satah se upar tha aur san 1480 men samudri tufan ke karan iska upri hissa pani men dub gaya. hal hi men bharat sarkar ne setu samudram nau-parivahan nahar pariyojna shuru ki hai. is pariyojna ke antargat is setu ko saf kar samudra men gahra banaya jaega taki jahajon ka avagaman sugam ho sake. pariyojna ke safal ho jane par jahaj yatra men 30 ghante ke samay ki bachat hogi aur 400 kimi tak ki duri kam tay karni paregi. vidanbna yah hai ki jiske bare men itihas ke rup men itna kuch hamare dharm granthon men likha hai, usi ko bharat sarkar ne nakarne men ek pal ki bhi der nahin ki. yahan tak ki shri ram ke astitva par hi prashn chihn laga diya. itihas men aisa koi dusra udaharan upalabdh nahin jo shri ram jitna prachin ho, jiske bare men itna kuch likha gaya ho aur jiske hajaron ki sankhya men mandiron ke rup men smarak hon. shri ram ke janm sthal sahit unke jivan se sanbandhit anek sthalon jaise chitrakut, panchvti, rameshvaram adi ka varnan ramayan men milta hai jo aj bhi usi rup men vidyaman hain. ram setu bhi inhin smarkon ki ek kari hai. hindu dharm ke atirikt kisi bhi dharm granth men is setu ka koi ullekh nahin hai. itihas keval kuch hajar varshon ka hi upalabdh hai. ram setu nirvivad rup se shri ram ki rachna hai. vaigyanik bhi mante hain ki yah prakritik sanrchna nahin hai. aisi sanrchna vishva men kahin aur dekhne men nahin ati. prakritik hoti to anya sthan par bhi dekhne men ati. yadi manushya dvara nirmit hai to kabhi to kisi ne avashya banai hogi ! anya kisi bhi dharm men iski davedari nahin hai, to jo davedar hanai unhen manahin kyon? bharat sarkar hamare sabhi aitihasik smarkon aur anya puravsheshon ke sanrakshan ke prati vachanabaddh hai. dilli men hi dekhen to kutub minar ki suraksha ko dhyan men rakhte hue metro ka marg badal diya gaya. tajamahal ki suraksha ke lie uske aspas ke kai karkhanon ko band kar diya gaya aur kai sthanon par marg ki disha badal di gai. to fir aise aitihasik setu ki raksha ke lie koi kadam kyon nahin ?yah setu to bharat ki hi nahin, vishva ki dharohar hai kyonki yah prachinatam vastu kala ka ek utkrisht udaharan hai. hindu shastra ke anusar koi bhi vastu ya prani sarvada vidyaman nahin rahta aur n hi kisi ke samapt hone ka shok karna chahie. bhavishya ke vikas ke lie bhut ko chor dena chahie. atah setu ko ane vali pirhiyon ke anusandhan ke lie bachate hue bhi bhavishya ke vikas ki gati ko barhane ke lie madhya marg apnana chahie. setu ki is 48 kimi ki lanbai men se keval adha ya 1 kimi ke bich gahra bana kar vikas karya ko bhi kayam rakha ja sakta hai aur setu ko bhi bachae rakha ja sakta hai. isse n to paryavaran ka koi adhik nuksan hoga, n vikas men kisi prakar ki badha aegi aur n hi hinduon ki astha ko koi adhat pahunchega.
Kya aapko lekh pasand aaya? Subscribe
Kya aapko lekh pasand aaya? Subscribe


tantra, mantra evan mahalakshmi visheshank  November 2007

tantra mantra ka apsi sambandh, mahalakshmi ji ki upasna evan dipavli pujan, tantra mantra dvara dhan prapti, shri prapti men sahayak shri yantra, dipavli par ki jane vali tantrik siddhiyan, shri sukt, lakshmi sukt adi mantron ka mahatva

Subscribe

Apne vichar vyakt karein

blog comments powered by Disqus
.