lakshmi siddhi ke sutra  

lakshmi lakshmi lakshmi !

lakshmi lakshmi lakshmi . man ke rup men lakshmi ki aradhna karne par matra lakshmi se sneh ke alava kuch prapt nahin ho sakta. jo lakshmi ko man ke rup men pujte hain ve dhanpti nahin ban pate. patni ke rup men bhi kisi prakar ka lenden nahin hota. us par niyantran sthapit nahin kar sakte. yadi use dabaen to vah uchchanrikhal ho sakti hai. lakshmi ka tisra sanbandh premika ka hai jo sab kuch dene ko tatpar rahti hai. shastron men lakshmi ko premika ke rup men svikar kiya gaya hai. yajurved men lakshmi ka avahan karte hue kaha gaya haie shshtu priya rup men mere jivan men ae jisse main jivan men purnata anubhav kar sakun.shsh premika ko bhi abaddh karna avashyak hota haie use paurush se abaddh kiya ja sakta hai. lakshmi lakshmi lakshmi !

lakshmi chanchla hai, ek ghar men tik kar nahin baithti. aj jo karorpti hai ek jhonke men divaliya ban jata hai, nirdhan lakshmivan ban jata hai. yah sab lakshmi ki chanchal pravritti ke karan hi hai.

jivan men lakshmi ki anivaryata hai, dhani hona manav jivan ki mahan upalabdhi hai, garibi aur nirdhanata jivan ka abhishap mani jati hai. pratyek vyakti chahta hai ki vah sanpann bane, iske lie vah hamesha prayatnashil rahta hai. yahan kuch bindu die ja rahe hain, jinhen jivan men apnaen to lakshmi ko apke dvar ana hi parega.

• jivan men lakshmi ko ghar men sthayi rup se sthapit karna hai to sarvapratham ‘‘daridrata-vinashk’’ prayog karna avashyak hai. yah satya hai ki lakshmi dhandatri hai lekin daridrata jivan ki ek alag sthiti hoti hai. vah jivan men kabhi bhi ghuspaith kar sakti hai, use rokne ke lie daridrata vinashak prayog avashyak hai.
• lakshmi ka ek vishisht svarup hai ‘‘bij lakshmi’’. jiski sadhna karne se mahalakshmi ke purn svarup ke sath-sath jivan men unnati ka path drishtigochar hota hai.
• apne pati hari vishnu ke bina lakshmi kisi ke bhi ghar sthayi nivas nahin karti. vishnu jahan upasthit hain, lakshmi vahan sthayi nivas karti hai. jahan shaligram ho, anant mahayantra ho, shankh ho. shankh, shaligram evan tulsi milakar lakshminarayan ki upasthiti ka vatavaran banta hai .
• lakshmi ko samud ki putri mana gaya hai. samudra se prapt vividh ratn uske sahodar hain. inmen pramukh hain dakshinavarti shankh, moti shankh, gomti chakra, svarnapatra, kuber patra, lakshmi prakamya, kshirodbhav, varavarad adi. unki ghar men upasthiti lakshmi devi ko apke ghar,sthapit hone ke lie vivash kar deti hai.
• lakshmi ka nam kamla hai. lakshmi ko kamal sarvadhik priya hai. lakshmi ki sadhna karte samay kamal pushp arpit karne par, kamal gatte ki mala se lakshmi mantra ke jap karne par lakshmi shighra prasann hoti hai.
• shri ganpti ki sthapna hone par lakshmi ki purn sthapna hoti hai. bina ganpti ke lakshmi sadhna adhuri rahti hai.
• lakshmi ka agaman vahan hota hai jahan paurush ho, jahan udyam ho, jahan gatishilta ho. udyamshil logon ke jivan men lakshmi, grihalakshmi, santan lakshmi, ayulakshmi, shri lakshmi vibhinn rupon men prakat hoti hain. pratyek mah ke shukla paksh ki panchmi ko ‘shri sukta’ ke pad ka path karte hue kamal gatte ke ek bij aur shuddh ghi ki havan men ahuti dena faldayak hota hai.
• sadhak ko apne dainik jivan men mahalakshmi ki koi bhi sadhna nitya avashya karni chahie.
• yadi kisi sadhak ne mahalakshmi se sanbandhit koi sadhna sanpann n ki ho to use nitya prati suryoday kal men nimn mantra ka kamal gatte ki mala se ek mala jap avashya karna chahie.

• ‘‘un shrin shrin kamle kamlalye prasid prasid mam grihe agachch agachch mahalakshmyai namah’’

• lakshmi ke bare anushthanon ki apeksha choti lakshmi-sadhnaon, mantra jap, ghar par pran pratishthit yantra ki sthapna adi se jivan men anukulta shighra ati hai.
• lakshmi prapti ke lie shriyantra, kankdhara yantra aur kuber yantra samanvay se ek purn kram sthapit hota hai.
• sadhak ko ek bar lakshmi sadhna karne par, saflta n mile, to bar-bar karni chahie.
• parad nirmit pratyek vigrah apne ap men saubhagyadayak hota hai- chahe vah parad lakshmi ho, parad shankh ho athva parad shriyantra. parad shivling aur parad ganpti men bhi lakshmi tatva samahit hota hai.
• jivan men kam se kam ek bar mahalakshmi ke shaktimay svarup ‘kamla mahavidya’ ki sadhna avashya karni chahie. isse jivan men dhan ke sath-sath purn mansik shanti aur ‘shri’ ka agaman hota hai .
• dhan ka abhav chintajanak sthiti men pahunch jae, jivan jina mushkil ho jae tab ‘shri vidya’ mahavidya ki sadhna karni chahie.
• lakshmi prapti ke jab sabhi prayog asafal ho jaen tab aghor vidhi se lakshmi sadhna ka prayog karna chahie.
• ghar-parivar men kisi tantrik prayog ke karan athva grih-dosh, pitri dosh adi ke karan sanpannata nahin a pati hai. aisi sthiti men pitridosh adi ki shanti kara leni chahie.
• sadhak ko sidha saral satvik jivan jine ki adat dalni chahie. guru, abhibhavkon ko uchit samman dena chahie. jivan men dan ki bhavna, punya karya karne men utsah, ghar ki stri ka samman aur pratyek prakar se ghar men mangalamay vatavaran banae rakhna ati avashyak hai. iske abhav men yadi lakshmi ka agaman ho bhi jae to vah sthir nahin rah pati.
• keval parishram karne se hi lakshmi ghar par nahin ati hai aur n hi lakshmi sthir rah sakti hai. vashishth, vishvamitra, gorkhnath, nagarjanu, tibbat ke lama adi apne ap men sanpann vyakti the, jinke n koi parivar tha aur n hi lanba chaira vyapar. fir bhi apne samay men sarvadhik sanpann vyakti the. ve sanpann islie the ki unke pas aisi gopniya vidya thi jiske madhyam se ve lakshmi ko, apne ashram men sthapit kar sakte the.
• lakshmi ke tin svarup hain - lakshmi maiya, lakshmi pati aur premika
  shastron men lakshmi man ke rup men hai islie ham use lakshmi maiya ke nam se sanbodhit karte hain. vah patni ke rup men bhi shastron men varnit hai islie dhani logon ko lakshmipti kahte hain. tisra svarup lakshmi ka premika ka hai jiske madhyam se lakshmi ko apne anukul banaya ja sakta hai.

man ke rup men lakshmi ki aradhna karne par matra lakshmi se sneh ke alava kuch prapt nahin ho sakta. jo lakshmi ko man ke rup men pujte hain ve dhanpti nahin ban pate. patni ke rup men bhi kisi prakar ka lenden nahin hota. us par niyantran sthapit nahin kar sakte. yadi use dabaen to vah uchchanrikhal ho sakti hai. lakshmi ka tisra sanbandh premika ka hai jo sab kuch dene ko tatpar rahti hai. shastron men lakshmi ko premika ke rup men svikar kiya gaya hai. yajurved men lakshmi ka avahan karte hue kaha gaya hai, ‘‘tu priya rup men mere jivan men a, jisse main jivan men purnata anubhav kar sakun.’’ premika ko bhi abaddh karna avashyak hota hai, use paurush se abaddh kiya ja sakta hai.

vishvamitra rishi ne lakshmi ki archana puja man ke rup men bhi ki hai aur bahan aur patni ke rup men bhi, parantu unhen purn saflta prapt nahin hui. jab vishvamitra rishi ne lakshmi ko premika ke rup men apne paurush ke madhyam se abaddh kiya tab lakshmi ko majbur hokar unke ashram men ana para. lakshmi ki archana mantra ke madhyam se bhi sanbhav hai aur tantra ke madhyam se bhi. mantra se tatparya hai prarthana v stuti karna. aisi sthiti men yah avashyak nahin hai ki lakshmi hamari prarthana svikar kare hi. vishvamitra ne kaha hai ‘‘hath jorne se nari vash men ho hi nahin sakti, dinta pradarshan aur girgirana uske samne apne ko kamjor siddh karna hai. islie paurush ki jarurat hoti hai. aur yah paurush tantra ke dvara hi sanbhav hai.’’

jab mantron ke madhyam se lakshmi vishvamitra ke ashram men nahin ai to rishi ne navin tatrokt vidhi prachlit ki jise ‘lakshmi saparya vidhi’ kaha jata hai. lakshmi prakat hui, lakshmi ko dekhakar vishvamitra ne hath nahin jore, prarthana nahin ki apitu ankhon men akhen dalakar kaha lakshmi tumhen mere ashram ana hi hai. lakshmi lakshmi lakshmi !

if you are facing any type of problems in your life you can consult with astrologer in delhi