विवाह में मंगल दोष

vivah men mangal dosh  

Ank ke aur Lekh | Sambandhit Lekh | Views : 591 |  
kisi bhi jatak ki kundli men vaivahik sukh badha, vivah men vilanb, grih klesh adi ka mahatvapurna karan kundli men sthit krur evan papi grahon mangal, shani, rahu aur surya ki upasthiti hoti hai. jatak ki janmakundli men pratham, chaturth, saptam, ashtam ya dvadash bhav men mangl grah ki upasthiti hone par kundli manglik kahlati hai. vivah ke samy var vadhu ki janmapatrikaon men mangl ka vichar kiya jata hai. samanyatya mangli var ka mangli kanya se vivah karna uchit mana jata hai. mangal krur evan papi grah mana jata hai. jatak ki kundli men mangal ke lagn se pratham, chaturth, saptam, ashtama evan dvadash bhav men sthit hone par jatak mangli kahlata hai. aise hi chandrama ko lagn manakar bhi mangal ki sthiti chandra lagn se pahle, chaithe, satven, athven ya barhven bhav men hone par jatak mangli kahlata hai. mangal dosh lagn se adhik prabal mana jata hai, lekin chandrama men iska dosh lagn ki tulna men kam hota hai. mangal dosh ke lie milan donon lagnon se karne ki pratha hai, lekin mahatva janm lagn ko hi dena avashyak hai. janmakundli men mangal grah ke pahle, chaithe, satven, athven ya barhven bhav men hone par jatak yadi kanya ho to var ki aur yadi var ho to patni ki mrityu ho jati hai athva vaivahik sukh men kami ati hai, aisa shastra kathan hai. yadi var-vadhu donon mangli hon to is dosh ka parihar ho jata hai. atah jis jatak ki kundli men mangal dosh ho use mangli kanya se tatha jo kanya mangli ho use mangli var se hi vivah karna chahie. vibhinn bhavon men mangal ka prabhavah jis jatak ke lagn men mangal vidyaman ho vah krodhi svabhav ka hota hai. pratham bhav men sthit mangal chaturth, saptam, ya ashtam bhav par drishti dale to patni ke svasthya par bura asar parta hai tatha patni sukh men nyunta ati hai. chaturth sthan: chaturth bhav sukh ka sthan hai, ghar ka vichar bhi chaithe bhav se karte hain. chaithe ghar men mangal ho to ghar ka sukh nasht karta hai. saptam sthan: pati ki kundli men saptam sthan patni ka tatha patni ki kundli men pati ka hota hai. saptama bhav sthit mangal jivan sathi ke svasthya par viprit asar dalta hai aur pati ya patni sukh men kami lata hai. ashtam bhav: guptang adi ashtama bhav se sanbandhit hote hain. ashtam bhav sthit mangal ayu ko bhi kam karta hai, striyon ke mangalya bhav par viprit prabhav dalta hai. ashtam bhav sthit mangal yadi dvitiya bhav par drishti dale to parivarik evan kutunb sukh men nyunta ati hai. dvadash bhav: dvadash bhav ko shayn sukh ka bhav kaha jata hai. ismen sthit mangal shayn-sukh ki hani karta hai. is prakar pratham, chaturth, saptam ya ashtam bhav men sthit hone par mangl vaivahik jivan men kasht utpann karta hai. isi karan vivah ke purva mangl milan ko vishesh mahatva diya jata hai. mangli var ki shadi mangli vadhu se ki jati hai taki unka vaivahik jivan sukhamay rahe. mangal dosh ka parihar: nimna grah sthitiyon men mangal dosh ka parihar ho jata hai. û yadi kanya ki janmakundli men janma lagn se pahle, chaithe, satven, athven ya barhven bhav men tatha var ke bhi inhin men se kisi ek bhav men mangl upasthit ho. û yadi kundli men mesh rashi ka mangl lagn men, vrishchik ka chaithe men makr ka satven men, kark ka athven men tatha dhanu ka barhven men sthit ho. û yadi dvitiya bhav men chandra-shukra ka yog ho ya mangal guru dvara drisht ho, kendra bhav men rahu ho ya rahu mangal ka yog ho. nimn sthitiyan hone par mangal dosh nahin hota hai. û yadi pahle, chaithe, satven, athven ya barhven bhav men shani ho. û balvan guru shukra lagn ya saptama bhav men ho. û kendra men bali chandrama sthit ho ya chandra-mangal yuti ho. û yadi kanya ki kundli men jahan mangl ho var ki kundli men vahan koi prabl pap grah (shani, rahu, surya) ho. isi prakar var ki kundli men jahan mangl ho vahan vadhu ki kundli men koi prabl pap grah (shani, rahu, surya) ho. û rashi maitri ho, gan bhi ek ho ya tis se adhik gun milte hon. û yadi kanya ki kundli men pahle, chaithe, satven, athven ya barhven bhav men se kisi bhi bhav men mangal sthit ho aur var ki kundli men inhin sthanon par mangal ke badle men krur papi grah shani, rahu ya surya sthit ho to bhaum dosh samapt ho jata hai. isi prakar var ki kundli men ukt bhavon men se kisi ek men mangal ho aur kanya ke us bhav men mangal n hokar shani, rahu ya surya ho to mangal dosh nahin hota. shani, rahu evan surya krur evan papi grah hain aur inmen bhi parivar men upadrav lane ki ghor kshamata hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.