अहोई अष्टमी व्रत पूजन

ahoi ashtami vrat pujn  

Ank ke aur Lekh | Sambandhit Lekh | Views : 2967 |  
ahoi ashtami vrat pujan yah vrat kartik krishn paksh ki ashtami ko kiya jata hai. is din se dipavli ka parva praranbh ho jata hai. is varsh san 2007 men ahoi ashtami ki tithi 1 navanbar, guruvar ko hai. is vrat ko ve striyan karti hain, jinke santan hoti hain. bachchon ki man din bhar vrat rakhen. sayankal asht koshthaki ahoi ki putli rang bharakar banaen. us putli ke pas sei tatha sei ke bachchon ke chitra bhi banaen, jaisa ki pustak men syau mata ka chitra diya gaya hai ya ahoi ashtami ka chitra mangva kar laga len tatha uska pujan kar suryast ke bad arthat tare niklne par ahoi mata ki puja karne se pahle prithvi ko pavitra karke chaik pur kar ek lote men jal bharakar ek patle par kalash ki bhanti rakh kar puja karen. ahoi mata ka pujan karke mataen kahani sunen. puja ke lie chandi ki ahoi pendal ke rup men banaen, jise syau bhi kahte hain. dore men chandi ke moti rupi dane dalva len fir ahoi ki roli, chaval dudh v bhat se puja karen aur jal se bhare lote par satiya bana len. ek katori men halva tatha rupye ka vayna nikalakar rakh len aur sat danen gehun lekar kahani sunen. kahani sunne ke bad ahoi syau ki mala ko gale men pahan len. jo vayna nikal kar rakha tha use sasu ji ke panv lagakar adar purvak unhen de deven. iske bad chandrama ko aghrya dekar svayan bhojan karen. dipavli ke bad kisi shubh din ahoi ko gale se utar kar uska gur se bhog lagaven aur jal ke chinte dekar mastak jhukakar rakh den. jitne bete hon utni bar tatha jitne beton ka vivah ho gaya ho, utni bar chandi ke do-do dane ahoi men dalti jaen. aisa karne se ahoi devi prasann hokar bachchon ki dirghayu karke ghar men nit nae mangal karti rahti hai. us din panditon ko petha, dan karne se vishesh fal ki prapti hoti hai. ahoi ka ujaman - jis stri ke beta hua ho, athva bete ka vivah hua ho, use ahoi mata ka ujaman karna chahie. ek thali men sat jagah char-char puriyan rakhakar un par thora halva rakhen. sath hi ek pili sari aur blauj us par samathryanusar rupye rakhakar thal ke charon taraf hath fer shraddh apurvak sas ji ke panv lagakar vah saman sas ji ko deven, sari tatha rupye sasu ji apne pas rakh len tatha halva puri ka vayna bant den. bahan beti ke yahan bhi vayna bhejna chahie. katha- ek nagar men ek sahukar raha karta tha. uske sat larke the. ek din uski stri khdan men mitti khodne ke lie gai aur jyon hi usne mitti men kudal mari tyon hi sehi ke bachche kudal ki chot se sada ke lie so gae. iske bad usne kudal ko syahun ke khun se sana dekha, to use sehi ke bachchon ke mar jane ka bara duahkh hua parantu vah vivash thi aur yah kam usse anjane men ho gaya tha. iske bad vah bina mitti lie hi khed karti hui apne ghar a gai. udhar jab sehi apne ghar men ai, to apne bachchon ko mara dekhakar nana prakar se vilap karne lagi aur ishvar se prarthana ki ki jisne mere bachchon ko mara hai, use bhi isi prakar ka kasht hona chahie. tatpashchat sehi ke shrap se se. thani ke saton larke ek sal ke andar hi mar gae. is prakar apne bachchon ko asamay men kal ke munh men chale jane par seth-sethani itne dukhi hue ki unhonne kisi tirth par jakar apne pranon ko taj dena uchit samjha. iske bad ve ghar bar chor kar paidal hi kisi tirth ki or chal diye aur khane pine ki or koi dhyan n dekar jab tak unmen kuch bhi shakti aur sahas raha tab tak chalte hi rahe aur jab ve purnataya ashant ho gae to ant men muchrchit hokar gir pare. unki yah dasha dekhakar bhagvan karuna sagar ne unko bhi mrityu se bachane ke lie unke papon ka ant chaha aur isi avasar par akashvani hui ki - he seth! tumhari sethani ne mitti khodte samay dhyan n dekar sehi ke bachchon ko mar diya tha, isi karan tumhen apne bachchon ka duahkh dekhna para. yadi ab punah ghar jakar tum man lagakar gau ki seva karoge aur ahoi mata devi ka vidhi-vidhan se vrat arambh kar praniyon par daya rakhte hue svapn men bhi kisi ko kasht nahin doge, to tumhen bhagvan ki kripa se punah santan ka sukh prapt hoga. is prakar ki akashvani sunakar seth sethani kuch ashavan ho gae aur bhagvti devi ka smaran karte hue apne ghar ko chale ae. iske bad shraddha shakti se n keval ahoi mata ke vrat ke sath gau mata ki seva karna arambh kar diya apitu sab jivon par daya bhav rakhte hue krodh aur dvesh ka parityag kar diya. aisa karne ke pashchat bhagvan ki kripa se seth aur sethani punah saton putra vale hokar aur agnit pautron ke sahit sansar men nana prakar ke sukhon ko bhogne ke pashchat svarg ko chale gae. shiksha - bahut soch vichar ke bad bhali prakar nirikshan karne par hi karya arambh karen aur anjane men bhi kisi prani ki hinsa n karen.
Kya aapko lekh pasand aaya? Subscribe

Kya aapko lekh pasand aaya? Subscribe


tantra, mantra evan mahalakshmi visheshank  November 2007

tantra mantra ka apsi sambandh, mahalakshmi ji ki upasna evan dipavli pujan, tantra mantra dvara dhan prapti, shri prapti men sahayak shri yantra, dipavli par ki jane vali tantrik siddhiyan, shri sukt, lakshmi sukt adi mantron ka mahatva

Subscribe

Apne vichar vyakt karein

blog comments powered by Disqus
.