दीपावली पर करें धनवृद्धि के कुछ श्रेष्ठ उपाय

dipavli par karen dhanvriddhi ke kuch shreshth upay  

Ank ke aur Lekh | Sambandhit Lekh | Views : 4266 |  
dipavli par karen dhanvriddhi ke kuch shreshth upay ke. ke. nigam lakshmi ki gahan chah vale vyakti ko dhan vriddhi ke lie dipavli ke pavan avasar par kuch saral aur satik upay to avashya hi karne chahie lekin saval uthta hai ki kya hon aise upay. aiye, janen aise hi kuch upayon ke bare men. manushya ke jivan men dhan ek bahut bari avashyakta hai. dhan ke bina koi bhi parivarik, samajik athva adhyatmik karya karna sanbhav nahin hai. dhan (lakshmi) ka agaman hota hai kathor parishram, lagan evan bhagya se, parantu kuch manushya kathor parishram, lagan se karya karte hain parantu bhagya ke mand hone ke karan dhanvriddhi nahin ho pati. aise manushyon ko dipavli ke pavan avasar par dhanvriddhi hetu nimnalikhit prayog karne chahiye. dipavli ko kisi bhi lakshmi- vishnu mandir men jakar sugandhit dhup arpit kare tatha hriday se dhanvriddhi karne ki prarthana kare. iske pashchat pratyek shukravar yah kriya dohrate rahen. pushya nakshatra men ‘shankhpushpi ki jar prapt kar dipavli ke din is jar ko ek chandi ki dibbi men rakhakar lakshmi-narayan ka dhyan karte huye dhup dip se pujit kare, fir ise apne kaish baks ya tijori men rakkhen. dipavli ke din brahmadev se anumti lekar ek pipal ka patta laye fir use gangajal se dhokar pochakar us par lal chandan se ‘ram’ likhe tatha kuch mithai rakhakar hanuman ji ko charha den. fir yah kriya mah men ek bar manglvar ko karen. dipavli ko pure ghar ki safai karen fir nirdharit samay par lakshmi pujan karen. fir pratyek amavasya ko yah prakriya karte rahen. dipavli ke din ek nariyal bara-sa len. fir usmen ek ched is prakar kare ki rupye adi iske andar ja sake. dipavli pujan men is nariyal ki bhi vidhivat puja karen aur fir ismen ek rupya dal kar tijori men rakh len, fir jo bhi dhan laye usmen se ek rupya ismen dale. dhyan yah rakhna hai ki din men jitne bar bhi ghar men dhan laye usmen se ek ru. dalna hai, jab yah bhar jaye to ismen jama dhanrashi nikalakar shukravar ko kanyaon men bant de tatha nariyal ko jal men pravahit kar den. shukravar ko hi dusra nariyal lekar isi prakar age bhi karte rahen. dipavli ke din kisi suhagin mahila ko shringar samagri dan de. fir char guruvar yah karya aur karen. dipavli ke din lal reshmi vastra men 11 chuhare rakhakar potli banakar tijori men rakhen. dipavli ke din se ghar ki chat par pratahkal pratyek din kale til bikher diya karen. dipavli pujan ke sath ek chandi ki dibbi men thora-sa sindur aur tin gomti chakra rakhakar inka bhi pujan karen. fir sindur se puri dibbi bharakar isko tijori men pile vastra men bodhakar rakhen. dipavli ke din 11 kauriyon ko kesar se rangakar, lakshmi pujan ke sath un ka bhi puja karen aur fir pile vastra men bandhakar tijori men rakkhen. pile reshmi vastra par 7 gomti chakra, 3 puja vali supari evan ek moti shankh men ek chandi ka sikka dalakar dipavli ke din puja sthal par rakkhe, lakshmi pujan ke pashchat ‘ain hrin shrin klin’ mantra ki ek mala jap karen. pratyek jap par chaval ka ek akhandit dana moti shankh men dalte rahen. antim jap par yadi shankh chaval se purn n bhara ho to antim jap men chaval se pura bhar den. fir is sanpurn samagri ko rakkhe gaye vastra se bandhakar tijori par latka den.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.