नाभि चढ़ना : एक वास्तविक समस्या

nabhi charhna : ek vastavik samasya  

Ank ke aur Lekh | Sambandhit Lekh | Views : 65533 |  

nabhi ka apne sthan se hat jana, manav sharir men asvasthata paida kar, kai prakar ki sharirik vyadhiyan utpann karta hai, jinka samadhan nabhi ko punah yathasthan par la kar hi hota hai, aushdhiyon se nahin. is rog ko nabhi khiskna, nabhi charhna, dharan ka talna adi namon se jana jata hai.

shishu rup men jab manav garbhavastha men hota hai, tab nabhi hi ekmatra vah marg hota hai, jiske madhyam se vah apni sabhi mahattvapurn kriyaon, jaise sans lena, poshak tatvon ko grahan karna tatha vyarth aur hanikarak padarthon ka nishkasan karta hai. janmoprant shishu ke garbh se bahar ate hi sabse pahla karya uski nabhi aur man ke plesenta ka sanbandh vichchedan karna tatha shishu ki nabhi-rajju ko kas kar bandhna hota hai.

udar aur anton se sanbandhit rogon men, jaise kabj aur atisar adi ka jab sabhi prakar ke nirikshan karne par bhi rog ke karan malum n hon, mal-parikshan karne se bhi kisi jivanu ka pata n chale, rogi men pachak ras, pitt aur punahsaran gati samanya ho, lekin uske udar ke sharirik parikshan men nabhi par dhamni ki tivra dharakan mahsus n ho kar usse kuch hat kar pratit hoti ho, jabki samanya avastha men yah dharakan nabhi ke bilkul madhya men mahsus hoti hai aur iske atirikt rogi ke donon stanon ke kendra ki nabhi ke madhya se duri ek saman n ho kar alg-alag hoti ho, rogi ke hath ki donon kanishtha anguliyon ki lanbai bhi saman n ho kar kuch choti-bari malum hoti ho, jabki samanya aur svasth vyakti men kanishtha anguliyon ki lanbai ek saman hi hoti hai, to kuch vishesh prayason ke dvara jab nabhi ke kendra ko uske kendra men punah sthapit kar diya jata hai, to rogi ko, bina kisi aushdhi upchar se, in rogon se mukti mil jati hai.

pramukh lakshana: nabhi charhna, nabhi khiskna, dharan ka talna adi namon se jane jane vale rog ka sabse pramukh lakshan to yahi hai ki nabhi apne kendra men n ho kar uske aspas hoti hai, jiske karan ant men mal samanya gati se age nahin barhta aur ant men asthayi avrodh a jane se vyakti ko kabj rahne lagti hai, antriyon men mal jama hone lagta hai. isi karan nabhi ka sthan sparsh karne se kathor pratit hota hai.

anton men mal ke adhik jamav se nabhi spandan kuch madhyam hota jata hai aur rogi ke pet men bharipan tatha dhima dard rahne lagta hai. kabhi-kabhi ant men avrodh ke bajay unke apne visthapan, ya kisi anya ang ke dabav se ant men tivra uttejna utpann hone lagti hai, jisse choti ant ki punahsaran gati tatha brihat ant ki samuh gati tivra ho jati hai. mal paryapt samay tak antriyon men ruk nahin pata hai. uske poshak padarthon evan jal ansh ka avshoshan n ho pane se rogi ko maror ke sath dast ane lag jate hain. aisi sthiti men anten kathor to pratit nahin hotin, kintu, unmen taral bhara hone ke karan, nabhi ki spandan ki ek tarang si kai sthanon par mahsus hota hai.

rogi men atisar vali yah avastha yadi adhik samay tak bani rahe, to uske karan rogi ke sharir men vibhinn poshak tattvon aur jal ka abhav najar ane lagta hai. nabhi pradesh men sthit ant ke kisi bhag ke visthapan se kai bar udar men sthit kisi mahatvapurn ang ko rakt ki apurti karne vali rakt dhamni, athva rakt shira par dabav parne se vah dabne lag jati hai. aisa hone par us ang vishesh ki rakt ki purti ghat jane se us ang ki karyapranali prabhavit hone lag jati hai tatha tatsanbandhit rogon ka janm hota hai. yadi un angon se rakt ki nikasi prabhavit hoti hai aur un angon ki vibhinn rasaynik kriyaon ke karan utpann hue vyarth padarth, rakt ke sath vapis n ja kar, unhin angon men sanchit hone lag jate hain. isse un angon ka akar barhne lagta hai aur, kai prakar ke vikar utpann ho kar, tatsanbandhi rogon ko janm dete hain.

karn: nabhi khiskne ke kai karan hain, jaise achanak chalte samay unchi-nichi jagah par panv parna, sharir ko santulit kiye bina jaldabaji men vajan uthana, unchai se chalang lagana, skutar, kar, bas adi men safar karte samay vahan ka kai bar uchlne se jhatka lagna. pet men kisi prakar ka aghat hona. striyon men kai bar garbhavastha men nabhi par antrik dabav se bhi nabhi apne sthan se hat jati hai.

upchar: ayurvedik chikitsa pranali ke atirikt kisi anya chikitsa paddhati ne ise manyata pradan nahin ki hai. lekin jab vishesh prakar ki taknikon se in rogon men sthayi labh milte dekha jata hai, tab is rog ki kalpana ko svikar karna parta hai.

nabhi ko apne sthan par punahsthapit karne ke lie bharat men saikron vidhiyan prachlit hain. inmen se kuch parikshit vidhiyan is prakar hain: pratah kal ek chammach anvle ka churn, ek gilas gungune pani se, athva gungune pani men ek ninbu nichor kar pi len. yadi shauch visarjan ki harakat ho, to shauch ke lie jaen, athva ek-do kilomitar sair karne ke lie kisi khule sthan, bag-bagiche men jaen. lagabhag ek ghante ke uprant kisi bhi chij, jaise per ki shakha, ko donon hathon se pakar kar latak jaen. latkne par pair jamin se ek fut unchen rahen aur latke-latke pairon ko jor se char-panch bar jhatka dane aur pairon ko puri shakti se jamin ki taraf khichte hue tanen. aisa kar ke, niche utar kar, let jaen aur lete-lete apne pet par svayan ke hathon se, ya kisi se malish karvaen. donon hathon ki hatheliyon ko nabhi par rakhen tatha halke dabav ke sath hathon ko donon taraf failate hue pasliyon ke pas laen. fir, hathon ko bina hatae, pasliyon ke madhya joren tatha halke dabav ke sath sidhe nabhi ki taraf le jaen. is vidhi se nabhi apne sthan par sthit ho jati hai.

shvasan men let kar, pet par nabhi ke upar jalta hua dipak rakh kar, ek lota, ya garvi ko usapar ulta rakh den. thori der men dipak bujh jaega aur lota nabhi kshetra ki tvacha par chipak jaega tatha tvacha lote men ubhar jaegi. isse bhi nabhi yathasthan par a jati hai.

anya upcharon men rog ke lakshanon ke adhar par chikitsa karen. halka vyayam, yogasan, ya ekyupreshar, kushal chikitsak ki dekhrekh men, karen.

ahar chikitsa: anton ki durbalata se yah rog bar-bar hota hai. anton ko sabal banane ke lie fal, sabjiyan bharpur khaen. falo men santra, mausmi, bel, anar, tarbuj, nashpati, seb adi ka bharpur upyog karen.

jyotishiya drishtikon: kal purush ki kundli men pancham bhav nabhi ka mana gaya hai. lekin anubhav ke anusar pancham bhav men iska sthan pancham bhav ke antim anshon par hai, arthat pancham aur shashth bhav ki sandhi ke nikat. islie pancham bhav, panchmesh, pancham bhav ke sthir karak guru ke sath-sath lagn aur lagnesh jab dushprabhavon men rahte hain, to nabhi se sanbandhit sharirik samasyaen banti hain. isi tarah sinh rashi ka antim charan bhi nabhi ka hai, kyonki sinh rashi ke svami surya ke dushprabhavon men rahne se bhi aisa rog ho jata hai.

vibhinn lagnon men nabhi khisknaah

mesh lagna: budh pancham bhav men, lagnesh mangal ashtam bhav men, shani se yukt guru lagn men, rahu navam bhav men, surya shashth bhav men hon, to nabhi sanbandhi rog hota hai.

vrish lagna: lagnesh shukra dasham, ya navam bhav men budh yukt surya se ast ho, akarak guru pancham bhav men ho, shani tritiya bhav men ho, mangal dvitiya bhav men ho, to nabhi apne sthan se vichlit ho jati hai.

mithun lagna: lagnesh budh, akarak mangal pancham bhav men saman anshon par hon, panchmesh shukra saptam bhav men ekadash bhav men baithe guru se drisht ho, surya shashth bhav men ho aur ketu se yukt, ya drisht ho, to nabhi sanbandhi vikar paida hote hain.

kark lagna: lagnesh chandra surya se ast ho, budh pancham bhav men rahu se yukt ho, guru shashth bhav men, panchmesh mangal ashtam bhav men, shani gyarhven bhav men ho, to nabhi se sanbandhit vikar hote hain.

sinh lagna: panchmesh guru, surya se ast ho kar, navam dasham, ya ekadash bhav men ho, shani rahu se yukt pancham bhav men ho, mangal shashth bhav men ho, to nabhi ki vyadhi hoti hai.

kanya lagna: panchmesh shani ashtam bhav men ho, lagnesh budh surya se ast ho kar dvitiya bhav men ho, mangal pancham bhav men ho, guru shashth bhav men chandra se yukt, ya drisht ho, to nabhi men kasht hota hai.

tula lagna: panchmesh shani, surya se ast ho kar, dasham, ya ekadash bhav men ho, lagnesh shukra navam bhav men ho, guru pancham bhav men chandra se yukt, ya drisht ho, to jatak ko nabhi sanbandhi rog hota hai.

vrishchik lagna: budh pancham bhav men, surya chaturth men, lagnesh mangal dasham, ya gyarhven bhav men hon, shani shashth bhav men, ya ashtam bhav men ho, rahu lagn men ho, to jatak ko nabhi vikar hota hai.

dhanu lagna: shukra-chandra pancham bhav men hon, guru ashtam bhav men surya se ast anjir ek mitha, mulayam, gudedar tatha svasthyavarddhak fal hai. iska guda mitha hota hai aur bij chote hote hain. iske kai akar aur rang hote hain. ismen nami, protin, chiknai aur karbohaidret tattva hote hain. sukhi anjir men poshak tatva adhik hote hain. ismen sabse mahatvapurn poshak tatva sharkara hai. anjir men anek rognashak gun hote hain, jo, bimari se ayi kamjori ko dur kar, samanya svasthya prapt karne men sahayta karte hanai. yah, sharirik aur mansik tanav dur kar, sharir ko sfurti aur shakti pradan karta hai. anjir ko dudh men ubal kar pine se sharirik shakti men vriddhi hoti hai. yah ek uttam shaktivarddhak aushdhi hai. jinke honth ful jate hain aur jibh par chale ho jate hain, unhen anjir ke sevan se labh hota hai. yah hriday rogon men upyogi hai aur nak se khun girna band karta hai. sukhe anjir men madhumeh aur shvas rognashak gun hain. anjir sab sukhe mevon se adhik labhdayak hai. yah chehre ki kanti barhata hai, balagam ko pighla kar bahar karta hai. vah purani khansi men ho, budh saptam bhav men, rahu lagn men, panchmesh mangal dvitiya bhav men hane, to jatak ko nabhi se sanbandhit vikar hota hai.

makar lagna: panchmesh shukra ast ho kar trik bhavon men, guru pancham bhav men mangal se yukt, ya drisht ho, lagnesh shani surya se shashth, saptam, ya ashtam ho, to jatak ko nabhi se sanbandhit rog hota hai.

kunbh lagna: lagnesh shani lagn men ho aur kisi grah se drisht, ya yukt nahin ho, guru shashth bhav aur pancham bhav ki sandhi ke nikat ho kar shashth bhav men ho, panchmesh budh trik bhavo men surya se ast ho, shashthesh chandra pancham bhav men ho, to jatak ko nabhi se sanbandhit rog hota hai.

min lagna: lagnesh guru lagn men apne hi nakshatra men ho, panchmesh chandra surya se ast ho kar shashth bhav men ho, budh-shukra pancham bhav aur shani ke nakshatra men hon, to jatak ko nabhi se sanbandhit rog vikar hota hai. rog, sanbandhit grah ki dasha, antardasha aur gochar ke pratikul rahne se utpann hota hai. jabatak sanbandhit grah prabhavi rahega, tabatak rog dega. uske uprant rog se rahat milegi.

Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.