दीपावली - एक पंचपर्व

dipavli - ek panchaparva  

Ank ke aur Lekh | Sambandhit Lekh | Views : 5051 |  
vaibhav aishvarya ki adhishthatri devi lakshmi ka samaradhan parva dipavli - ek panchaparva shashi shekhar shukla lakshmi ki vistrit aradhna ka vishisht parva hai dipavli. yadi dekha jay to bharat men yahi ek matra sarvadeshik parva hai uske manane ke karan chahe pratyek kshetra ke lie kuch alag prakar ke rahe hon, parantu is vishisht parva ke sath ane vale tyohar kuch nishchit kshetron tak simit ho sakte hain. in sabhi ke bare men vishisht jankari prapt karne ke lie ap is lekh ka gahan adhyayan kar sakte hain. pashchatya vidvanon ka kathan hai ki jin deshon men evan jatiyon men jitne adhik utsav manayen jate hain, ve desh tatha jatiyan utne hi samriddh evan unnat samjhe jate hain. is kathan ki kasauti par yadi bharat ko dekha jay to vidit hoga ki vishva men bharat ek sarvadhik jivant rashtra hai. bhartiya panchag men aisi tithi nirali hi hogi jo kisi parva, vrat, utsav athva tyauhar se sambaddh n ho. bharat men manaye jane vale parva ya tyohar do prakar ke hain. kuch sarvadeshik hain tatha kuch ekdeshiya ya kshetriya. holi, dipavli, dashhra, rakshabandhan, shriram navmi, shri krishn janmashtami evan shivratri sarvadeshik parva hain jabki ganesh chaturthi (maharashtra), nagpanchmi (bangal), hariyali tij (rajasthan), vaishakhi (panjab) adi vyapak hote huye bhi manyata ki drishti se ekdeshiya athva kshetriya. markandey puranantargat shri durgasaptashati men in tin ratriyon ka ullekh darun ratriyon ke rup men hua hai - 1. kalratri 2. maharatri 3. mohratri. kalratri se abhipret hai holi, (hutashni), maharatri se shivratri tatha mohratri se abhipret hai dipavli. dusre jitne bhi parva, utsav, vrat athva tyohar hain. ve sabhi din ke dhaval prakash men hi samaroh purvak manaye jate hain. keval dipavli tatha shivratri evan shrikrishn janmashtami aise parva hanai jo ratri men manaye jate hain. holi, dipavli evan shivratri ko darun bataya gaya hai evan in ratriyon men ratri jagaran ka vidhan kiya gaya hai. ratri-jagaran ke sath-sath upvas purvak devarchan ko prashast bataya gaya hai. devarchan ke liye spasht rup se kaha gaya hai ki - ‘devo bhutva dev yajet’ dev kaise bana jay? iska samadhanatmak uttar shrimadbhagavadagita men is prakar diya gaya hai - ‘vishya vinivartante niraharasya dehinah.’ (2/59) arthat vyakti jab vishyon ka tyag kar upvas karta hai, tab vah vishy- vasna se mukt hokar devtulya ho jata hai. anubhav batata hai ki vishy-vasna athva kalushit bhavnaon se mukt hokar chittavrittiyon ko atma athva sadgunon men sannivisht karne ki perarna upvas kal men visheshtah hoti hai. yahi karan hai ki upvaspurvak devarchan ko hamare yahan prashast mana gaya hai. parvo ki shrrinkhla men yun to sabhi parvotsavon, tyoharon ka apna-apna mahatva hai. parantu varn vidhan se shravni ko brahmanon ka, vijyadshmi (dashhra) ko kshatriyon ka, dipavli ko vaishyavarg ka evan holi ko antyajon (shudron) ka tyauhar mana jata hai. purvakal men vastusthiti jo bhi rahi ho. parantu aj ye charon parva hindumatra ke parva hain. inmen sabse garimapurn tyohar hai ‘dipavli’. jahan anya tyohar keval ek-ek din manaye jate hain, vahin dipavli parva kartik krishn trayodshi se kartik shukla dvitiya tak satat panch din tak manaya jata hai. is parva ko niahsankoch dharmashrit rashtriya parva kaha ja sakta hai. dhanteras dipotsav ka prarambh kartik krishn trayodshi arthat dhanteras se hota hai. is din ek or vaidyasmuday bhagvan dhanvantari ka pujan kar rashtra ke liye nitya svasthya, samriddhi ki yachna karta hai, vahin dusri or samanya grihasth yamraj ke nimitt tel ke dipak jalakar apne-apne ghar ke mukhya dvar par rakhte hanai aur tamso man jyotirgamay ko charitarth karte hain. puranon ke anusar kartik mah yamuna snan evan dipdan dvara vishesh faldayi pratipadit hua hai. dhanteras ke din yamuna snan karke, yamraj aur dhanvantari ka pujn-darshan kar yamraj ke nimitt dipdan karna chahiye. is din yadi upvas rakha ja sake to atyuttam hai. sandhya ke samay dipdan karna chahiye. dhanteras ke sambandh men ek katha hai - ek bar yamraj ne apne duton se pucha ki tum log anant kal se jivon ke pranaharan ka dukhad karya karte a rahe ho, kya kabhi yah karya karte samay tumhare man men daya ayi aur vichar aya ki is prani ke pran n liye jayen ? yadi aisi sthiti kabhi ayi ho to mujhe batao. yah sunakar ek yamdut ne bataya - ‘prabho. hans namak ek pratapi raja tha. ek bar vah akhet ke liye van men gaya aur marg bhatakakar dusre raja hemraj ke rajya men ja nikla. shram-klesh tatha bhukh pyas se vyakul raja hans ka hemraj ne bahut adar, samman kar svagat kiya. usi din raja hemraj ko putra prapti hui thi. atah raja hans ke agaman ko putra prapti ka nimitta-karan manakar usne agrahpurvak raja hans ko kuch dinon ke liye apne yahan rok liya. chathi ke din samarohpurvak rajputra ka janmotsav manaya ja raha tha. kisi bhavishyavetta ne bataya ki vivah ke char din bad balak ki mrityu ho jayegi. yah sunte hi sara rajya shoksagar mane dub gaya. raja hans ko jab yah duahkhdayi samachar mila to unhonne raja hemraj ko ashvast karte huye kaha-ap purnatah nishchit rahen. main rajkumar ki pranaraksha karuga. apne vachan ki raksha ke liye raja hans ne yamuna tat par ek girigahvar men durg ka nirman karakar usmen gurhrup se rajkumar ke rahne ki vyavastha kar di. vahin rahte huye rajkumar yuva huye. raja hemraj ke apne mitra raja hans ki prerna se uska vivah ek anupam sundari kanya se kar diya. vah yugal sakshat kam aur rati ka avtar pratit hota tha. raja hans apne mitra-putra ki pranaraksha ke liye is dukhad drishya ko dekhakar ham svayan rone lage. parantu karte kya ? paravash the. ham us karya se virat ho nahin sakte the. yamraj is ghatna ko sunakar kuch der chup rahe, fir bole-‘tumhari is karunik katha se main svayan vichlit ho gaya hun. par karun kya, vidhi ke vidhan ki raksha ke liye hi hamen aur tumhen yah apriya karya saunpa gaya hai.’ dut ne yah sunakar pucha, ‘svamin ! kya aisa koi upay nahin hai jisse is prakar ki duahkhad akal mrityu se praniyon ko mukti mil sake.’ dut ka kathan sunakar yamraj ne uparyukt vidhi se dhanteras ke pujan aur dipdan ki charcha karte huye kaha-iske karne se manushya ko kabhi akal mrityu ka samna nahin karna parega. yahi nahin, jis ghar men yah pujn-vidhan kiya jayga. us ghar men bhi koi akal mrityu nahin hogi. tabhi se dhanteras ke din yamraj ke nimitt dipdan ki pratha chali a rahi hai. dipdan karte samay is mantra ko parhna chahiye - mrityuna pashahasten kalen bharyaya sah trayodashyan dipdanat suryajah priyatamiti..’’ (padam puran uttar khand 122/5) dusri katha dev-danvon dvara samudra manthan se amrit-kalash liye prakat hone vale dhanvantari se sambaddh hai jinhonne yambhag pane ke liye bhagvan narayan se yachna ki thi. tatpashchat bhagvan narayan ne kaha-yambhag jinhen mila tha mil chuka. ab kuch nahin ho sakta. tum devputra ho, tumhen dusre janm men jivan ki sarthakata prapt hogi. tumhare dvara ayurved ka prachar-prasar hoga evan tum usi sharir se devatva vividh upay kar rahe the. parantu apke vidhan ko anyatha karne ki shakti unmen nahin thi. vivah ke chaithe hi din hamen uske pranaharan ka apriya karya karna para. prabho! jab ham uske pran lekar chale us samay ka drishya main kabhi nahin bhula, vivah ke manglik samaroh men lin rajsmaj men jaise hamne ag laga di. prapt karoge. bhagvan dhanvantari ka prakatya dhanteras ke din hua tha atah dhanteras ko unki jayanti ke rup men manaya jata hai tatha unki puja kar rog vimukt svastha-jivan ki yachna ki jati hai. narak chaturdashi dipotsava-parva ka dusra din narak chaturdashi athva rupchaidas ke rup men manaya jata hai. ise choti dipavli bhi kaha jata hai. narak prapt n ho tatha papon ki nivritti ho, is uddeshya se pradoshkal men char battiyon vala dipak jalana chahiye. dipdan ke samay nimnalikhit mantra ka uchcharan karna chahiye. ‘datto dipashchaturdashyan narakapritye maya. chaturvartismayuktah sarvapapanuttaye..’ puranon ke anusar aj hi ke din bhagvan shrikrishn ne narkasur ka vadh karke jagat ko bhaymukt kiya tha. is vijay ki smriti men yah parva manaya jata hai. shastranusar dhanteras, narkchturdashi, evan dipavli ka sambandh visheshtah yamraj se jura hai. tinon din unke nimitt dipdan kiya jata hai. narak chaturdashi manane ki vidhi - is din suryoday se pahle uthakar shauchadi se nivritt ho tel malish kar snan karna chahiye, kahin-kahin hal men lagi hui mitti, apamarg, bhatktaiya, evan tumbi ko mastak par lagakar ghumakar snan karne ki paripati bhi hai. snan ke pashchat yamraj ke nimitt tarpan aur jalanjli deni chahiye. jo manushya is din suryaeday ke pashchat snan karte hain athva sayankal yamraj ke nimitt dipdan nahin karte, unke shubh karmon ka nash hota hai. dipotsav parva ka tisra din dipavli ke nam se jana jata hai. bharatavarsh men manaye jane vale sabhi tyoharon men is utsav parva ka apna mahatva hai. is parva ke sath hamara yug-yug ka itihas is prakar jura hua hai ki chahakar bhi ham un sab tathyon ko vismrit nahin kar sakte jo itihas puranadi puratan ke madhyam se ham sabatak pahunche hain. skand puran, padm puran tatha bhavishya puran men iski vibhinn manyatayen upalabdh hoti hain. kahin maharaj prithudvara prithvi-dohan kar rashtra ko dhan-dhanyadi se samriddh bana dene ke upalakshya men dipotsav manaye jane ka ullekh milta hai, to kahin aj ke din samudra - manthan se bhagvti paramba lakshmi devi ji ke prakatya ki prasannata men janmanas ke ullas ka dipotsav rup men praktit hona varnit hai. kahin kartik krishn chaturdashi ko bhagvan shri krishn dvara narkasur ka vadh kar uske bandigrah se 16 hajar raj kanyaon ka udvar karne par. dusre arthat amavasya ke din bhagvan shri krishn ka abhinandan karne ke liye sajjit dipmala ke rup men. tatha kahin (mahabharat adi parva men) pandavon ke sakushal vanvas se lautne par prajajnon dvara unke abhinandanarth dipmala se unka svagat karne ke prasang se is parva ka sambandh jora gaya hai. kahin shri ram ke vijyopalakshya men ayodhya men unke svagtarth prajjavalit dipmala se prakrit dipavli ka sanbandh sthapit kiya gaya hai. kahin samrat vikramaditya ke vijyopalakshya men janmanas dvara chakravarti samrat ka dipmalika prajjavalit kar unka abhinandan karne ka ullekh hai. sanatkumar sanhita men vaman rupdhari bhagvan vishnu ne kartik krishn trayodshi se amavasya tak ke tin dinon men daityaraj bali se sanpurn lok lekar use patal jane par vivash kiya tha. sarvasva le lene par bhagvan vaman ne bali se ichchit var mangne ko kaha to bali ne lok kalyan ke liye yah var manga - prabho ! apne mujhse tin din men tinon lok grahan kiye hain. atah main chahta hun ki uparyukt tin dinon men jo prani mrityu ke devta yamraj ke uddeshya se dipdan kare, use yam ki yatna n bhogni pade. evan grih (lakshmi se) vihin n ho. shrimnnarayan ne raja bali ke kathnanusar hi svikriti di. tabhi se yam ke nimitt dipdan karne ki parampara pari. tisra din is parva ka mukhya din hota hai kyonki isi din bhagvti parashakti lakshmi ji ki arti dipmalika dvara ki jati hai. dipotsav ka samajik evan dharmik donon drishtiyon se apratim mahatva hai. samajik drishti se is parva ka mahatva isliye hai ki dipavli agaman ke paryapt samay purva se hi grihon (gharon) men grih dvar ki svachchata par dhyan diya jata hai. ghar ka kura-karakat saf kar evan tut-fut sudhrvakar ghar ki divaron par safedi tatha darvajon par rang-rogan kiya jata hai jisse n keval unki ayu barh jati hai apitu akarshan bhi barh jata hai, varshakalin asvachchata ka parimarjan bhi ho jata hai. svachch evan sundar vatavaran sharir aur mastishk ko navchetna tatha sfurti pradan karta hai. dipotsav ke din dhankuberon ke gharon se lekar shramikon ki jhopriyon tak men dipavli ka prakash kisi n kisi rup men apni prabha vikirn karta hua avashya drishtigochar hota hai. sabhi varn apni-apni kshamata ke anusar is parva ki agvani karte hanai aur apni-apni sthiti tatha maryada ke anusar iske sarvavyapi anand men hissa lete hain. iske sath hi is parva ka sarvadhik akarshak pahlu yah hai ki is din nirdhan evan sanpann donon hi purusharth se prasann hone vali paramba bhagvti parashakti lakshmi ki samaradhna kar ke unki kripa prapt ki asha karte hain. dipotsav chirkal se hi varn, varg evan ashram ki maryada ka atikraman kar sabko saman rup se anand vitaran karta chala a raha hai. yadyapi holi aur vijyadshmi ke saman ismen amod-pramod ke vibhinn sadhan ekatra nahin ho pate. tathapi yah kaha ja sakta hai ki dipotsav jagrukta aur karmathata ka jo sanudar sandesh deta hai vah anya vraton evan parvon ki apeksha kahi adhik upadey hai. dipotsav parva par dhan ki prabhut prapti ke liye dhan ki adhishthatri dhanda bhagvti lakshmi ki samarohpurvak prarthana ke sath shodshopchar puja ki jati hai tatha unka avahn kiya jata hai (shri sukt ke mantro se). arthat jin bhagvti lakshmi ka svarup man evan vani dvara n jan pane ke karan avarnaniya hai jo nij mandahasya se sabko ahladit karne vali hain, hiranyadi upyogi padarthon dvara jo charo or se avrit hai jo sneh tatha ardra hriday vali hain. un tejomyi purnakama, bhakton ka manorath purn karne vali, kamal par virajman kamlake saman varnavali bhagvti lakshmi ka main avahan karta hun. arsh granthon ke anusar jo vyakti dipotsav men ratri jagaran kar bhagvti lakshmi ka shastriya vidhi se pujan karta hai, uske grih men lakshmi ka nivas hota hai. evan jo alasya evan nindra ke vashibhut ho bhagvti dhanda ke pujan se vimukh rahta hai, uske ghar se lakshmi ruthakar chali jati hai. yahan jagaran se abhipret apne utkrisht purusharth par avalambit rahna athva purushartharat rahna aur purusharthi ko lakshmi ki prapti hona avashyak anivarya hai, kyonki kaha gaya hai - ‘udyoginan purushsinhmupaiti lakshmiah’ is prakar dipotsav ka bhartiya parvo men mahatvapurn sthan hai. abal vriddh mahinon purva se iske agaman ki utsuktapurvak pratiksha karte hain. aur jab yah dipotsav ata hai tab sollas uski agvani karte hain. dipotsav manane ki shastriya vidhi dipotsav ke din man aur vicharon ko pavitra kar utsah evan ullas se paripurn ho bhagvti dhanda ke samaradhnarth prastut hona chahiye. pratah brahm muhurt men uthakar dainik krityon se nivritt ho pitrigan tatha devtaon ka pujan karna chahiye. sambhav ho to dudh, dahi evan ghrit dvara pitron ka parvan shraddh karna chahiye. yadi yah sanbhav n ho to din bhar upvas kar godhuli vela men athva vrish, sinh vrishchik adi sthir lagn men (prashast vrish evan sinh hi hai) shri ganesh, kalash, shodshmatrika evan navagrah pujnpurvak bhagvti lakshmi ka shodshopchar pujan karna chahiye. iske anantar mahakali ka davat rup men, mahasarasvati ka kalm-bahi adi ke rup men tatha kuber ka tula ke rup men savidhi pujan karna chahiye. isi samay dippujan kar yamraj tatha pitrignon ke nimitt sankalp sahit dipdan karna chahiye. tatpashchat ghar-dvar, bagiche, snanagar, chairaha adi sthanon par evan nadiyon par tailpurn prajvalit dip rakhne chahiye. pavn-pujan sthalon (tulsi chaira, mandir adi) men ghi ke dipak jalane chahiye. bhagvti lakshmi ki puja pavitra vedi ki rachna kar tatha us par raktabh ashtadal kamal par lakshmi ki murti sthapit karke karni chahiye. jinke ghar men prithk-prithak pujan kaksh hon, unhen us kaksh ko chitra-vichitra vastron, patra-pushpadi se susajjit kar vahan purn shraddha tatha shakti ke anusar ekatrit pujn-samagri se paramba lakshmi ki puja karni chahiye. pujan ke anantar pradakshina kar bhagvti ko pushpanjli samarpit karni chahiye. adhi rat ke bad ghar ki striyan sup adi bajakar alakshmi (daridrata) ka nissaran karti hanai. yah vishvas kiya jata hai ki dipotsav ki ratri men vishnu priya lakshmi sadgrihasthon ke gharon men vicharan kar yah dekhti hain ki hamare nivas yogya ghar kaun-kaun se hain evan jahan-jahan unhen apne nivas ki anukulta dikhayi parti hai vahin ram jati hain. atahev manav ko aj ke din apna ghar aisa banana chahiye jo bhagvti lakshmi ke manonukul ho aur vahan pahunchakar ve anyatra jane ka vichar bhi apne man men n layen. bhagvti lakshmi ko kaun -kaun si vastuyen priya hain athva apriya hanai iska vivechan ativ kushlta se mahabhartadi granthon men kiya gaya hai. mahabharat men spasht rup se bataya gaya hai ki ghar ki svachchata, sundarata aur shobha to bhagvti lakshmi ke nivas ki prathmik avashyakta hain hi. sath hi unhen ye sab apekshit hanai. jaisa ki devi rukmini ke yah puchne par ki he deviah ! ap kin-kin sthanon par rahti hain, tatha kin-kin par kripakar unhen anugrihit karti hanai? svayan lakshmi ji batati hain - ‘vasami nityan subhge pragalbhe dakshe nare karmani vartamane. akrodhne devpre kritagyae jitendriye nityamudirnasatve.. svadharmashileshu ch dharmavitsu vriddhopsevanirte ch dante. kritatmani kshantipre samarthe kshantasu dantasu tathablasu.. vasami narishu pativratasu kalyanshilasu vibhushitasu.. (maha0, dan-dharm parva. 11/6/10/14) isi prakar ek bar mahalakshmi ne bhakt prahlad ko bataya ki tej, dharm, satya, vrat, bal evan shil adi manviya gunon men mera nivas rahta hai. in gunon men shil evan charitray mujhe sarvadhik priya hai. mai ! shilvan purushon ka varan karti hun. (maha0 shanti0 124) aise hi ek bar lakshmi ne raja bali ka parityag kar diya tha. iska karan devraj indra ko batate huye lakshmi ji ne kaha - satya, dan, vrat, tapasya, parakram evan dharm jahan vas karte hain, vahi mera nivas rahta hai. (maha0, shanti0 225) arthat main un purushon ke gharon men satat nivas karti hun jo saubhagyashali, nirbhik, sachcharitra tatha kartavyaprayan hain. jo akrodhi, bhakt, kritagya, jitendriya tatha satvasanpann hote hain aur svabhavtah nij dharm, kartavya tatha sadacharan men satarkatapurvak nirat rahte hain. isi prakar un striyon ke ghar priya hain jo kshamashil, jitendriya, satya par vishvas rakhne vali hoti hain tatha jinhen dekhakar sabka chitt prasann ho jata hai, jo shilvti, saubhagyavti, gunvti, patiprayna, sabka mangal chahne vali tatha sadgun sanpann hoti hanai. bhagvti lakshmi kin vyaktiyon ke gharon ko chorakar chali jati hai. is vishay men ve svayan devi rukmini se kahti hai - jo purush akarmanya, nastik, varnasankar, kritadhn, durachari, krur, chor tatha gurujnon ke dosh dekhne vala ho, uske bhitar main nivas nahin karti hun. jinmen tej, bal, sattva evan gaurav ki matra bahut thori hai, jo jahan-tahan har bat men khinn ho uthte hain, jo man men dusra bhav rakhte hain. aur upar se kuch aur hi dikhte hain aise manushyon men main nivas nahin karti hun. isi prakar un striyon ke ghar bhi mujhe priya nahin. jo apne grihasthi ke samanon ki chinta nahin kartin, bina soche-vichare kam kartin hain, pati ke pratikul bolti hain, v paraye ghar men anurag rakhtin hain, nirlajj, papakarm men ruchi rakhne vali apvitra, chatori, adhir, jhagralu tatha sada sone vali hain. aisi striyon ke ghar ko chorakar main chali jati hun. uparyukt gunon ka abhav hone par athva durgunon ki vidyamanta hone par bhale hi kitni bhi savdhani se lakshmi-pujan kiya jay, bhagvti lakshmi ka nivas unke grih men nahin ho sakta. dipotsav ki ek katha is prakar bhi hai ki - ek bar muniyon ne sanatkumar ji se pucha - bhagavan ! dipotsav lakshmi-pujan ka parva hai. fir lakshmi puja ke sath anyanya devi-devtaon ki puja ka mahatva kyon pratipadit kiya gaya hai. sanatkumar ji ne bataya - ‘raja bali ka pratap jab samast bhavnon men fail gaya aur usne sabhi devtaon ko bandi bana liya tha, uske karagar men lakshmi sahit sabhi devi-devta band the. kartik krishnpaksh ki amavasya ko vaman rupi bhagvan vishnu ne jab bali ko bandh liya aur sab devi-devta uske karagar se mukt huye, tab sabne kshirsagar men jakar shayan kiya tha. isliye dipotsav ke din lakshmi ke sath un sab devtaon ka pujan kar un sabke shayan ka apne ghar men uttam prabandh karna chahiye. jisse ve lakshmi ke sath vahin nivas kare tatha kahin aur n jayan. nayi shaiyya, naya bistar, kamal adi se susajjit kar lakshmi ko shayan karana chahiye. jo is vidhi se lakshmi-pujan karte hain, lakshmi unke yahan sthirbhav se nivas karti hain. govardhan evan annakut is parva ka chaitha din kartik shukla pratipda ko manaya jane vala govardhan namak parva hai. is din pavitra hokar pratahkal govardhan tatha gopesh bhagvan shrikrishn ka pujan karna chahiye. gauon evan bailon ko vastrabhushnon tatha malaon se sajana chahiye. govardhan ki puja ke samay yah bolna chahiye. ‘‘govardhan dharadhar gokulatrankarak. vishnuvahkritochchray gavan kotiprado bhav.. prithvi ko dharan karne vale govardhan. ap gokul ke rakshak hain. bhagvan shri krishn ne apko apni bhujaon par uthaya tha. ap mujhe karoro gauen pradan karen.’ dusri bat yah hai ki is samay tak sharatkalin upaj paripakva hokar gharon men a jati hai. bhandar paripurn ho jate hain. atah nishnichat hokar log nayi upaj ke anajon se vibhinn prakar ke padarth banakar shriman narayan ko samarpit karte hain. gavya padarthon ko bhi is utsav men saja-sanvarakar nivedit kiya jata hai. gomay ka govardhan (parvat) bana uski puja hoti hai. shardiya upaj se jo dhanya prapt hote hain, unse chappan prakar ke bhog banakar shri man narayan ko samarpit kiye jate hain. bhaiduj dipotsav ka samapan divas hai kartik shukla dvitiya, jise bhaiyya duj kaha jata hain. shastron ke anusar bhaiyaduj athva yam-dvitiya ko mrityu ke devta yamraj ka pujan kiya jata hai. is din bahnen bhai ko apne ghar amantrit kar athva sayan unke ghar jakar unhen tilak karti hain aur bhojan karati hain. brajamandal men is din bahnen bhai ke sath yamuna snan karti hain jiska vishesh mahattva bataya gaya hai. bhai ke kalyan aur vriddhi ki ichcha se bahnen is din kuch anya manglik vidhan bhi karti hain. yamuna tat par bhai-bahan ka samvet bhojan kalyankari mana jata hai. pauranik katha ke anusar is din bhagvan yamraj apni bahan yamuna se milne jate hain. unhin ka anukaran karte huye bhartiya bhratri parampara apni bahnon se milti hai aur unka yathesht samman pujnadi kar unse ashirvad rup tilak prapt kar kritkritya hoti hain. bahnon ko is din nitya kritya se nivritt ho apne bhai ke dirgh jivan, kalyan evan utkarsh hetu tatha svayan ke saubhagya ke liye akshat (chavl) kunkumadi se ashtadal kamal banakar is vrat ka sankalp kar mrityu ke devta yamraj ki vidhipurvak puja karni chahiye. iske pashchat yambhgini yamuna, chitragupt aur yamduton ki puja karni chahiye. tadantar bhai ko tilak lagakar bhojan karana chahiye. is vidhi ke sampann hone tak donon ko vrati rahna chahiye. is parva ke sambandh men pauranik katha is prakar milti hai. surya ki sangya se do santanen thin. putra yamraj tatha putri yamuna. sangya surya ka tej sahan n kar pane ke karan apni chaya-murti ka nirman kar use hi apne putra-putri ko saunpakar vahan se chali gayi. chaya ko yam aur yamuna se kisi prakar ka lagav n tha. kintu yam aur yamuna mane bahut prem tha. yamuna apne bhai yamraj ke yahan prayah jati aur unke sukh-dukh ki baten pucha kartin. yamuna yamraj ko apne ghar par ane ke liye kahtin. kintu vyastata tatha dayitvabojh ke karan ve uske ghar n ja pate the. ek bar kartik shukla dvitiya ko yamraj apni bahan yamuna ke ghar achanak ja pahunche. bahan yamuna ne apne sahodar bhai ka bara adar satkar kiya. vividh vyanjan banakar unhen bhojan karaya tatha bhal par tilak lagaya. yamraj apni bahan dvara kiye gaye satkar se bahut prasann huye aur unhonne yamuna ko vividh bhent samarpit ki. jab ve vahan se chalne lage, tab unhanene yamuna se koi bhi manovanchit var mangne ka anurodh kiya. yamuna ne unke agrah ko dekhakar kaha-bhaiya! yadi ap mujhe var dena hi chahte hain to yahi var dijiye ki aj ke din prativarsh ap mere yahan aya karenge aur mera atithya svikar kiya karenge. isi prakar jo bhai apni bahan ke ghar jakar uska atithya svikar kare tatha use bhent den, uski sab abhilashaen ap purn kiya karen evan use apka bhay n ho. yamuna ki prarthana ko yamraj ne svikar kar liya. tabhi se bahn-bhai ka yah tyauhar manaya jane laga. vastutah is tyauhar ka mukhya uddeshya hai bhai-bahan ke madhya saumanasya aur sadbhavna ka pavan pravah anavarat pravahit rakhna tatha ek dusre ke prati nishkapat prem ko protsahit karna, tatha samashti rup men svasthyasampad, rupasampad, dhanasampad, shagyasampad, shktisampad tatha ullas aur anand ko parivardhit karan. is prakar ‘dipotsava-parva’ ka dharmik, samajik evan rashtriya mahattva anupam hai aur yahi ise parvaraj bana deta hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.