लक्ष्मी व् शक्ति के विभिन स्वरूप

lakshmi v shakti ke vibhin svarup  

Ank ke aur Lekh | Sambandhit Lekh | Views : 2655 |  
lakshmi v adyashakti ke vibhinn svarup premshankar sharma yadyapi samay aur sthan avibhajit ikai hoti hai, unka vibhajan to manushya ne apni suvidha ke lie kiya hai lekin shakti upasna chahe vah shardiya navratra men ho ya vasanti navratra men, vah in bandhnon ko chinna-bhinn kar sadhak ko apne sath ekakar kar param shakti sanpann aur gyanamay bana deti hai jismen bhut, bhavishya aur vartaman spasht hokar dikhai dene lagte hain. aisi hi upasna vidhi ki jankari yahan prapt kar sakte hain. dhan ki kamna har vyakti ke man men hoti hai. dhan ki devi lakshmi ki puja archana ke pieche bhi yahi kamna prabal hoti hai, isilie unke vibhinn rupon ki puja ki jati hai. unke kis rup ki puja kab aur kis muhurt men ki jae, yah janne ke lie unke vibhinn svarupon ko janna jaruri hai. sath hi bhagvan vishnu ke vibhinn svarupon ko janna bhi jaruri hai kyonki vah palanakarta hain aur lakshmi unki ardhangini hain. kaha bhi gaya hai- vishnu surya hain aur lakshmi prithvi. ‘‘vishnu patni namastumyan pad sparshan kshamasva me’’ vishnu evan lakshmi jiv matra men vidyaman hain, parantu kundli ke grahyogon men jab surya (vishnu) balvan ho tatha chadanra evan mangal balvan hokar shubh sthan par drishti sanbandh ya sthan parivartan sanbandh bana rahe hane aur vyakti sadachari, kartavyanishth tatha madhurbhashi ho to, atmik shakti se lakshmi arthat dhan prapt kar leta hai. purush men surya tatva tatha mahila men chandra v bhaum tatva pradhan hote hanai. atah purush ko vishnu evan stri ko lakshmi pradhan kaha jata hai. yahi karan hai ki jahan donon men samanjasya sauhard bana rahta hai, vahan lakshmi ke karan sukh-samriddhi rahti hai aur jahan kalh-klesh bana rahta hai, vahan lakshmi ki bari bahan alakshmi apna adhikar jama leti hai. dipavli ke din donon bahnen sath-sath niklti hain. jahan prakash evan prasannata hoti hai vahan lakshmi tatha jahan andhkar aur kalah hota hai vahan alakshmi ruk jati hain. shastron men ullekh hai ki kartik badi amavasya ko (surya v chandra tula rashi men) pradosh kal se (sandhya samy) sanpurn ratri bhar gayatri agni prithvi se upar ki or niklti hai. yahi alakshmi hai. tatparya yah ki jahan andhera hota hai, vahin daridrata apna sthan bana leti hai. islie hamare rishi-muni aur purvajon ne is din sabhi ko apne gharon ki safai kar dipak jalakar prakashit karne ki jarurat batai hai. jyotish shastra men navagrah, barah rashiyane, 27 nakshatron adi ka varnan bar-bar kiya gaya hai, parantu prithvi grah ko kahin bhi sthan nahin diya gaya hai. prithvi grah ki ganna surya ke anshon evan rahu-ketu ki sthiti ke adhar par hi spasht hoti hai. surya evan prithvi se hi yah srishti hai, isilie ‘‘agni somatmak jagat’’ ki avdharna bani. grahyogon ke karan lakshmi ke anek rup batae gae hain. brihaspati jab hora chakra men chandra ki rashi (karka) men hota hai, tab lakshmi rajkul pradhan hoti hain aur jab vah surya ki rashi (sinh) men hota hai, tab vah sangharsh lakshmi ka rup le leti hai. jo log yuddh ya sahsik karyon men sanlagn rahte hain, unhen mangal ki pradhanta ke karan jaya namak lakshmi ki kripa milti hai. aushdhi, chikitsa, rasayan adi se jure karya karne vale logon ko kantar namak lakshmi ki prapti kundli men rahu ki achchi sthiti ke karan hoti hai. yatra, durgam sthan, uchch parvat shikhron adi se sanbandhit karya karne vale logon ko ketu ki achchi sthiti ke karan shabri lakshmi sukh-samriddhi pradan karti hain. bhut, pret, pishach v upri badhaon, se pirit ya mansik rog se grast logon ko shani pradhan mahabhairvi lakshmi ki upasna-puja se shanti milti hai. ati mahatvakankshiyon, avivahiton, atikamiyon aur ayat-niryat, videshi mudra vinimay adi se jure karya karne valon ko shukra pradhan tripur sundri lakshmi ki puja upasna labh deti hai. jal v anya taral padarthon se jure karya karne valon tatha rajkiya pareshaniyon men uljhe logon ko tara lakshmi ki upasna-puja labh deti hai. vyavsay, udyog, dhan ke len-den adi men lage logon ko budh pradhan vanijya lakshmi ki puja-upasna karni chahie. is prakar, vibhinn karyon se jure logon ko apni kundli ke grahyogon aur apne karya kshetra ke anusar rajalakshmi, sangharsh lakshmi, jaya lakshmi, kshemkri, kantar lakshmi, shabri lakshmi, mahabhairvi lakshmi, tripura lakshmi, tara lakshmi aur vanijya lakshmi ki puja-archana karni chahie. isse atmik shakti men vriddhi hogi aur karya kshetra men saflta milegi. bhavishyavaktaon ko faladesh ke lie ek vishesh parashakti ki avashyakta hoti hai aur vah parashakti, guru kripa, matrikripa, sadhna se hi prapt hoti hai. shakti upasna ke bina inmen saflta milna sandigdh hota hai. falit kathan men tin kal samahit hote hain- bhut, vartaman evan bhavishya. inko bhali-bhanti janne ke lie jyotishi ke pas tin shaktiyan avashya honi chahie. in tin shaktiyon ki sadhna ki jae to bhut, vartaman evan bhavishya jyotishi ko pratyaksh dikhai dega. lekin yadi ek hi sadhna safal hoti hai to ek bhag hi pratyaksh dikhai dega. apne kai bar dekha hoga ki koi bhavishya vakta, bhutkal ki sabhi ghatnaon ko bata deta hai to koi vartaman hi satikta se bata pata hai aur yadi koi bhavishya achcha bata pa raha hai to bhut evan vartaman kal ke faladesh par uski pakar kamjor ho jati hai, atah safal jyotishi ke dvara adya, madhya tatha parashakti ki sadhna se hi chamatkar sanbhav hai atah shardiya navratra men mahakali, mahalakshmi, mahasarasvati svarup trishaktiyon ki aradhna kar siddhi prapt karni chahie. shardiya navratra men shakti pane ke lie kya karen tatha kis ki upasna kaise karen yah prashn dimag men ana svabhavik hai. shakti prapti ka marg yadi bhartiya karmakandi puja aradhna men hai to fir bharat sansar ka sarvashaktiman rashtra kyon nahin ban jata? shankayen sahi hain. hamare prayas n pahle sahi the n aj sarthak hain, pure vishva men do saptashati prasiddh hai (1) gita-mokshadayni (2) durga saptashati-dharm, arth, kam pradata. ham yahan spasht kar den ki ravan ko parajit karne ki ichcha se bhagvan ram ne navratra kal men shakti ka sanchay kar vijyadshmi ke din ravan ka vadh kiya. mahabharat kal men yuddh se purva bhagvan bhi krishn ne arjun ko pitambara shakti ki upasna ke lie prerna di thi jis shakti ke dvara arjun vijyi hua. shardiya navratra prayah kanya-tula ki sankranti par ate hanai. navagrah men koi bhi grah anisht fal dene ja raha ho to shakti upasna ek vishesh fal pradan karti hai. shakti upasna men sthapna muhurt se karni chahie taki upasna men koi vighn n ae. surya kamjor ho to svasthya ke lie shailputri ki upasna se labh milega. chandrama ke dushprabhav ko dur karne ke lie navratri men kushmanda devi ki vidhi vidhan se sadhna karen. mangal grah ke dushprabhav se bachne ke lie skand mata, budh grah ki shanti tatha arthavyastha ki uÿaroÿar vriddhi ke lie katyayni devi, guru grah ki anukulta ke lie mahagauri, shukra ke shubhatva ke lie siddhidatri tatha shani ke dushprabhav ko dur kar, shubhta pane ke lie kalratri ki upasna sarthak rahti hai. rahu ki mahadsha ya nichasth rahu (vartaman gochar men rahu apni nich rashi dhanu rashi men bhraman kar raha hai.) hone par brahmacharini ki upasna se shakti milti hai. ketu ke viprit prabhav ko dur karne ke lie chandraghanta ki sadhna anukulta deti hai. is kal (shardiya navratri) men sachche man se kiye gaye karya evan vichar shubh fal pradan karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.