दीपावली पर्व श्रंखला

dipavli parva shrankhla  

Ank ke aur Lekh | Sambandhit Lekh | Views : 4255 |  
dipavli parva shrankhla aktubar ka mahina ate hi jaise parvon ka mausam a jata hai. charo or vatavaran khushnuma aur sugandhit hone ke sath hriday ullas se bharne lagta hai. is mahine men panch parva dipavli ke alava navratra, mahaashtami, mahanvmi, dashhra, shardpurnima, karvachaith, ahoi ashtami jaise mahatvapurn tyohar ate hain. pratyek parva ko manane ke piche uska karan v mahatmya alg-alag hai tatha vidhi bhi bhinna-bhinn hain. in tyoharon ko manane ke sath-sath am vyakti apne jivan ke kashton ko dur kar sakta hai tatha apni manokamna purti hetu bhagvan se prarthana v stuti bhi kar pata hai. ye parva varsh men ek bar hi ate hain, aise men hamen is avasar ka labh uthane se nahin chukna chahie. navratra, mahaashtami v mahanvmi: ye parva man durga ki shakti ke pratik hain. jin jatkon ko urja ka abhav mahsus hota ho, anjana dar hamesha dil men samaya rahta ho, svasthya thik nahin rahta ho, kisi audyogik pratishthan men durghatana adi hoti rahti ho, ghar men klesh v bimari bani rahti ho to in dinon men puja karne se jatak ko in sabhi kashton se mukti prapt hoti hai tatha jatak apne apko adhik urjavan v shakti-samathrya se paripurn anubhav karta hai tatha svasth v durghatanaon se mukti prapt karta hai. in dinon men durga saptashati ke path ka vishesh mahatmya hai. iske atirikt ap apne ghar men koi bhi dharmik, samajik ya sanskarik karya jaise grih pravesh, bhumi pujan, vivah, sagai, rokna adi bina kisi vishesh muhutrt ke sanpadit kar sakte hain, kyonki in dinon men sabhi din dosh mukt paye jate hain. dashhra: dashhre ka parva burai par achchai ki vijay ka pratik hai. jin jatkon ka korta-kachahari men mukdma chal raha ho, kisi se vad-vivad chal raha ho ya apsi manmutav chal raha ho to is din aise jatkon ko vishesh purja-archana kisi yogya pandit se karvani chahie, aisa karne se ve log korta-kachahari adi men vijay shri ko prapt karte hain tatha apsi manmutav v vad-vivad samapt hokar sauhardrapurn vatavaran banta hai. sharad purnima: ashvin purnima ko yah tyohar manaya jata hai. is din ka chandrama sabse adhik prakashman hota hai. jin jatkon ka chandrama nirbal ho tatha lagnesh ho ya chandrama shubh bhav ka svami ho tatha man men avsad ki bhavna rahti ho, mata ka svasthya thik n rahta ho, mata se sanbandh thik n hon ya mata ke sukh se kisi prakar vanchit ho to sharad purnima ki rat ko chand ki roshni men dudh-chaval ki khir banakar khule men dhakakar rakhen aur do-ek ghante bad ratri men hi usko khayen to chandrama bali hokar chandrama ke shubh falon ki prapti hoti hai. karva chaith: yah tyohar vaise to pure bharat men manaya jata hai, parantu uttar bharat men yah bahut adhik utsah v shauk se vivahit striyon dvara manaya jata hai. yah parva un jatkon ke liye bahut adhik mahatvapurn hai, jinke vaivahik sanbandh thik nahin hai ya jinke jivan sathi ka svasthya thik n rahta ho. yadi aisi striyan is parva par vidhi-vidhan se upvas karke puja-archana v kamna karti hain to pati-patni ke sanbandhon men nishchit rup se madhurta barhegi tatha apsi samanjasya barhega tatha unke vaivahik jivan se kasht dur hokar khushhali ayegi. ahoi ashtami: yah parva dipavli ke aranbh hone ki suchna deta hai. yah parva vishesh taur par mataon dvara apne putra santan ki lanbi ayu v svasthya kamna ke liye kiya jata hai. jin jatkon ki santan ko sharirik kasht ho, svasthya thik n rahta ho, bar-bar bimar parte hon ya kisi bhi karan mata-pita ko apne santan ki or se svasthya v ayu ki drishti se chinta bani rahti ho, is parva par santan ki mata dvara samuchit vrat v puja adi ka vishesh labh prapt hota hai tatha santan svasth hokar dirghayu ko prapt karti hain. dhan ters: panch parva dipavli ka yah pratham parva hai. is din yam ke lie dipdan karna chahie, ghar ke mukhya dvar par dipak jalane se ghar ke sadasyon ko akal mrityu ka samna nahin karna parta hai. aisa mana jata hai ki yadi is din koi nayi vastu kharidi jaye to varsh bhar vaisi hi shubh vastuen prapt hoti rahti hain. is din sona, chandi ya koi bhi anya dhatu ka kharidna shubh mana jata hai. vishesh taur par bartanon ki khariddari ki jati hai. samanyatah sabhi apni-apni shakti v samathrya anusar kharidari karte hain. is din kisi bhi vyakti ko dhan udhar nahin dena chahie, aisa karne se ghar men varsh bhar dhan-daulat ka abhav rahta hai. jin jatkon ko dhan ka abhav ho ve is din chandi ke ganesh lakshmi ya chandi ka sikka avashya khariden tatha dipavli ke din unki puja karen to varsh bhar dhan daulat se puripurn hota hai. narak chaturdashi: yah tyohar choti dipavli ke nam se jana jata hai. pratahkal suryoday se purva uthakar lauki ko sir par se ghumane ke bad snan karne se jatak rup aur saundarya prapt karta hai tatha narkgami hone se mukti prapt hoti hai. is din snan adi ke pashchat ghar men shriyantra ki sthapna karen. yantra ko gangajal v panchamrit ke chinte lagakar shuddh karke lakri ke patte par lal ya pila kapra bichakar sthapit karen. dhup, dip, agarabatti jalayen tatha kamalagatte ki mala par ‘un ain hrin shrin klin shri mahalakshmyai namah’’ ka ek mala mantra jap karen aur bari dipavli ke din pratah punah aisa karke dipavli ki mukhya puja men sammilit kar pratidin ukt mantra ke sath pujan karen to ghar men dhan-daulat ki kami kabhi nahin rahegi tatha lakshmiji ki kripa hamesha bani rahti hai. dipavli: ratri ke samay sthir lagn men athva pradosh kal men dipavli pujan vishesh labhkari mana jata hai. subah ke samay dukandar naye khate kholte hain. unki puja karte hain. din men ghar men saf-safai v sajane ka karya kiya jata hai. sham ko suryast ke pashchat mandir men jakar dip jalayen tatha hanuman ji ko prasad charhayen tatha ghar lautakar ghar ke bahar v andar dip, momabatti v bijli se roshni karte huye ganesh-lakshmi ji ka pujan karen tatha pujan ke pashchat ghar ke bahar atishbaji ke dvara harshollas pradarshit karte huye shri lakshmi ji ka svagat karen. is din shri sukt, lakshmi sukt, lakshmi stotra, kankdhara stotra v purush sukt adi ke path ka vishesh mahattva hai. is din madhya ratri men sthir lagn men ye path karne se lakshmi ji vishesh rup se prasann hoti hain tatha tantrik log mantra siddhi v tantrik shakti ki prapti isi samay karte hain. govardhan puja / vishvakarma pujn: din ke samay panchmel khichri ka vishesh bhojan taiyar karke logon ko bhoj karayen. usi bhojan ko prasad ke rup men grahan karen. isse annapurna devi prasann hoti hain tatha jatak ke ghar varsh bhar ann v dhan-dhanya se paripurn rahta hai. jin jatkon ke ghar ann ke bhandar khali rahte hon tatha ghar men har samay kisi n kisi chij ka abhav bana rahta ho unhen is din annapurna devi ka pujan vishesh vidhi-vidhan se karna chahie tatha garib logon ko bhojan dan karna chahie. isse unke ghar varsh bhar kisi bhi chij ki kami nahin rahegi tatha bhandar hamesha bhare rahenge. audyogik pratishthan aur faiktri majdur varg ise vishvakarma puja ke rup men manate hain. ve log is din apni mashinri v aujaron ki vishesh rup se puja karte hain tatha apna karya sthagit rakhte hain. aisa karne se varsh bhar bina kisi apriya ghatna ghate unka karya sucharu rup se chalta hai tatha ve apne karyon mane saflta prapt karte huye dhan se paripurn hote hain. bhaiyya duj/ yam dvitiya: yah parva bahnon dvara bhaiyon ki dirghayu kamna hetu manaya jata hai. is din dipavli ka panchaparva purn ho jata hai. bhai-bahnon ke bich sanbandh thik n hone ya bhaiyon ka svasthya thik n rahne ya sahyog prapt n hone ki sthiti men bhaiyon ko bahin ke hath ka bana svadisht bhojan avashya karna chahiye aur bahin se tilak lagvana chahye. isse bahnon ki shubhkamnaon se parasparik prem vriddhi ke sath hi bhai ke svasthya men sudhar avashya hota hai tatha use dirghayu prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.