दुर्गासप्तशती के मंत्रों से कार्य सिद्धि

durgasaptashati ke mantron se karya siddhi  

Ank ke aur Lekh | Sambandhit Lekh | Views : 14650 |  
durgasaptashati ke mantron se karya siddhi do. sanjay buddhiraja durgasaptashati ka path do prakar se hota hai- ek sadharan v dusra samput. saptashati men kul sat sau mantra hain. pratyek mantra ke aranbh aur ant men ichchit fal prapti ke uddeshya se vishesh mantra ka uchcharan kiya jata hai. is prakar se saptashati ke sat sau mantra samputit karke jape jate hain. aise path ko samput path kahte hain jise kamya prayogon men vishesh prabhavshali samjha jata hai. vibhinn prakar ke uddeshyon ki prapti hetu sanput path men vibhinn mantron ka prayog hota hai. is alekh men prastut hai saptashati ke siddh samput mantron ka vivaran. jo log path karne men asamarth hain ve in mantron ka sfatik mala par nitya jap karke vanchit fal prapt kar sakte hain. mon durga ke in mantron ka jap karne se manovanchit falon ki prapti hoti hai. parantu navratra men jap karne se shighra hi fal prapt hota hai. karya vishesh anusar nimn mantron ka man durga ke chitra ke sammukh dhup-dipadi jalakar v pushpa-faladi arpit kar, 3 ya 5 mala jap rojana sfatik ki mala par vidhipurvak karne se uchit labh liya ja sakta hai :- sarva mangal v kalyan hetu : sarvamanglmangalye shive sarvarthasadhike. sharanye trayanbke gauri narayni namo'stu te॥ bhavarth : he narayni ! ap sab prakar ka mangal pradan karne vali manglmyi ho. kalyankari shiva ho. sab purusharthon ko siddh karne vali, sharnagat vatsala, tin netronvali gauri apko namaskar hai. samuhik kalyan hetu : devya yaya tatmidan jagdatmashaktya nishsheshdevaganashakti samuhmurtya . tamambikamkhildevamaharshipujyan bhaktya nataah sm viddhatu shubhani sa nah ॥ bhavarth : jis devi ka svarup hi sampurn devtaon ki shakti ka samuday hai tatha jis devi ne apni shakti se sampurn jagat ko vyapt kar rakha hai, samast devtaon v maharshiyon ki pujniya us jagadamba devi ko ham bhakti purvak namaskar karte hain. ve ham logon ka kalyan karen. sarva badha mukti hetu : sarvabadha vinirmukto dhandhanyasutanvitah. manushyo matprasaden bhavishyati n sanshyah॥ bhavarth : mere prasad se manushya sab badhaon se mukt hoga tatha dhan dhanya v putra se sampann hoga - ismen sandeh nahin hai. badha shanti hetu : sarvabadhaprashmnan trailokyasyakhileshvari. evmev tvaya karyamasmadvairivinashanam॥ bhavarth : he sarveshvari ! tum isi prakar tino lokon ki samast badhaon ko shant karo aur hamare shatruon ka nash karti raho. vidya prapti hetu : vidyaah samastastav devi bhedaah striyah samastaah sakla jagatsu. tvayaikya puritamambayaitat ka te stutiah stavyapra paroktiah॥ bhavarth : devi ! vishva ki sanpurn vidyayen tumhare hi bhinn bhinn svarup hain. jagat men jitni striyane hain ve sab tumhari hi murtiyan hain. jagdanbe ! ek matra tumne hi is vishva ko vyapt kar rakha hai. tumhari stuti kya ho sakti hai ? tum to stavan karne yogya padarthon se pare ho. arogya v saubhagya ki prapti hetu : dehi saubhagyamarogyan dehi men parman sukham. rupan dehi jayan dehi yasho dehi dvisho jahi॥ bhavarth : mujhe saubhagya v arogya do. param sukh do, rup do, jay do, yash do aur kam krodh adi mere shatruon ka nash karo. rog nash hetu : rogansheshanphansi tushta rushta tu kaman saklanbhishtan. tvamashritanan n vipannaranan tvamashritan hmashraytan prayanti॥ bhavarth : devi, tum prasann hone par sab rogon ko nasht kar deti ho aur kupit hone par manovanchit sabhi kamnaon ka nash kar deti ho. jo log tumhari sharan men ja chuke hain, un par vipti to ati hi nahin hai. tumhari sharan men gaye huye manushya dusron ko sharan dene vale ho jate hain. bhay nash hetu : sarvasvarupe sarveshe sarvashakti samanvite. bhayebhyastrahi no devi durge devi namo'stu te॥ ette vadnan saumyan lochanatraybhushitam. patu nah sarvabhitibhyah katyayni namo'stu te. jvalakralamatyugramsheshasursudanam. trishulan patu no bhiterbhadrakali namo'stu te॥ bhavarth : he sarvasvarupa ! he sarveshvari tatha sab prakar ki shaktiyon se sanpann divyarupa durge devi ! sab prakar ke bhay se hamari raksha karo. tumhen namaskar hai. he katyayni ! yah tin lochnon se vibhushit tumhara saumya mukh sab prakar ke bhay se hamari raksha kare. tumhen namaskar hai. he bhadrakali, jvalaon ke karan vikral pratit hone vala, atyant bhayankar aur samast asuron ka sanhar karne vale apne trishul bhay se hamen bachaye. tumhen namaskar hai. vipatti nash hetu : sharnagtdinartaparitranprayne. sarvasyartihre devi narayni namo'stu te॥ bhavarth : sharan men aye huye dinon evan piditon ki raksha men salangn rahne vali tatha sabki pira dur karne vali he narayni devi ! tumhen namaskar hain. vipattinash aur shubh prapti hetu : karotu sa nah shubhheturishvari shubhani bhadranyabhihantu chapdah. bhavarth : he kalyan ki sadhnbhuta ishvari ! hamara kalyan aur mangal karen tatha sari apattiyon ka nash kar dalen. daridray-dukh adi nash hetu : durge smrita harsi bhitimsheshajantoah svasthaiah smrita matimtiv shubhan dadasi. daridraydukhbhyharini ka tvadanya sarvopkarkrnay sada'rdrachita॥ bhavarth : man durge ! ap smaran karne par sab praniyon ka bhay har leti ho aur svasth purushon dvara chintan karne par unhen param kalyanmyi buddhi pradan karti ho. he dukh daridrata aur bhay harne vali devi ! apke siva dusri kaun hai, jiska chit sabka upkar karne ke liye sada hi dayardra rahta ho. shakti prapti hetu : srishtisthitivinashanan shakti bhute sanatni. gunashraye gunmye narayni namo'stu te॥ bhavarth : ap srishti, palan aur sanhar ki shakti bhuta, sanatni devi, gunon ka adhar sarvagunmyi narayni ! tumhen namaskar hai. sarvavidh abhyuday hetu : te sammata janpdeshu dhanani teshan teshan yashansi n ch sidti dharmavargah. dhanyast ev nibhritatmajabhrityadara yeshan sadabhyudyda bhavti prasanna॥ bhavarth : sada abhyuday pradan karnevali, ap jin par prasann rahti hain, ve hi desh men sammanit hain. unko dhan v yash ki prapti hoti hai. unhin ka dharm kabhi shithil nahin hota tatha ve hi apne hrisht pusht deh, stri, putra v bhrityon ke sath dhanya mane jate hain. sulakshana patni ki prapti hetu : patnin manorman dehi manovrittanusarinim. tarinin durgasansarsagarasya kulodbhavam॥ bhavarth : he man ki ichcha ke anusar chalne vali devi ! manohar patni pradan karo, jo durgam sansarsagar se tarne vali tatha uttam kul men utpann hui ho.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.