दश महाविद्या

dash mahavidya  

Ank ke aur Lekh | Sambandhit Lekh | Views : 6381 |  
dash mahavidya anju arora jiski upasna se chaturmukh srishti rachne men samarth hote hain, vishnu jiske kripa kataksh se vishva ka palan karne men samarth hote hain, rudra jiske bal se vishva ka sanhar karne men samarth hote hain, usi sarveshvari jaganmata mahamaya ke das svarupon ka sankshipt charitra is alekh men prastut hai. devi ke 10 rupon - kali, tara, shodshi, bhuvneshvari, chinnamasta, bhairvi, dhumavti, baglamukhi, matangi aur kamla- ka varnan todal tantra men kiya gaya hai. shakti ke yah rup sansar ke srijan ka sar hai. in shaktiyon ki upasna manokamnaon ki purti. siddhi prapt karne ke lie ki jati hai. devtaon ke mantron ko mantra tatha deviyon ke mantron ko vidya kaha jata hai. in mantron ka satik uchcharan ati avashyak hai. ye dash mahavidyaen bhakton ka bhay nivaran karti hain. jo sadhak in vidyaon ki upasna karta hai, use dharm, arth, kam aur moksh sabki prapti ho jati hai. 1. kali : dash mahavidyaon men kali pratham hai. maha bhagavat ke anusar mahakali hi mukhay hain. unhin ke ugra aur saumya do rupon men anek rup dharan karne vali dash mahavidyaen hain. kaliyug men kalp vriksh ke saman shighra faldayi evan sadhak ki samast manokamnaen purn karne men sahayak hain. shakti sadhna ke do pithon men kali ki upasna shyamapith par karne yogya hai. vaise to kisi bhi rup men un mahamaya ki upasna fal dene vali hai parantu siddhi ke lie unki upasna virbhav se ki jati hai. 2. tara : bhagvti kali ko nilrupa aur sarvada moksh dene vali aur tarne vali hone ke karan tara kaha jata hai. bharat men sabse pahle maharshi vashishth ne tara ki aradhna ki thi. islie tara ko vashishtharadhita tara bhi kaha jata hai. arthik unnati evan anya badhaon ke nivaran hetu tara mahavidya ka sthan mahatvapurn hai. is sadhna ki siddhi hone par sadhak ki ay ke nit naye sadhan khulne lagte hain aur vah purn aishvaryashali jivan vyatit kar jivan men purnata prapt kar leta hai. inka bij mantra 'hrun' hai. inhen nilasarasvati ke nam se bhi jana jata hai. anayas hi vipatti nash, shatrunash, vak-shakti tatha moksh ki prapti ke lie tara ki upasna ki jati hai. 3. shodshi : shodshi maheshvari shakti ki sabse manohar shri vigrah vali siddh devi hain. inki char bhujaen evan tin netra hain. ye shant mudra men lete hue sadashiv par sthit kamal ke asan par asin hain. jo inka ashray grahan kar lete hain unmen aur ishvar men koi bhed nahin rah jata. shodshi ko shri vidya bhi mana gaya hai. inke lalita, raj-rajeshvari, mahatripursundri, balapanychadashi adi anek nam hain, vastav men shodshi sadhna ko raj-rajeshvari islie bhi kaha gaya hai kyonki yah apni kripa se sadharan vyakti ko bhi raja banane men samarth hain. charon dishaon men char aur ek upar ki or mukh hone se inhen panchavakra kaha jata hai. inmen shodash kalaen purn rup se viksit hain. islie ye shodshi kahlati hai. inhen shri vidya bhi mana gaya hai aur inki upasna shri yantra ya nav yoni chakra ke rup men ki jati hai. ye apne upasak ko bhakti aur mukti donon pradan karti hain. shodshi upasna men diksha avashyak hai. 4. bhuvneshvari : mahavidyaon men bhuvneshvari mahavidya ko adya shakti arthat mul prakriti kaha gaya hai. islie bhakton ko abhay aur samast siddhiyan pradan karna inka svabhavik gun hai. dashmhavidyaon men ye panchven sthan par parignit hai. bhagvti bhuvneshvari ki upasna putra-prapti ke lie vishesh falaprada hai. apne hath men lie gaye shakon aur fal-mul se praniyon ka poshan karne ke karan bhagvti bhuvneshvari hi 'shatakshi' tatha 'shakambhari' nam se vikhyat hui. 5. chinnamasta : parivartanashil jagat ka adhipti kabandh hai aur uski shakti chinnamasta hai. chinnamasta ka svarup atyant hi gopniya hai. inka sar kata hua hai aur inke kabandh se rakt ki tin dharaen pravahit ho rahi hain jismen se do dharaen unki sahchriyan aur ek dhara devi svayan pan kar rahi hain inki tin ankhen hain aur ye madan aur rati par asin hain. inka svarup brahmand men srijan aur mrityu ke satya ko darshata hai. aisa vidhan hai ki chaturth sandhyakal men chinnamasta ki upasna se sadhak ko sarasvati siddhi ho jati hai. is prakar ki sadhna ke lie drirh sankalp shakti ki avashyakta hoti hai aur jo sadhak jivan men nishchay kar lete hain ki unhen sadhnaon men saflta prapt karni hai ve apne guru ke margadarshan se hi inhen sanpann karte hain. 6. tripurbhairvi : kshiyaman vishva ke adhishthan dakshinamurti kalbhairav hain. unki shakti hi tripurbhairvi hai. agam granthon ke anusar tripurbhairvi ekakshar rup hain. ye mahatripursundri ki rathvahini hain. shatru sanhar evan tivra tantra badha nivaran ke lie bhagvti tripurbhairvi mahavidya sadhna atyant mahatvapurn mani jati hai. is sadhna ki mukhay visheshta ye bhi hai, ki vyakti ke saundarya men nikhar ane lagta hai aur vah atyant sundar dikhne lagta hai. inka rang lal hai. ye lal rang ke vastra pahnti hain. gale men mundamala dharan karti hain tatha kamlasan par virajman hain. tripurbhairvi ka mukhay labh ghor karm men hota hai. 7. dhumavti : dhumavti devi mahavidyaon men satven sthan par virajman hain. dhumavti mahashakti akeli hai tatha svayan niyantrika hai. iska koi svami nahin hai. islie inhen vidhva kaha gaya hai. dhumavti upasna vipatti nash, rog nivaran, yuddh jay adi ke lie ki jati hai. yah lakshmi ki jyeshtha hain, atah jyeshtha nakshatra men utpann vyakti jivan bhar dukh bhogta hai. jo sadhak apne jivan men nishchint aur nirbhik rahna chahte hain unhen dhumavti sadhna karni chahie. 8. baglamukhi : yah sadhna shatru badha ko samapt karne ke lie atyant mahatvapurn sadhna hai. ye sudha samudra ke madhya men sthit manimay mandap men ratnamay sinhasan par virajman hai. is vidya ke dvara daivi prakop ki shanti, dhan-dhanya ke lie aur inki upasna bhog aur moksh donon ki siddhi ke lie ki jati hai. inki upasna men haridra mala, pit pushp evan pit vastra ka vidhan hain inke hath men shatru ki jihva aur dusre hath men mudra hai. 9. matangi : matang shiv ka nam aur inki shakti matangi hai. inka shyam varn hai aur chandrama ko mastak par dharan kie hue hain. inhonne apni char bhujaon men pash, ankush, khetak aur khadag dharan kiya hai. unke trinetra surya, som aur agni hain. ye asuron ko mohit karne vali aur bhakton ko abhisht fal dene vali hain. grihasth jivan ko sukhamay banane ke lie matangi ki sadhna shreyaskar hai. 10. kamla : jiske ghar men daridrata ne kabja kar liya ho aur ghar men sukh-shanti n ho, ay ka srot n ho unke lie yah sadhna saubhagya ke dvar kholti hai. kamla ko lakshmi aur shodshi bhi kaha jata hai. vaise to shastron men hajaron prakar ki sadhnaen di gai hain lekin unmen se das mahatvapurn vidyaon ki sadhnaon ko jivan ki purnata ke lie mahatvapurn bataya gaya hai. jo vyakti dash mahavidyaon ki sadhna ko purnata ke sath sanpann kar leta hai. vah nishchay hi jivan men uncha uthta hai parantu dhyan rahe vidhivat upasna ke lie guru diksha nitant avashyak hai. nishkam bhav se bhakti karne ke lie dash shaktiyon ke nam ka uchcharan karke bhi inka anugrah prapt kiya ja sakta hai. shakti pithon men shakti upasna ke antargat navdurga v dashmhavidya sadhna karne se shidhra siddhi hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.