श्रीदुर्गासप्तशती महायज्ञ/अनुष्ठान

shridurgasaptashati mahayagya/anushthan  

Ank ke aur Lekh | Sambandhit Lekh | Views : 7028 |  
shridurgasaptashati mahayagya/anushthan vedavrat bhatnagar bhagvti man durgaji ki prasannata ke lie jo anushthan kiye jate hain unmen durga saptashati ka anushthan vishesh kalyankari mana gaya hai. is anushthan ko hi shakti sadhna bhi kaha jata hai. shakti manav ke dainandin vyavharik jivan ki apdaon ka nivaran kar gyan, bal, kriya shakti adi pradan kar uski dharma-arth kammulak ichchaon ko purn karti hai evan ant men alaukik parmanand ka adhikari banakar use moksh pradan karti hai. durga saptashati ek tantrik pustak hone ka gaurav bhi prapt karti hai. bhagvti shakti ek hokar bhi lok kalyan ke lie anek rupon ko dharan karti hai. shevtanbar upnishad ke anusar yahi adya shakti trishakti arthat mahakali, mahalakshmi evan mahasarasvati ke rup men prakat hoti hai. is prakar parashakti trishakti, navdurga, dash mahavidya aur aise hi anant namon se param pujya hai. shri durga saptashati naraynavtar shri vyasji dvara rachit maha puranon men markandeypuran se li gayi hai. isam sat sau padyon ka samavesh hone ke karan ise saptashati ka nam diya gaya hai. tantra shastron men iska sarvadhik mahatva pratipadit hai aur tantrik prakriyaon ka iske path men bahudha upyog hota aya hai. pure durga saptashati men 360 shaktiyon ka varnan hai. is pustak men terah adhyay hain. shastron ke anusar shakti pujan ke sath bhairav pujan bhi anivarya mana gaya hai. atah ashtottarashatanam rup batuk bhairav ki namavli ka path bhi durgasaptashati ke angon men jor diya jata hai. iska prayog tin prakar se hota hai. 1. navarn mantra ke jap se pahle bhairvo bhutnathashch se prabhvishnuritivritak ya namo'tt nambli ya bhairvji ke mul mantra ka 108 bar jap. 2. pratyek charitra ke adyant men 1-1 path. 3. pratyek uvachmantra ke as-pas sanput dekar path. naivedya ka prayog apni kamnapurti hetu dainik puja men nitya kiya ja sakta hai. yadi man durgaji ki pratima kanse ki ho to vishesh faldayini hoti hai. shri durgasaptashati ka anushthan kaise karen. 1. kalash sthapna 2. gauri ganesh pujan 3. navagrah pujan 4. shodash matrikaon ka pujan 5. kul devi ka pujan 6. man durga ji ka pujan nimn prakar se karen. avahan : avahnarthe pushpanjli sarmapayami. asan : asnarthe pushpani samarpayami. pad : padyaryo : padya samarpayami. arghya : hastayo : arghya snanah . achaman : achaman samarpayami. snan : snanadi jalan samarpayami. snanang : achaman : snanante punrachmniyan jalan samarpayami. dudhi snan : dugdh snan samarpayami. dahi snan : dadhi snanan samarpayami. ghrit snan : ghritasnanan samarpayami. shahad snan : madhu snanan sarmapayami. sharkara snan : sharkara snanan samarpayami. panchamrit snan : panchamrit snanan samarpayami. gandhodak snan : gandhodak snanan samarpayami shuddhodak snan : shuddhodak snanan samarpayami vastra : vastran samarpayami saubhagya sutra : saubhagya sutran samarpayami chadan n : chadan n n samaparya ami haridra : haridra samarpayami kunkum : kunkum samarpayami abhushan : abhushanam samarpayami pushp evan pushp mala : pushp evan pushpamala samarpayami fal : falan samarpayami bhog (meva) : bhogan samarpayami mishthan : mishthanan samarpayami dhup : dhupan samarpayami. dip : dipan darshayami. naivedya : naivedyan nivedyami. tambul : tambulan samarpayami. bhairvji ka pujan karen iske bad kavach, argala, kilak ka path karen. yadi ho sake to devya'tharvashirsh, durga ki battis namvli evan kunjikastotra ka path karen. navarn mantra : ''un ain hrin klin chamundayai vichchai'' ka jap ek mala karen evan ratri sukt ka path karne ke bad shri durga saptashati ka pratham adhyay se path shuru kar terah adhyay ka path karen. path karne ke bad devi sukt evan narvan jap evan devi rahasya ka path karen. iske bad kshama prarthana fir arti karen. path praranbh karne se pahle sankalp avashya ho. path kis prayojan ke lie kar rahe hain yah viniyog men spasht karen. durgasaptashati ke path men dhyan dene yogya kuch baten 1. durga saptashati ke kisi bhi charitra ka adha path na karen evan n koi vakya chore. 2. path ko man hi man men karna nishedh mana gaya hai. atah mand svar men saman rup se path karen. 3. path keval pustak se karen yadi kanthasth ho to bina pustak ke bhi kar sakte hain. 4. pustak ko chauki par rakh kar path karen. hath men le kar path karne se adha fal prapt hota hai. 5. path ke samapt hone par balaon v brahman ko bhojan karvaen. abhichar karm men narvan mantra ka prayog 1. maran : ain hrin klin chamundayai vichchai devadatt ran ran khe khe maray maray ran ran shighra bhasmi kuru kuru svaha. 2. mohan : klin klin ain hrin klin chamundayai vichche devadattan klin klin mohan kuru kuru klin klin svaha॥ 3. stambhan : un than than ain hrin klin chamundayai vichche devadattan hrin vachan mukhan padan stambhay hrin jihvan kilay kilay hrin buddhi vinashay -vinashay hrin. than than svaha॥ 4. akarshan : ain hrin klin chamundayai vichche devdtan yan yan shighramarkashay akarshay svaha॥ 5. uchchatan : ain hrin klin chamundayai vichche devadatt fat uchchatan kuru svaha. 6. vashikaran : ain hrin klin chamundayai vichche devadattan vashat men vashya kuru svaha. not : mantra men jahan devadattan shabd aya hai vahan sanbandhit vyakti ka nam lena chahie.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.