सप्तशती ही क्यों?

saptashati hi kyon?  

Ank ke aur Lekh | Sambandhit Lekh | Views : 4253 |  
saptashati hi kyon? pan. manohar sharma 'pulastya' durga ke stotron men saptashati hi kyon parhi jati hai? durga saptashati markandey puran ke 63 ven adhyay se 90ven adhyay ke antargat ati hain. kroshtuki rishi ne markandey muni se sthavar jangam jagat ki utpatti evan manuon ke vishay men pucha tha. markandey ji ne sat manuon ke varnan karne ke pashchat 8ven manu ka varnan karte hue kraushtuki rishi ko bhagvti paramba shakti ki mahima durga saptashati ke rup men ki hai. shri durga ke itne baren mahatmya se prabhavit evan akarshit bhakton v sadhkon ke hriday men yah prashn uthna svabhavik hai ki is kalyanmyi man ki stuti kis prakar ki jae. durga ke hajaron stotra vaidik, laukik, sanskrit aur desi bhashaon men varnit kie gae hain. aisi dasha men bhakton v sadhkon ke lie aur bhi adhik kathin ho jata hai ki - ''vah kaun sa chune. vaidik devi suktadi vartaman samay men kam labh prad hain kyonki vaidik pad ved prati shakhay (vyakrn) shiksha svar prakriyadi ke bina durgam hi nahin varan pratyavay janak tak hain. yahi karan hai ki vaidik marg ki apeksha agam marg arthat tantrik marg ko prashast mana gaya hai. sthaniya bhashaon ke stotra utne labhkari nahin ho sakte jitne sanskrit bhasha ke kyonki devagan sanskrit bolte hain aur vahi unhen priya hai. islie sanskrit bhasha ko devvani bhi kahte hain. sanskrit men tin prakar ke stotra rishi muni pranit, anya kavi nirmit v svanirmit. inmen se rishi-muni nirmit vaniyon men unka tapobal sannivisht hai islie rishi-muni nirmit stotra hi sarvadhik prabhavi hain aur vah bhi paramba shakti ki ''markandey puranokt saptashati'' hi bhakton v sadhkon ke lie kamdhenu ke saman abhisht fal dene vali hai. atah bhakton v sadhkon hetu durga saptashati hi sarvashreshth hai.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.