स्वप्न क्यों आते है ? स्वप्नों का वास्तविक जीवन में महत्व

svapn kyon ate hai ? svapnon ka vastavik jivan men mahatva  

Ank ke aur Lekh | Sambandhit Lekh | Views : 7973 |  
sapnon ke vishleshan ke sanbandh men ‘sigmand frayd’ ka kathan hai ki ‘sapne un damit ichchaon ko vyakt karte hain jo mastishk ke andhere kone men ghar kiye rahte hain’ parantu adhunik vigyan evan adhunik vaigyanikon ke mat frayad ke mat se ekadam bhinn hain. isse purva ki svapnon ke vishay men vaigyanikon ka mat jana jay, yahan yah jan lena uchit hoga ki vaigyanikon ko sapnon ke vishay men jankari jutane ki avashyakta kyon hui? bina ise jane svapnon ke vishay men falit jyotish ka mat hi jan sakte hain. parantu adhunik vaigyanikon evan rishi-maharshi rupi vaigyanikon men kitni samanta hai, ise nahin jan payenge. faltah svapn evan unke falon ke vishay men spashtata nahin a payegi. britani manovaigyanik evan kampyutar manovaigyanik kristofar ivans ne manav mastishk ki tulna kampyutar se ki thi. svapn evan unke fal donon hi alg-alag prakar ke netavark hain jo vidyutiya sanketon ko lane le jane ka karya karte hain. donon men hi ye sanket vibhinn svichon aur fatkon se gujrte hue ant men ek sarthak rup le lete hain. svapnon ke vishay men vigat panch hajar varshon se barabar shodh ho raha hai aur abhi tak adhikansh gutthiyan jyon ki tyon uljhi hui hanai ki ‘kya svapnon ka vastavik jivan men koi mahatva hai bhi ya nahin. kuch logon ki yah dharna hai ki svapn vastav men bhavishya ke path pradarshak hain aur jab vyakti ulajh jata hai v jahan use koi rasta dikhai nahin deta, vahan svapn uski barabar madad karte hain. is sanbandh men adhunik vaigyanikon ka kathan hai ki, hamare mastishk ke aspas chaibis karor rakt vahniyon aur shiraon ki moti patti bani hui hai jo manav chetan aur achetan v drishya aur adrishya binbon ko lekar us patti par surakshit jama rakhte hain aur samay ane par ve binb hi svapn ka akar lekar vyakti ke samne prakat hote hain. rusi vaigyanikon ka bhi mat hai ki, ‘svapn ko vyarth ka samajh kar tala nahin ja sakta. vastav men svapn purn rup se yatharth aur vastavik hote hain. yah alag bat hai ki ham iske samikaran siddhant v arthon ko samajh nahin pate.’ dusri bat yah hai ki ‘svapn kuch kshanon ke lie ate hain aur adrishya ho jate hain, jisse ki vyakti pratahkal tak un svapnon ko bhul jata hai. parantu yah nishchit hai ki ek svasth vyakti, pratyek ratri men tin se sat svapn avashya dekhta hai. amerika ke prasiddh svapn visheshagya ‘jaerj hich’ ne pustak drim men pramanon sahit yah spasht kiya hai ki, ”vyakti svapnon ke madhyam se hi apne jivan men purnata prapt kar sakta hai, prakriti ne manav sharir ki rachna is prakar se ki hai ki, “jahan manav ke jivan men gutthiyan aur pareshaniyan hain, badhayen aur uljhnen hain, vahin un uljhnon ya samasyaon ka hal bhi prakriti svapnon ke madhyam se de deti hai. manav sharir ke andar do prakar ki sthitiyan hoti hain chetan v avchetan man jaisa ki sarva vidit hai. chetan man jahan bahri drishya aur parivesh ko svikar kar jama karta rahta hai, vahin antrik man hamare purva janmon ki ghatnaon se purn rup se sanbandhit rahta hai. ismen ab to koi do ray nahin hai ki vyakti ka bar-bar janm aur bar-bar mrityu hoeti hai. hamare arsh rishi adi jagadguru shankracharya ne bhi ‘charpatapanjrika’ men kaha hai ”punrpi jannan, punrpi marnan, punrpi janni jathre shaynan“ pichle jivan ke karyon, drishyon aur ghatnaon ka prabhav bhi vah jivan men prapt karta rahta hai, use vahan karta rahta hai. yah achetan man hi svapnon ka vastavik adhar hai aur is achetan man ke pas apni bat ko batane ya samjhane ka aur koi rasta nahin hai, falasvarup vah nidrakal men manav ko chetavni bhi deta hai, un drishyon ko spasht bhi karta hai aur uska path pradarshan bhi karta hai. is drishti se achetan man vyakti ke lie jyada sahyogi aur jivan nirman men sahayak hota hai. svapn ek purn vigyan hai hamare jivan ki koi bhi ghatna vyarth nahin hai, savdhan aur satark vyakti pratyek ghatna se labh uthata hai, vah usko vyarth samajhakar nahin chorta. yadi jivan men saflta aur purnata prapt karni hai to jahan chetan avastha men uske jivan ke karya prayatn to safal v sahayak ho hie jate hain, iske alava svapnon ke madhyam se bhi vah apni samasyaon ka nirakaran kar sakta hai. sansar men dekha jay to svapnon ne vyakti ke jivan men bahut bare-bare parivartan kiye hain aur vaigyanik shodhon men mahatvapurn yogdan diya hai. frans ke darshanik di. margis ki adat thi ki ve barabar kam men jute rahte the aur kam karte hi jab ganit ke kisi samikaran ya vigyan ki kisi samasya ka samadhan nahin milta tha to ve vahin kam karte-karte so jate, tab ‘svapna’ men un samasyaon ka samadhan unhen mil jata tha. isse yah siddh hota hai ki vastav men hi svapn apne apmen ek alag vigyan hai. usko usi prakar se hi samjhna hoga. kabhi-kabhi svapn sidhe aur spasht rup se nahin ate apitu ve gurh rahasya ke rup men nidrakal men ate hain aur ve svapn unhen smaran rahte hain. vyakti ko chahie ki vah us svapn ka arth samjhe v svapn visheshagya se salah len aur uske anusar apni samasyaon ka samadhan prapt karen. svapnon ke svarup: falit jyotish men svapnon ko vishleshnon ke adhar par sat bhagon men banta gaya hai:- 1. drisht svapn, 2. shrrit svapn, 3. anubhut svapn, 4. prarthit svapn, 5. sammohan svapn, 6. kalpanik svapn evan 7. bhavit svapn. inmen se uprokt chah prakar ke svapn nishfal hote hain kyonki ye sabhi chah prakar ke savapn asanymit jivan jine vale vyaktiyon ke svapn hote hain. vishva men aj 99.99 pratishat log asanymit jivan hi adhik jite hain. yahi karan hai ki ye asanymit jivan jine vale log svapnon ki bhasha n samajhakar svapn vigyan ki khilliyan urate rahte hain. svapnon ke bare men inki dharnayen nakaratmak soch vali hi hoti hai aise log svapn jyotish ki khilli urate hue kahte dekhe jate hain ki kahin sapne bhi sach hote hain. satven prakar ke bhavit svapn hi sach hote hain jo sanymit jivan jine valon ko hi adhik dikhai dete hain ye svapn kuch ajibo garib bhi hote hain, jo kabhi dekhe n gaye hon, sune n gaye ho jo bhavishya men ghatit ghatnaon ka purvabhas karaye ve hi svapn bhavik svapn hote hain aur ve faldayi svapn hote hain. pap rahit, man svapneshvari sadhna dvara dekhe gaye mantra ghatnaon ka purvabhas karate hain manav ka prayojan isi prakar ke bhavik svapnon se hi hai. sapnon ke adhar par falakathan ka itihas bhi atyant prachin hai. tulsikrit ‘ramchritmans’ men tretayug ki mahan vidushi ‘trijta’ nam ki rakshasi ek rakshasi hote hue bhi ek mahan vidushi thin. ve svayan ke dvara dekhe gae svapn ke adhar par ravan evan unki lankapuri ka bhavishya bhagvti man sita ko batate hue kahti hai- sapne bavar lanka jari. jatudhan seva sab mari.. khar arurh nagan dassisa. mundit sir khandit bhuj bisa.. ehi vidhi so dachchin disi jai. lanka manhun vibhishan pai.. nagar firi raghubir duhai. tab prabhu sita boli pathai.. sah sapna main kahaun pukari. hoihin satya gaye din chari.. sundrkand jain dharm ke chaibisven tirthankar bhagvan mahavir svami ke janm se purva unki mataon ko solah svapnon ko madhyam se garbhasth jiv ke punyatma hone ka abhas hota tha. jain puranon men iska vistarpurvak varnan kiya gaya hai. prayah yah mana jata hai ki pratahkal dekhe gaye sabhi svapn satya siddh hote hain yah mithya bhram hai. is bhram ki prishthabhumi men suryoday se purva brahm muhurt men dekhe gae svapnon ka atishighra faldayi hota hai n ki suryoday ke bad ka. suryoday ke bad ath-das baje tak sote hue svapn dekhne valon ke sabhi svapn vyarth hi hote hain jo asanymit jivan jine valon ke hote hain. is bhram ki prishthabhumi men hi atyant hi ashubh v bure-bure svapn atyant hi anishtakari v ashubh hote hain. ratri ke pratham prahar men dekhe gae svapn ek varsh men dvitiya prahar men dekhe gae svapn ath mahinon men, tritiya prahar men dekhe gae svapn tin mahinon men aur chaturth prahar men dekhe gae svapn ek mah men fal dete hain aur ve hi svapn shubh fal dete hain jo satven prakar ke bhavik svapn hote hain. sapne kab ate hain ? sapne kab ate hain ? is vishay par adhunik vaigyanikon ne jo shodh evan adhyayan kie hain ve ‘sains jarnal enkarta tatha maikrosaft ki vebsait em. es. en. par upalabdh hanai. in riporton ke adhar par nind ko do sthitiyon men banta gaya hai. pratham sthiti raipid ai muvment (ar. i. em.) hai. adhik tar svapn nind ki isi avastha men hi ate hain. is nind ki avdhi men sharir ki mans peshiyan bilkul shithil rahti hain lekin ankhen band palkon ke andar teji se hilti-dulti rahti hain. mastishk tarangon ki manitring se pata chalta hai ki jagrat avastha ki apeksha is sthiti men mastishk adhik kriyashil rahta hai. pratyek vyakti ek rat men char se sat bar tak ar.i.em. prakar ki nind leta hai. ar.i.em. nind ki avdhi das se bis minat tak ki hoti hai aur ar. i. em. nind ki sthiti nind ane ke lagabhag 90 minat ke pashchat praranbh hoti hai. yadi koi vyakti ratri men lagabhag das baje sota hai to samanya rup se yah ratri ke dvitiya prahar ka aranbh hoga. yadi adhunik vaigyanikon dvara batayi gai ukt samyavdhi se ganna karen arthat 10$3=13 ya ratri ek baje se ar. i. em. nidra ana praranbh hoga to 1$3=4 baje ratri ke antim prahar hi ar. i. em. nidra ka samay hoga. isi nidra avdhi men svapn ate hain yah vaigyanik bhi siddh kar chuke hain. spasht hai ki arsh rishi maharshiyon ka gahan manan chintan kalpanaon se adhik gahan evan ganbhir tha. isse yah bhi siddh hota hai ki vibhinn tithiyon, grahon, nakshatron ki gatiyon, mahadshantardashaon men dekhe gae svapnon ke falon men anadikal se jyotishiya adhyaynon dvara svapn vigyan ke gurh se gurhatam gyan hamare mahan rishi maharshiyon dvara shastron v puranon men varnit kiye gae hain. jo adhunik rishi-maharshiyon evan bhautik vigyaniyon ke shodhon se bhi mel khata hai. kuch udaharan prastut hai. 1. jab sanp ne apne apko kat liya: jarmani ka fraidrik kaikmul anuon ki sanrchna sanbandhi shodh men vyast tha aur anuon ko ek sidhi pattiyon men pravahit karke apni samasya ka hal dhundh raha tha parantu vah do mahinon ke athak prayason ke bad bhi apne prayas men saflta prapt nahin kar pa raha tha. ek din vah isi prakar ki anuon ki rachna prakriya ko suljhate suljhate prayogshala men hi so gaya. svapn men usne dekha ki ek sanp gol gol ghum raha hai aur vah lanba sanp anguthi ke akar men hokar apni punch ko munh men dabakar nigal gaya aur tatkshan vah sanp sone ki anguthi ke rup men badal gaya. yah dekh ‘fredrik kaikyul’ ki ankh turant khul gai use apni samasya ka hal mil gaya, usne samajh liya anuon ko sidhi patti par pravahit kar manovanchit parinam nahin prapt kiya ja sakta iski apeksha use anguthi ke akar men vartul dete hue anuon ko pravahit kiya jay aur usne aisa hi kiya aur iski us shodh ke parinam svarup hi use nobal praij mila. ukt vaigyanik ke shodh aur svapn ko ham yadi dhyanpurvak chintan manan karen tab samajh men ata hai ki svapn ke arth ko jyon ka tyon svikar n karke use apne tarike se samjhna hota hai tabhi usmen saflta prapt hoti hai. 2. jab sir men mala thonka: silai mashin ke avishkarak ilihas hov apni silai mashin banane men vyast the aur do sal ke parishram ke bad bhi unhen saflta nahin mil rahi thi. ve said men dhaga dal rahe the par usse silai nahin ho pa rahi thi. ek din ilihas hov dukhi hokar vahin so gaye. usi rat unhonne sapne dekha ki ek rakshas aya hai aur unhen ek vriksh se bandh diya hai aur fir us rakshas ne apne anuchron ko agya di ki iske sir ke bichonbich bhala ghonpa jay. anuchar ne aisa hi kiya. tabhi ilihas hov ki nind khul gai. bhay ke mare uska sharir thar-thar kanp raha tha aur sara sharir pasine-pasine ho gaya tha. isse use apni samasya ka hak mil gaya tha. fir uski samajh men a gaya ki said men dhaga dalne ki apeksha yadi koi sui ke bich men ched kiya jay aur dhaga piroya jay to use saflta mil sakti hai. unhonne pratahkal uthakar vaisa hi kiya aur unhen saflta mil gai. sansar ko silai mashin sulabh ho gai. 3. amerika ke ek paramnovaigyanik ki shodh: amerika ke paramnovaigyanik mi. dablyu lohvi nari sansthan ke sanvegon ke adhyayan men jute hue the aur us samasya ka samadhan unhen nahin mil raha tha. ek rat unhonne sapne men dekha ki koi unke sharir ko bhalon se ched raha hai. lohvi ki ankhen khul gai. unhen apni samasya ka samadhan mil gaya ki sanvegon ka pravah barabar vartul dabav ki vajah se hi sanbhav hai. unhonne isi paddhati ko apnakar kam ko age barhaya aur unhen apne kshetra men purn saflta mili. age chalakar lohvi ko bhi isi shodh se nobal praij mila. 4. vah sadhika: amerika men rahne vali mis ‘doshethi’ ko ek svapn bar-bar ata tha ki, ”usne bhagve kapre pahan liye hain aur vah barabar paharon par charh rahi hai aur vah barf ke upar asani se chal rahi hai, pahar ke niche hajaron log bahen failaye uski jay-jaykar kar rahe hain. mis doshethi ko kuch samajh men nahin a raha tha. uske sath ek bhavya tejasvi sanyasi bhi bhagve kapre pahne hue path pradarshan karta hua chal raha hai aur tabhi uski ankhen khul gai purn bhautikta aur vilasita ki chakachaindh men rahne vali karorpti bap ki beti ke lie yah ajib sa svapn tha. vah iska arth nahin samajh pa rahi thi. par vah svapn bar-bar ata aur ek din vah bharat ki tikat katakar dilli a hi gai. usne chah mahine tak bharat ki mahatvapurn tirthasthalon ki yatra ki par use us sanyasi ke darshan nahin hue jise usne svapn men dekha tha. vah us agyat, anath, aprichit sanyasi ki khoj men barabar ghumti rahi aur ek din san 1983 aprail men ek sadhna shivir men usne kisi ke kahne par bhag lene ka nishchiya kiya aur usne dekha ki jo sanyasi bar-bar uske svapn men a raha tha vah to samne khara hai vahi chehra, vahi muskurahat, vahi chalne ka dhang, vah uske charnon men gir pari. uske bad dorothi ne us sanyasi ke sath himalay ke vibhinn sthanon ki yatra ki use aisa laga ki sabhi sthan evan drishya vah sapne men pahle se hi dekh chuki hai. sanyasi ke age-age vah chalti aur batati rahti ki bain taraf ek gufa hai jise mainne svapn men dekha hai aur vastav men hi thori hi duri par hubhu vahi gufa dikhai de jati. aj vah pashchatya jagat ki shreshth sadhika dorothi seva bhavti hai jise din dukhiyon ki seva karne ke badle maigsese puraskar ho chuka hai aur san 1988 ke nobel praij ke lie bhi uska nam prastavit hua tha. yadi vah svapn ke arth ko n samajhakar bhautikta men hi dubi rahti to vah keval do bachchon ki man aur bilasini banakar hi rah jati, uska nam gali - mohalle se age nahin pahuchta. par vah aj lakhon logon ki juban par hai. isi prakar bharatavarsh ke bhi saikron udaharan hain. 5. dhan labh suchak svapna: kuch svapn vyakti ke dhan labh karane vale hote hain hathi, ghore, bail, sinh ki savari, shatruon ke vinash, vriksh tatha kisi dusre ke ghar par charhakar dahi chatra, ful, chanvar, ann, vastra, dipak, tanbul, surya, chandra devpuja, vina, adi svapn dhan labh prapt karane vale hote hain. 6. mrityu suchak svapna: svapn men jhula jhulna, git gana, khelna, hansna, nadi men pani ke andar chale jana, surya, chandra grahadi nakshatron ko girte hue dekhna, vivah, grih praveshadi utsav dekhna, bhumi labh, darhi munch, bal banvana, ghi, lakh dekhna, murga, bilav, gidar, nevla, bichchu, makkhi sharir par tel malakar nange badan, bhainse, gadhe, unt, kale bail ya kale ghore par savar hokar dakshin disha ki yatradi karna adi mrityu suchak svapn hai. 7. kuch anubhut svapna: ek mahila ka putra bari tarah se bimar v dilli ke ek aspatal men dakhil tha. mahila svayan bhi bimari ke karan bistar par thin ek rat use svapn dikhai diya ki, uske gale ki moti ki mala tut gai hai nind khuli to usne dekha ki uski mala tuti hui thi thik usi samay uske putra ne apne pran tyag die the. jalandhar ke ek vyakti ki patni ki chati kainsar aepreshan ho raha tha use svapn men dikhai diya ki kuch log unhe marne daur rahe hain, achanak vah aspatal ke flai ovar men charh jati hai fir vah svayan ghar andar pahunchakar chupne ki koshish karti hai aur nind tut jati hai svapn ke fal se to uski to jan bach gai kintu uske pati ki hriday ki gati rukne se mrityu ho gai. is tarah spasht hai ki manushya ke jivan men anevali durghatanaon unnati aur shubh samay ke agaman se sanbandhit svapn kai bar sachche sabit hote hain. is prakar svapn vastav men purn rup se vigyan hai jisko bhali prakar se samjhne ki avashyakta hai. iske gurh rahasyon aur usmen nihit halon ko samjhne ki hamen avashyakta hai. pashchimi deshon men to svapnon par itni adhik pustaken likhi ja chuki hai ki yadi unhen ekatra kiya jay to bahut bara pustakalay bhar sakta hai. vahan par saikron sansthaen hain jahan svapnon ka vishleshan hota hai. bharatavarsh men bhi kuch ikki-dukki sansthayen hi juti hui hain jo yada-kada dekhne ko milti hain kintu hamare arsh rishi maharshiyon ke shodh agraganya hain.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2010

Apne vichar vyakt karein

blog comments powered by Disqus
.