स्वप्नों का शास्त्रीय एवं वैज्ञानिक स्वरूप

svapnon ka shastriya evan vaigyanik svarup  

Ank ke aur Lekh | Sambandhit Lekh | Views : 4490 |  
yajurved men bhi 34/4 men ''yen yagyastayte saptahota'' ke rup men varnan karte hue kaha gaya hai ki panch gyanendriyan, man aur buddhi in sat hotaon ke dvara hi sharir rupi yagyashala men gyan prapti ka yagya chalta rahta hai. ham jo achche-bure svapn dekhte hain use kartta rupi jivatma, drishta rupi parmatma hokar dekhta hai. svapnamayi sansar ka karan hota hai sukshm sharir garur puran men varnan ata hai ki ”manushya deh pap ka bhandar hai aur manushya, grihasth jivan men deeh rup men anek pap karta hai. apne karmon se svarg aur narak ka adhikari banta hai. vastav men manushya jivan to ishvar ka vardan hai aur manushya deh rup men hi mahan karya sanpann kar dev tulya ho sakta hai. deh yukt manushya, jivan ki mahanta anya praniyon evan nashvar sharir dhariyon ki bat hi chor den to sada yuvavastha v amaratva ko prapt devta bhi manav sharir ko dharan karne ke lie vyagra rahte hain aur par brahm parmeshvar ki ichchanusar is prithvi par avtrit hote rahte hain. is manav sharir ki rachna aur iski kriya shakti adbhut hai. manushya apni vani ke madhyam se apne vicharon ko dusron ke samne vyakt kar sakta hai. apne man ke dvara vah chintan manan kar sakta hai. apni buddhi ke dvara vah srijan evan sharirasth chakron ko jagrat karte hue parabrahm avastha ko bhi prapt kar sakta hai. ek chote se kathanak dvara aitrey upnishad ne manav sharir ko sakshat devalay hi pratipadit kiya hai, usne kaha hai ki, ”jab srishti ka nirman hua to praranbh men parmatma ne agni, vayu surya adi devon ki rachna ki, jab ve dev is jagat men avtirn hue“ to unhonne parmatma se kaha ki ”hamen rahne ke lie sthan (ghar) dijie jahan nivas karke ham apne sanpurn bhogon ko bhog saken.“ parmatma ne gay, ghore adi pashu pakshiyon ke sharir prastut kiye jise devtaon dvara pasand n ane par parmatma ne unke samaksh manushya ka sharir prastut kiya. jise dekhte hi devta khushi se uchal pare aur usmen pravisht hokar unhonne apna-apna sthan chun liya. aitrey upnishad ke anusar ”agnidev vani ke rup men mukh men vayu pran ban kar nasikaon men, samast dishaen shrot ke rup men karnon men, aushdhiyan aur vanaspatiyan rom ke rup men tvacha men, chandrama man ke rup men hriday men aur varunadi retas ke rup men shishn men nivas karte hain. is sanbandh men ved bhi ekamat hain. atharvaved ke anusar - is sharir men haddiyon ko samidhaon ke rup men is raktadi ko jal ke rup men, retas adi ko ghrit ke rup men, surya chakshu ke rup men pravisht hain. sabhi devta ismen pravisht hain. samast jal, samast devta sanpurn brahmand aur prajapti brahma bhi is sharir ke andar hi pravisht hain. jaise gauven gaushala men rahti hain, usi prakar sabhi devta is sharir men nivas karte hain. manav sharir sakshat devpuri hai, jismen muladhar, svadhishthan manipur anahat vishuddh lalit, agyachakra, sahasrar adi athon chakra, do kan, do nasikaen, do ankhen, ek mukh aur do adhodvaradi nau dvar hain. is man dehrupi devpuri ke andar anandamay kosh men jo ki ek jyoti se avritt hai, ek yaksh ya atma nivas karti hai. is prabhrajman hridyharini, yashomyi, aprajita svarnim, devpuri men brahm arthat parmatma ka nivas hai. gopath brahman men bhi rishiyon ne kaha hai ki purush ka sharir hi yagya bhumi hai, man is sharir rupi yagya ka brahma hai, pran udgata hai, apan prastota hai vyan pratiharta hai ankh adhyavaryu hai, prajapti sadasya hai, dusre ang hotra shansi hai, atma yajman hai. yajurved men bhi 34/4 men ”yen yagyastayte saptahota“ ke rup men varnan karte hue kaha gaya hai ki panch gyanendriyan, man aur buddhi in sat hotaon ke dvara hi sharir rupi yagyashala men gyan prapti ka yagya chalta rahta hai. yajurved ne iski vyakhya rishi bhumi ke rup men karte hue kaha hai ki ”is manav sharir men sapt rishi (panch gyanendriya, buddhi aur man) rahte hain. ve sabhi bina pramad kie iski raksha karte hain. jab yah sharir nidramagn rahta hai tab ve sabhi atmalok men chale jate hain, pran aur atma rup dev aise bhi hain jo us samay bhi jagrat avastha men rahte hain. rigved men manav sharir ki tulna karte hue rishiyon ne prashnottar ke rup men is sharir rupi rath ka varnan karte hue rishiyon ne prashnottar ke rup men is sharir rupi rath ka varnan karte hue kaha hai ki, ”kisne kumar ko utpann kiya hai? kisne uske rath (sharir) ki rachna ki hai? kaise yah ek god se dusre god men diye jane yogya hota hai? yah aj hamen kaun bataega ? iske uttar ke rup men rishiyon ne kaha hai ki ”yah pahle mata ke garbh men utpann hota hai, uske bad ek god se dusri god men jane yogya hota hai. janm ke samay pahle iska shir bahar niklta hai uske bad sara sharir hi bahar a jata hai. yah jivatma ke baithne ke lie dev nirmit rath hai. yah manav rupi sharir indra ka rath hai jismen do bhujaen v do pair ye char yug hain man buddhi, pran ye tin chabuk hain. sapt shirshanya pran rupi ye sat lagam hain. panch gyanenndriya v panch karmendriya rupi das ghore hain. pratah kal ise navin aur saf suthra karke jota jata hai evan buddhi v sad ichchaon dvara ise hanka jata hai. is sharir rupi rath ki samuchit dekhbhal karne ke bare men savdhan karte hue kaha gaya hai ki, he buddhi rani ke sath virajman atma rupi indra! tum is sharir rupi rath ko khinchne vale pran rupi bail ko bhali bhanti chalao, nahin to yah rogadi rupi gadrhon men is sharir rupi rath ko gira dega. surya apni kirnon ke madhyam se aur prithvi apni aushdhiyon aur vanaspatiyon ke madhyam se is rath ke doshon ko dur karte rahen jisse ki tum kisi bhi rog dvara n sataye jao. is prakar vaidik sahitya men bhi manav sharir ko atyant durlabh, advitiya aur shreshth ghoshit kiya gaya hai aur vaidik mantron men iski mahatta ko vibhinn rupon men pratipadit kiya gaya hai. manav sharir apne ap men itna adhik shreshth hai ki iske andar samast devi devta nivas karte hain. hamen is sharir ke prati shreshth bhav rakhna chahie. uprokt vivaran dene ka tatparya yah hai ki, hamare prachin kal ke granthon men svapn vigyan ko kafi mahatva diya gaya hai. svapn parmatma ki or se honevali ghatnaon ke purva sanket hote hain. svapn ka prabhav nishchit rup se har manushya par parta hai. yadi koi achcha sa svapn dikhai de to ham khush hote hain kintu bure svapn dikhai de to ham ghabrakar turant jyotishiyon ke pas jate hain. svapn to chote-chote nirih balkon ko bhi nahin chorte hain. ve nind men kabhi hanste hain aur kabhi dar se rone lagte hain. sharir tin prakar ke hote hain, sthul, sukshm aur karan. sharir ke in tinon prakaron men sharir ki tin avasthaen karya karte hain. jagrit avastha men tinon sharir karya karti hain. svapn avastha men sukshm sharir karya karta hai ismen sthul sharir ka koi karya nahin hota hai aur sushupti avastha men karan sharir karya karta hai, ismen sthul sharir ka koi karya nahin hota hai aur sushupti avastha men karan sharir karya karta hai, ismen sthul aur sukshm sharir donon hi karya nahin karte. pratyek din arthat chaibis ghanton men yah sharir ek bar tinon avasthaon se gujrta hai. yah kram ajivan chalta rahta hai lekin ham kabhi bhi is or dhyan nahin dete hain. yah sthul sharir jab sota hai, nind men hota hai, to yah supt ho jata hai aur sansar ka tyag svatah ho jata hai lekin atma tab bhi jag rahi hoti hai aur svapn ke sansar men vicharan kar rahi hoti hai. svapnamayi sansar ka karan hota hai sukshm sharir. jaise hi sukshm sharir ka tyag hua to svapnil sansar bhi usmen vilay ho jata hai aur sushupti men pahunch jata hai, ekant men. parantu jivatma yahan bhi nahin sota aur gahan nindra se jagne par bolta hai - ham gahri nind men so rahe the. iske age chaturth avastha, turiya, turiyatit avastha ka anand se avarniya hota hai. mahanpurush, sant purush aur shastranubhav mahan purush hi is nind se jagne ka updesh dete hain. is sanbandh men kabirdas ji kahte hain ki ”kabir sutra ka kari, kahe n dekhe jabhi. jinke sang te bichuriya, tahi ke sang lagi.“ is sanbandh men mira ka svapn bhi unke hi shabdon men sanbodhit karte hue kahti hain ki ” palka par sovat kamini re, gyan dhyan sab piya sang lagyo. pal men lag gai palakan mori, bhinchat hi pal men piya ayo. main jo uthi piya adar dene, jag pari piya hath n ayo. aur sakhi piya sokar khoya, main apna piya jagi ganvayo.. ham jo achche-bure svapn dekhte hain use katrta rupi jivatma, drishta rupi parmatma hokar dekhta hai. prakriti aur sharir ek sadhan matra hai. iske prati asakti nahin honi chahie. sharir utpann hone se samapti tak parivartanashil hai. parantu atma aprivartaniya hai. hamen svayan ko atma manna chahie sharir nahin. ek aisi atma jo drishta hai, katrta nahin. drisht banakar svapn rup men hi sahi, is sansar ke parivartan ko dekhna hai aur ismen rahte hue sabhi karm karne hain. shreshth aur shubh svapn ki prapti ke lie hamen is sharir ke prati shreshth bhav rakhna chahie. iske andar shreshth vicharon ko ashray dena chahie. ek devalay ke saman hi ise shuddh v pavitra rakhna chahie aur kisi bhi prakar se ise dushit nahin hone dena chahie. is prakar karne se hamen sabhi devi-devtaon evan grah nakshatron ke shubh prabhav vale svapnon se labh prapt hoga. ham adhidaihik, adhidaivik aur adhibhautik tapon se mukt hone men samarth ho sakenge. manushyon ko uski buddhi ki visheshta hi pashuon se alag karti hai, anyatha ahar nidra, bhay, maithun ki pravritti to sabhi praniyon men saman rup se upasthit rahti hai. buddhi vivek ke karan hi manushyon men ichchaen jagrit hoti hain. inmen se kuch ichchaen puri ho jati hain to kuch adhuri. kintu adhuri apurn ichchaon ko puri karne ki chah adhuri nahin rahti. manushya yathasanbhav in adhuri ichchaon ki, kamnaon ki purti ka prayas karta rahta hai. yadi iske sadhan evan kriya-kalap, in akankshaon ki purti karne men samarth hote hain tab to thik anyatha adhuri ichchaen man men ghar kar leti hain aur svapn ke rup men dikhai parti hain. suprasiddh patrika sains men haevard medikal skul men ‘rabart stik golda’ ki ek riport chapi thi inke anusar vyakti ke sadya anubhav sapnon ke lie kachche mal ka karya karte hain aur ye pratidin prapt honevali suchnaon evan anubhvon ke madhya avashyak bhavnatmak sanchar banane ke lie mastishk ki sahayta karte hain. kabhi ye sapne matra ek bar ate hain aur kabhi bar-bar. in ichchaon ki purti bhavishya men ho jaye to svapn ko satya kaha jata hai. isi adhar par kaha jata hai ki svapn bhavi ghatnaon ka sanket dete hain. udahrnarth benjin ke karban, haidrojan, brand farmule ka vichar vaigyanik ‘kenkule’ ko svapn men hi aya tha. manushya ne apne svabhavanusar sapnon ka vishleshan praranbh kiya ki ”sapne kyon ate hain? kin paristhitiyon v kin avsron par ate hain. kis samay dekhe gae sapne satya aur faldayak aur kis samay ke sapne nirarthak v faldayi nahin hote ? svapn jivan ki upalabdhi: svapn hamare jivan ki upalabdhi hai. vaigyanikon ke alava kai lekhkon ko svapnon se prerna mile hain, apne upanyason ke plaet mile hain. skaetlaind ke prasiddh lekhak el. stivenshan ne to apna prasiddh upanyas ‘divain’ ko svapnon ke adhar par hi likha hai, svapn men vah jo parhta rahta vahi dusre din stivenshan kagaj par utar deeta aur uska yah upanyas best selar bana jise sat se bhi adhik puraskar prapt hue. kai uchch koti ke sangitkaron ko apni nai-nai dhunen svapn ke madhyam se hi prapt hui. vishva vikhyat sangitkar ‘mojarta’ ne jo apni ‘vithovn’ dhun banai thi vah use svapn ke dvara hi prapt hui thi. itli ke tatrinon ko svapn ke madhyam se hi ‘laetri’ ka nanbar prapt hua tha aur usse kai karor daelar usne ek hi jhatke men prapt kar lie the. mujhe bhi bachapan se ab tak svapnon dvara hi kai shubhashubh sanket prapt hue jisse kai sukh-duahkh, labh-hani, jay-parajyon ka samna jivan men karne pare hain. ek or jahan ashubh svapnon se ashniya duahkh, kasht, pire mile hain to dusri or shubh svapnon se asim anand bhi prapt hue hain. adhyatmik sadhnaon ki saflta se adhyatmik shodh prapt kar kai puraskar prapt kie hain, un shodhon dvara lok kalyan bhi ho raha hai. svapnon ke arth ko bhalibhanti samjhne ke lie yah avashyak hai ki ek sadhak banakar purn manoyog se svapneshvari sadhna sanpann karen aur usmen purnata prapt karen tabhi svapn men prashnon ke uttar sahaj hi mil sakte hain. svapnon ke faladesh karne men atyant savdhani bartne ki avashyakta hoti hai. ek hi svapn kisi paristhiti men anishtakarak to kisi paristhiti men labhdayak ho sakta hai. yadi un svapnon men koi antar a jata hai to vahi svapn shubhashubh faldayak siddh ho sakta hai. udahrnarth svapn sarp ka dekhna achcha nahin hota kintu yadi svapn men daen hath men sarp kat le, to vyakti ko shidhra hi labh hota hai. svapn ke madhyam se bhavishya janne ki kai vidhiyon men se ‘svapneshvari’ sadhna sarvadhik pramukh aur mahatvapurn hai. yah sadhna saral evan shighra siddhidayak hai. mainne sadguru ke sannidhya men unki kripa se vibhinn sadhnaen ki hain jinmen se ‘svapneshvari’ sadhna bhi sanpann ki hai jinke pratyaksh praman is jivan men vibhinn safltaon ke rup men mile hain. jis prakar mujhe ye safltaen mili hain usi bhanti jo bhi shraddhalu sadhak purn manoyog se is sadhna ko sanpann karenge to unke aisa karne se is sadhna ko sanpann karne ke bad iske mantra ka jap karte hue soega to rat men man svapneshvari devi svayan upasthit hokar uske prashnon ke uttar ya hal dengi. svapneshvari sadhna: hamare shastron, puranon v upnishdon men varnit nityakarm puja paddhati ke antargat niyam-sanyam ka palan karte hue pratahkal brahm muhurt men uthte hi sarvapratham apne hast darshan karte hue mantra japte hain ki - karagre vaste lakshmi karamadhye sarasvati karmule sthito brahma prabhate kar darshanam. uske pashchat ham brahma, vishnu, mahesh sahit ganpti ke barah namon v surya ke barah namon ke jap pratidin karte hain yatha: ¬ brahma murari stripurantkari bhanuah shashi bhumisuto budhashch. gurushch shukrah shani rahu ketvah kurvantu sarve mam suprabhatam.. ¬ sumukhashchaik dantashch kapilo gaj karnakah lambodarashchaviktovighnanashovinaykah.. dhumraketurganadhyaksho bhalchandro gajannah dvadshaitaninamaniyah pathechchrinuyadpi.. ¬ adityah prathmah nam dvitiyan tudivakrah. tritiyanbhaskarah proktan chaturthan ch prabhakrah.. panchman ch sahasranshuah shashthan chaiv trilochnah. saptaman haridashvashch, ashtaman ch vibhavshuah.. navman dinkrit proktan dashman dvadshatyakah. ekadshantrayimurti dvadshan surya ev ch.. dvadshaitani namani pratah kale pathennarah. duahsvapnanashnan sadyah sarvasiddhiah prajayte.. uproktanusar pratidin karne se duahsvapn nasht ho jate hain aur sadhkon ko sanpurn prakar ki siddhiyon se bhi sakshatkar hota hai. is prakar pratidin karte hue 8 dinon tak svapneshvari sadhna karni chahie. kisi bhi shukravar ko sadhak ratri men 9.30 se 11.00 baje ke bich dakshin disha men munh karke apne samne ek bajot par shvet vastra bichakar us par guru chitra sthapit kar uska sankshipt pujan v guru se sadhna men saflta ke lie prarthana kar uske samip pili sarson ki dheri banakar viniyog karen. viniyog: ¬ asya svapneshvari mantrasya upamanyu rishiah. brihtichchandah svapneshvari devta mamabhishth siddhayarthe jape viniyogah.. karanyas: ¬ shrin angushthabhyan namah svapneshvari tarjanibhyan namah. karya madhyamabhyan namah. me anamikabhyan namah. vad kanishthikabhyan namah. svaha karatalakar prishth bhyan namah.. ¬ karanyasah.. hridyadishadananyasah ¬ shrin hridyay namah, svapneshvari shirse svaha. karya shikhayai vashat. me kavchay hun. vad netratrayay vaushat. svaha astray fat.. ¬ hridyadi shadananyasah.. dhyan: ¬ varabhye padyayugan dadhanan karaishchaturbhiah kankasanasthan. sitanbran sharad chandra kantin svapneshvari naubhivibhushnayan.. pashchat sarson ki dheri par nau supari devi ki nau shaktipith ke rup men sthapit kar pratyek shaktipith ka mantra jap karte hue kunkum ke tilak karen. purva disha se praranbh karte hue ¬ jayayai namah ¬ vijayayai namah ¬ ajitayai namah ¬ aprajitayai namah ¬ nityayai namah, ¬ vilasinyai namah ¬ doradhyai namah ¬ adhoshyai namah ¬ madhye namah ¬ manglayai namah.. pashchat supariyon ke madhya svapneshvari yantra sthapit kar pujan kar ¬ shrin svapneshvari karyan me vad svaha. mantra ki 11 malaen pratidin 8 dinon tak svapn siddh vijymala se jap karen. 8 dinon ke pashchat siddh hone par kisi bhi prakar ke prashn ke uttar janne hetu ek kagaj par likhakar ek mala mantra jap karke so jaen. ratri ko avashya hi man svapneshvari devi upasthit hokar apke prashn ka uttar spasht rup se bata deti hain jo sadhak ko smaran rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2011

Apne vichar vyakt karein

blog comments powered by Disqus
.