अंक ज्योतिष का विभिन्न ज्योतिषीय विधाओं से संबंध

ank jyotish ka vibhinn jyotishiya vidhaon se sanbandh  

Ank ke aur Lekh | Sambandhit Lekh | Views : 6970 |  
brahma dvara rachit is srishti men sukshm se sukshmatar sabhi kisi n kisi rup men samanjasya rakhte hain. hamari bhartiya adhyatmik paranpraen, ankon ke shubh-ashubh falon ka samanvay jahan vishva ke anya dharmon ke sahitya evan manyataon se samanta rakhta hai vahin hast, jyotish, vastu evan falit jyotish sabhi men ank shastra ka prabhav dekha ja sakta hai. aie janen ankshastra ka vibhinn jyotishiya vidyaon ke sath apsi sanbandh... hamare rishi agastya, rishi parashar rupi mahan vaigyanikon ne hajaron varsh purva se hi pauranik granthon ke vivrnon tatha prachin paranpraon ke itihas ko is bhartiya upmhadvip ko vibhinn jyotishiya paddhatiyon ka in vidyaon ka kendra banaya tha. vishva ke prachin sahitya, purva evan vartaman samay ke paranpraon ke itihas ki or yadi drishti dalen to vibhinn jyotishiya paddhatiyon yatha falit jyotish, samudrik jyotish, hast jyotish, ank jyotish evan vastu vidyayen sanpurn vishva tak keval faili hui hi nahin, varan inmen apsi taur par paranpragat samantaen bhi pai gai hai. jaise bhartiya adhyatmik paranpraon men ank 7 ko shubh mana jana, 7 var, 7 chakra, 7 din, vivah men agni ke 7 fere, 7 dvip (sapt dvip), 7 patal. isi bhanti yahudiyon ki dharmik paranpraon men bhi ank 7 ki mahatta tatha 7ga7tra49 ki sankhya ko bhi kafi prabhavshali mana jata hai. dusri taraf bhartiya paranpraon men ashubh mane jane vale ank 13 ko isai v yurop ki paranpraon men itna adhik ashubh mana jata hai ki unke haetal jaise vyavsayik kendron ke kamron ki sankhya men ank 13 ka prayog nahin kiya jata. iske alava bhartiya adhyatmik paranpraon tatha yantra v ankshastron men dharm parlaukik evan dampatya sukh ke pratik guru ke ank 3 ki mahatta aur isi ank ko islam dharm men bhi kafi mahatvapurn mana jata hai jaise 3 ghunt men pani pina, kisi bhi kathan ki manjuri v namanjuri men ank 3 tak ki simaen, shubh ank 786 ka 7$8$6=21=2$1=3 ka mulank adi. ankshastra ki yah vidya mulank, bhagyank evan namank jaisi tin paddhatiyon men prachlit hai. sadiyon se manav jati ka svabhav aisa raha hai ki vah pratyek bar kuch naya janna chahta hai. asani se pratyek manushya santusht nahin hota. manovaigyanik drishtikon se vishleshan karne par yah gyat hota hai ki manav ki uparyukt jigyasa ne hi use jyotish shastron ke vibhinn vidyaon ke ganbhir rahasyodghatan ke lie pravritt kiya hai. is shastra ki paribhasha samy-samay par vibhinn rupon men mani jati rahi hai. samay ke sath-sath yah paribhasha aur adhik viksit hoti gai. nakshatron ki akriti, svarup, gun evan prabhav ka parigyan prapt karna jyotish mana jane laga. adi kal men nakshatron ke shubhashubh falanusar karyon ka vivechan evan ritu, ayan, dinman lagnadi shubhashubh anusar vidhayak karyon ko karne ka gyan prapt karna bhi is shastra ki paribhasha men parinit ho gaya. surya pragyapti, jyotish karanyak, vedang jyotish, hast jyotish, ank jyotish, prashn jyotish adi. prabhriti granthon ke pranayan tak jyotish ke ganit aur falit ye do bhed spasht nahin hue the aur ye paribhashayen keval yahin tak simit nahin rahin, apitu gyanonnati ke sath-sath viksit hui. rashi aur grahon ke svarup, rang, disha, tatva, dhatu adi ke vivechan bhi iske antargat a gaye. samay ke sath-sath is vishay ke anekon ganranth hathon men aye. hora granthon men jatak ke janm nakshatron, janm lagnadi v dvadash bhavon ke bare men gyan hua, madhya yug men sanhitaon ki paribhasha, hora, ganit aur shakun-apshkun ke rup manen mani gai. kintu sanhita shastra ka janm adikal se hi hua tha jiski paribhashaon ka kshetra uttarottar barhta hi gaya. isi bhanti prashnashastra, tatkal fal batanevala shastra sabit hua. rigved sanhita men ‘chakra’ shabd samne aya jo rashi chakra ka bodhak hai. isi bhanti uttarottar jyotish shastra ki kai shakhaen viksit hoti gai jaise samudrik shastra, prashnashastra, ank shastra, lal kitab, sanhitadi. falit jyotish ke sath-sath dhire-dhire adhikansh vidvanon ka dhyan bahut prachinkal se hi samudrik shastra, ankshastra aur vastushastra ke samantaon ki or gaya aur in par unhonne anekanek shodh kiye aur is nishkarsh par pahunche ki ”kisi bhi parinam ka praranbh aur ant ank hi hai. ank shastra se yah jana ja sakta hai ki jatk/jatika ke lie bhut, bhavishya, vartaman samay men kya kuch unke jivan men ghatit hua, ho raha hai aur hoga ? ank jyotish ka vartaman rup pashchatya sabhyata ki den hai, jiske antargat isvi san ki tarikh se mulank, tarikh, mah, aur san ke alg-alag ankon ke yog ke sanpurn yog se bhagyank aur angreji ke aksharon ke ankon ko jorakar namank gyat kar faladesh kiya jata hai. inmen vibhinn vidvanon ke namank ank kuch bhinn hain. kuch adhunik vidvanon ne samudrik shastranusar kai jatk/jatikaon ke hathon ki rekhaane v vibhinn grahon ke parvaton ka adhyayan kar unke mulank, bhagyank evan namank ka vishleshan kar is nishkarsh par pahunche ki kis ank se kaun-kaun ank prabhavit hain ? unke tathyon ke adhar par mainne bhi kuch jatk/jatikaon ke hastarekhaon evan vibhinn grahon ke parvaton ka adhyayan kar unke mulank/bhagyank /namank ka vishleshan kar is nishkarsh par pahuncha ki ankshastra, samudrik shastra evan unke ghar ke vastu samanjasya sanbandhi faladesh men bahut hi samantaen hain aur khas karke unke kariyar nirdharan sanbandhi faladesh men bhi bahut si samantaen hain. ankshastra, samudrik shastra evan vastushastra men samantaen ankshastra, hastarekha shastra evan vastu shastra ke adhar par vibhinn mulankon ke jatk/jatikaon ka tulnatmak adhyayan nimnanusar prastut kar raha hun. suvigya pathk/sadhk/vidvan iska adhyayan kar apni-apni hastarekhaon v mulank/bhagyank/namank, nirdharan kar apne vartaman evan bhavishya ko sudhar sakte hain. aisa karke mujhe kritarth kar anugrihit karne ki kripa karenge. mulank 1 tarikh: 1, 10, 19, 28, mitra ank: 2, 3, 6, 7, 9 sam ank: 1, 8 shatru ank: 4, 5 pati-patni mitra ank: 2, 7, 5 pati-patni sam ank: 3, 9, 4 pati-patni shatru ank: 6, 8 yadi kisi jatak ki hatheli men surya parvat v surya rekha saf suthri ho aur uski sankhya ek se adhik ho, surya rekha, bhagya rekha ya jivan rekha men vilin ho rahi ho to vah jatk/jatika surya pradhan hota hai. aise jatk/ jatikaon ka janm avashya hi 1, 10, 19 ya 28 tarikh ko hua hota hai. surya rekha par chota vritt ya saf-suthra tribhuj ho v uske niche saf-suthri surya rekha ho to bhi aise jatak ka surya bahut sashakt hota hai. vastushastra ke anusar aise jatak ke grih avas ke shubh rang sunhre, pilie evan tanbai sunhre, bhure rang se sanbandhit hote hain. aise log atyadhik mehnti hote hain. ye sarkari naukri, rajniti, samaj seva adi kshetron men unnati karte hain. mulank 2 tarikh: 2, 11, 20, 29, mitra ank: 1, 2, 4, 6, 7, 9 sam ank: 3, 8 shatru ank: 5 pati-patni mitra ank: 5, 6, 8 pati-patni sam ank: 1, 4 pati-patni shatru ank: 7, 9 yadi kisi jatak ki hatheli men chandra parvat uttam ho, us par katav n hokar ari rekhaen hon v saf suthri hon to aise jatk/jatikaon ke janm avashya hi 8, 11, 20 ya 29 tarikh ko hua hota hai. vastushastra ke anusar aise jatak ke grih avas ke shubh rang halke se gahre, hare, safed v krim rang se sanbandhit hote hain. aise vyakti vishisht kalpana shakti sanpann hote hain. ye adhikanshtah arkitekt, dijainar v film nirdeshak hote dekhe gae hain. mulank 3 tarikh: 3, 12, 21, 30 mitra ank: 1, 5, 6, 9 sam ank: 2, 4, 7 shatru ank: 3, 8 pati-patni mitra ank: 2, 7, 8, 9 pati-patni sam ank: 1, 4 pati-patni shatru ank: 5, 6 yadi kisi jatk/jatikaon ki hatheli men guru parvat ubhra hua ho v shani parvat ki or se thora ubhar lie hue hon, guru ki anguli surya ki anguli se bari ho, sidhi ho to aise jatk/jatikaen guru pradhan hote hain. aise logon ka janm avashya hi 3, 12, 21 ya 30 tarikh ko hua hota hai. dhan, shiksha evan ay ke sadhan aise logon ko prachur matra men prapt hote hain. vastu shastranusar aise jatak ke grih avas ke shubh rang-pile, parapal, gulabi aur jamuni rangon se sanbandhit hote hain. aise logon men bachapan se hi netritva karne ki kshamataen hoti hai. ye marte dam tak samajik karyon men lage rahte hain. sahas, shakti, drirhta aur atmavishvas adi ke ye dhani hote hain. aise log apne parivaron mitron v svajnon ki sahayta karne men agrani hote hain. apni vilakshan prabhav kshamata se ye shatru ko bhi apna mitra bana lete hain. mulank 4 tarikh: 4, 13, 22, 31, mitra ank: 2, 4, 6, 7, 8, 9 sam ank: 3, 5 shatru ank: 1 pati-patni mitra ank: 2, 5, 7 pati-patni sam ank: 1, 9 pati-patni shatru ank: 1, 6, 8 yadi kisi jatk/jatika ke hath men guru parvat utha hua ho aur us sthan par katav n ho, shani parvat ke niche hriday rekha v mastishk rekha ke niche ka rahu parvat uchch ho, us parvat par koi bhi dosh n ho ya us par tribhuj ya chatushkon ho to aise jatkon ka janm avashya hi 4, 13, 22, 31 tarikh ko hua hota hai. vastushastranusar aise jatak evan unke grih avas ke shubh rang sleti v halka nila rang lie hue se sanbandhit hote hain. aise jatk/jatikaen apne jivan kal men anaitik rup se dhan adhik kamate hain. aise bahut hi kam avasar ate hain jinmen kabhi kabhar hi naitik karmon dvara dhanarjan karte hon. ye apne jivan kal men sangharshashil rahte hain. ye atyadhik adhunik vichardharaon vale, purani prathaon ke virodhi, har bat ko viprit nigah se dekhne vale, jhagralu pravritti ke n hone ke bavjud bhi ye bahuton ko shatru bana lene ki pravritti vale, bhikhari se karor pati ya karorpti se bhikhari banne sanbandhi sthiti vale hote hain. mulank 5 tarikh: 5, 14, 23 mitra ank: 3 sam ank: 4, 6, 7, 8, 9 shatru ank: 1, 2, 5 pati-patni mitra ank: 1, 4, 3 pati-patni sam ank: 2, 7, 6 pati-patni shatru ank: 8, 9 yadi kisi jatk/jatika ki hatheli men budh parvat ki sthiti achchi ho, us par sidhi rekhaen hon, budh ki anguli sidhi ho us kshetra par katav ya jal n ho to jatk/jatika ki vakashakti, buddhimta, tarkashakti bahut achchi hoti hai aise logon ka janm avashya hi 5, 14 evan 23 tarikh ko hua hota hai. vastushastranusar aise logon v unke grih avas ke shubh rang safed sleti aur sabhi rangon ke halke shed se sanbandhit rang hote hain. shubh lakshanon se yukt aise logon ki vani bahut mithi hoti hai. aise log gyani, ajivan mitrata nibhane vale, kalpanashil, sujhbujh vale v hamesha tanavagrast rahne vale hote hain. aise log sharirik shrram ki apeksha mansik shram adhik karte hain. dhanoparjan ke lie aise log kai bar apna vyavsay badlte rahte hain. ye shatruta to nahin karte lekin yadi koi inse dushmani karta hai to ye unka vinash avashya kar dalte hain. mulank 6 tarikh: 6, 15, 24 mitra ank: 1, 2, 3, 4, 6, 9 sam ank: 5, 7, 8 pati-patni mitra ank: 3 pati-patni sam ank: 1, 2, 4, 5, 7, 8 pati-patni shatru ank: 9 yadi kisi jatk/jatika ke hatheli men shukra parvat saf suthra, ubhar lie hue ya usko jivan rekha purn rup se gherti ho, us par moti-moti rekhaen n hon, jivan rekha evan mangal rekha bhi saf suthri hon to aise logon ka janm avashya hi 6, 15, 24 tarikh ko hua hota hai. vastu shastranusar aise logon v unke grih avas ke shubh rang halke gahre nile v gulabi hain. aise logon ko dhan prapti ke kai sadhan jivan men milte rahte hain. ye romantik, shant, imandar, tej buddhi, dhani, nidar, premi, aishvarya sanpann, kamuk, kala ke shaukin, hansmukh adi gunon se sanpann hote hain. inke hi gunon ke anukul nayk/nayika, gayk/gayika, chitrakar adi hote hain. mulank 7 tarikh: 7, 16, 25 mitra ank: 1, 7, 9 sam ank: 3, 5, 8 pati-patni mitra ank: 3, 5, 6, 8 pati-patni sam ank: 1, 4 pati-patni shatru ank: 2, 9 yadi kisi jatk/jatika ki hatheli men ketu parvat ubhar lie hue hon, saf suthra ho, bhagya rekha jivan rekha se dur ho v saf ho to aise logon ka janm avashya hi 7, 16, 25 tarikh ko hua hota hai. aise logon ki hatheli men ashubh lakshan bhi hon to bhi ve kabhi bhi dhan vaibhav man samman prapt karte rahte hain. kintu ve buddhi adi ka sahi upyog nahin kar pate. aise logon ko ketu ke upay avashya karni chahie. aise log apni sabse alag pahchan banane men safal hote hain. ye pratyek vyakti ki raj janne ki kala men nipun hote hain. aise log yojna se jure kshetra, kala ya chitrakla adi men bhi nam arjit karte dekhe jate hain. vastushastranusar aise jatak evan unke grih avas ke shubh rang hara, pila, safed rang se sanbandhit hote hain. aise vyaktitva ke log patrakarita, abhinay, plastik, khel karya, chikitsa, paryatan, aushdhi, khanij adi se jure karyon men vishesh safal hote dekhe jate hain. ye lekhan, gayan v sangit kalaon ke sath-sath tantra-mantron, jyotish, yogadi, gupt vidyaon men bhi daksh hote dekhe jate hain. dekha jay to aise logon ko sarvagun sanpann vyaktitva ka svami kahna atishyokti nahin hoga. ye paranpra ya avsrvadi nahin hote, spashtavadi hote hain. mulank 8 tarikh: 8, 17, 26 mitra ank: 4, 6 sam ank: 1, 2, 5, 7, 8, 9 shatru ank: 3 pati-patni mitra ank: 3 pati-patni sam ank: 2, 5, 6, 7, 9 pati-patni shatru ank: 1, 4 yadi kisi jatk/jatika ki hatheli men shani parvat saf suthra, sath hi bhagya rekha bhi saf suthri ho, shani ki anguli sidhi ho ya shani kshetra par spasht rup se trikon bana ho v uske niche hriday rekha spasht ho to aise logon ka janm avashya hi 8, 17 ya 26 tarikh ko hua hota hai. anya lakshan shubh ho to aise log dhani v karya kushal sabit hote hain. aise log jue, laetri, satte, sheyar adi se bhi labh prapt karte hain. shani se prabhavit ye log sangit, kali vastuon v lohe ke vyapar, jyotish, transport, koyla, dharma-karm, bijli, davaiyan, chamre ke vyavsay, thekedari, bagvani, pulis evan fauj se jure karyon men sanlagn rahte hain. vastushastranusar aise jatak evan unke grih avas ke shubh rang gahre sleti, kale, gahre nile aur jamuni rangon se sanbandhit hote hain. yadi shani parvat par rekhaain saf-suthri hon to aise logon ko bachapan se hi sabhi prakar ki sukh suvidhaen milne lagti hain. yadi hath men shani ki anguli sidhi ho, parvat ubhar lie hue hon, shani ki anguli par keval tin hi parva hon, anguli patli ho, nakhun saf suthre hon to aise logon par shani ki vishesh kripa hoti hai. purva janmon men aise log sadhu santon ki seva v bujurgon ke samman, dan punya v dusron ki madad karne vale hote hain. mulank 9 tarikh: 9, 18, 27 mitra ank: 1, 2, 3, 4, 6, 7, 9 sam ank: 5, 8 pati-patni mitra ank: 8 pati-patni sam ank: 1, 2, 3, 4 pati-patni shatru ank: 7, 5 yadi kisi jatk/jatika ki hatheli men uchch mangal v nimn mangal parvat ubhar lie hue hon, mangal par katav n ho, parvat saf-suthra ho to aise logon ka janm avashya hi 9, 18 v 27 tarikh ko hua hota hai. yadi mangal parvat unnat n bhi hon, anya shubh lakshan bhi kam hon to bhi aise log jiddi v shighra gussa karne vale hote hain. vastushastranusar aise logon v unke grih avas ke shubh rang lal, gulabi, sinduri se sanbandhit rog hote hain. is ank se prabhavit jatk/jatikaon ki hatheli men yadi rekhaen achchi hon, mangal parvat ubhar lie hue hon to aise vyakti sanpatti ki kharid farokht, bilding maiteriyal ke karya karne vale ya kisi bare vibhag ke chif hote hain. aise log aksar ati atm vishvas ke shikar bhi hote hain. adhikansh aise jatk/jatikaen adhikatar mehanat majduri karke ajivika chalane vale bhi hote hain. prayah is mulank vale logon ki anguliyan moti hoti hai. nishkarshatah yah kaha ja sakta hai ki vibhinn jatk/ jatikaon ke hastarekhaon, grahon ke parvaton, unke janmank ke mulankon/bhagyankon/namankon, vastushastra niyamanusar jatkon v unke grih avas ke niyamanusar unke jivan ke karm v ghatnaon men kafi kuch samantaen lie hue hote hain. kisi-kisi ke mulankon, to kisi-kisi ke bhagyankon, to kisi-kisi ke namankon ke adhar par bhi hastarekhaon evan grah parvaton men samantaen hoti hain. yadi kisi prakar se jatk/jatikaon men tal-mel nahin baith raha ho to namank badlne ke lie antim aksharon men se kuch parivartan kar nam ko to badla ja sakta hai kintu unke mulank v bhagyank ko nahin badla ja sakta. nam ke antim akshar men koi bhi uchit akshar prayog karke jivan ko achcha ya sukhamay banane ka prayas kiya ja sakta hai. uska adhar ank kundli men yah dekhakar kiya ja sakta hai ki jatak ko kis grah aur yog ki avashyakta hai. ank kundli vaivahik jivan men bhi bahut mahatvapurn mani jati hai jo yog larki ki kundli men nahi hai, vah yog yadi larke ki kundli men hua ho to vah jivan men samanjasya bithane men sahayak hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2011

Apne vichar vyakt karein

blog comments powered by Disqus
.